FJKM Ambavahadimitafo

Fiangonan'i Jesoa Kristy eto Madagasikara

Tonom-bavaka nataon'i Paoly ho an'ny fiangonana tany Efeso

Tonom-bavaka nataon'i Paoly ho an'ny fiangonana tany Efeso

Publié le 15 janvier 2009 à 12:01

« Mangataka aho mba hahafantaranareo ny hery lehibe sy mihoa-pampana tokoa izay anasoavany antsika mpino, araka ny fiasany tsy hay tohaina sy mahery vaika » Efes 1,19 DIEM

Tonom-bavaka nataon’i Paoly ho an’ny fiangonana tany Efeso izany mba hahafahany mijoro amin’ny fahalalana tsara an’i Kristy. Mpino manko izy ireo ka tokony hahatsapa eo amin’ny fiainany ny mampiavaka ny fiarahan-dalana amin’ny Tompo.

  • Goavana, tsy hay refesina
  • Rehefa mamonjy sy manafaka ny olony Andriamanitra dia maneho ny heriny manokana, izay tsy ananan’ny olombelona na hita eo amin’ny zava-boary hafa. Io toetra ambony sy mihoatra noho izay azon’ny olona sainina io no tian’ny apôstôly hampahatsiahivina, mba hatoky feno an’Andriamanitra ny Efesianina raha sendra fahasahiranana mila hahakivy eo amin’ny fiaraha-monina. Tokony ho fantatr’izy ireo fa goavana ny herin’Andriamanitra ka tsy mety lefy, tsy mety tola. Noho izany dia tena azo ianteherana amin’ny zava-drehetra ny Tompo, satria afa-mifehy ny toe-javatra isan-karazany mety hiseho.

    Isika ankehitriny koa dia taomin’ny Tenin’Andriamanitra mba hatoky ny halehiben’ny fahefan’ny Tompo, ka hanankina feno ny fiainantsika Aminy fa tsy hiantsampy amin’ny fanahy hafa na amin’ny fomban-tany lazaina fa manan-kasina. Andriamanitra, Rain’i Jesoa Kristy, ihany no nanome antsika ny aina mahavelona sy namonjy antsika tamin’ny finoana mba hivelaran’ny fiainantsika ka ho tody amin’ny fenitra napetrak’Izy mpahary.

  • Hery manetsika
  • Tsy hery mangeja na mampiraviravy tanana Andriamanitra, fa manetsika ny olona mba handroso (dynamique). Koa ny osa dia hatanjahiny mba ho afa-mijoro, ny reraka an-dalana dia tafiany hery mba hanohy ny diany, ny malemy dia omeny fahefana mba hiasa. Na iza na iza nandray ny herin’Andriamanitra dia tsy mitomoe-poana, fa misikim-ponitra mba hahefa tsara ny adidy nampiantsorohan’ny Tompo azy.

    Araka izany dia hita eo amin’ny fomba fihetsika vaovao asehon’ny olona rehefa miasa sy mandray andraikitra ny vokatry ny fifampikasohany tamin’ny Tompo. Tsy azo atao ny misandoka izany amin’ny teny tsara lahatra na ny fikasana tsara, fa ny atao no manaporofo azy. Eo amin’io asa io izany vao mety hitranga ny fifangaroan’ny fihetsiketsehan’olombelona sy ny ainga avy amin’ny Fanahin’Andriamanitra. Efa nampitandrina ny Tompo fa mety ho voafitaka eto ny mpanara-dia Azy (Mat 24,24). Tsy misy afa-tsy ny fahazavan-tsaina avy amin’i Kristy ihany no ahazoana manavaka izany.

  • Hery mandaitra
  • Misy fiantraikany mandrakariva amin’izay mandray azy ny herin’Andriamanitra, satria toy ny angôvo mahery vaika (énergie) izany ka tsy fantatra raha tsy efa midona amin’izay lalovany na iantefany. Avy amin’io hery mandaitra io no ahafahan’ny mpino mifehy ny zava-mitranga samihafa izay mila handifotra azy : mety ho korontana izany, na tsy fahampiana, na fampianaran-diso, na faharavam-pananana.

    Fifehezana hita maso izany ka mahatonga ny olona hampiasa ny vatany amin’ny fankatoavany an’Andriamanitra ; tanjaka ahazoana manova ny zava-misy no atolotry ny Tompo, ka mampijoro ny mpino amin’ny fiantsoana sy ny fanompoana.
    Koa ny Tompo Andriamanitra, izay manan-kery tsy hita pesimpesenina, no maniraka antsika hiroso amin’ny aloha kokoa amin’ny fandraisana andraikitra sy mampahomby ny asantsika amin’ny alalan’ny Fanahiny.


    Lire aussi

    26/06/2022 A la une . Fanompoam-pivavahana . Toriteny

    Fa ny aminay kosa, dia Jehovah no Andriamanitray, ka tsy mba nahafoy Azy izahay

    Alahady 26 Jona 2022, fetim-pirenena malagasy faha-62 taonan’ny fahaleovantena, natokana hitondrana am-bavaka ireo zokiolona eto amin’ny fiangonana. Ny tenin’Andriamanitra nitondran’ny mpitandrina Randrianarisoa Alain ny hafatr’Andriamanitra dia ny tao amin’ny IITantara 13 : 10  » Fa ny aminay kosa, dia Jehovah no Andriamanitray, ka tsy mba nahafoy Azy izahay; ary ny mpisorona izay manao fanompoam-pivavahana ho

    19/06/2022 A la une . Fanompoam-pivavahana . Toriteny

    Alahady fetin’ny ray, alahadin’ny Vokovoko manga

    Alahady 19 jona 2022, ankalazana ny fatin’ny ray, alahadin’ny sampana Vokovoko Manga manerana ny FJKM, mbola hibanjinana ny lohahevitra hoe « Mampanjaka ny fahefany ny Tompo ». Ny mpitandrina miza-draharaha Randriambinintsoa Onja no nitondra ny hafatr’Andriamanitra avy ao amin’ny Apokalipsy 12:7-12  » 7Ary nisy ady tany an-danitra: Mikaela sy ny anjeliny niady tamin’ilay dragona; ary ilay dragona

    12/06/2022 A la une . Fanompoam-pivavahana . Toriteny

    Efa nohenoiko ny fitarainanao, ary efa hitako ny ranomasonao; indro, hahasitrana anao Aho

    Alahady 12 jona 2022, alahadin’ny Sekoly FJKM, alahadin’ny Trinite, hibanjinana ny lohahevitra hoe « Mampanjaka ny fahefany ny Tompo« . Ny mpitandrina Randrianarisoa Alain no nitondra ny hafatr’Andriamanitra avy ao amin’ny 2Tantara 20 : 5 – 9 : « Miverena, ka lazao amin’i Hezekia, mpanapaka ny oloko, hoe: Izao no lazain’i Jehovah, Andriamanitr’i Davida rainao: Efa nohenoiko ny

    05/06/2022 A la une . Fanompoam-pivavahana . Toriteny

    Pentekosta 2022 : feno ny Fanahy Masina izy rehetra ka nitory ny tenin’Andriamanitra tamin’ny fahasahiana

    « Miorena tsara, aza miova » Alahady Pentekosta 05 Jona 2022, fankalazana an’Andriamanitra tamin’ny nandrotsahany ny Fanahy Masina voalohany tamin’ny fiangonana; tsingerintaonan’ny fiangonana ihany koa satria feno 1989 taona ny fiangonana. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Asan’ny apostoly 4 : 31 « Ary rehefa nivavaka izy dia nihovitrovitra ny trano izay niangonany,

    02/06/2022 A la une . Jobily 25 taona Past. Alain Randrianarisoa . Vaovaom-piangonana

    Fitsangatsanganana 2022

    Efa ho 2 taona no tsy nanatanteraka fitsangatsanganana ny FJM Ambavahadimitafo noho ny toe-draharaha ara-pahasalamana izay fantantsika. Koa am-pifaliana tokoa no hifanentanantsika amin’izany ankehitriny. Amin’ny Alatsinainy Pentekosta 06 Jona 2022 no ho tanterahina eny Antsofonondry Avaradrano ny fitsangatsanganan’ny FJKM Ambavahadimitafo, izay hanasàna antsika kristiana tsy an-kanavaka sy ny zanaka am-pielezana. Ankoatran’ny fikarakaran’ny Biraon’ny fitandremana miaraka

    29/05/2022 A la une . Fanompoam-pivavahana . Toriteny

    Alahady fetin’ny reny 2022

    Alahady 29 mey 2022, ankalazana ny fetin’ny reny ka nitondra am-bavaka manokana azy ireo androany teto @ FJKM Ambavahadimitafo. Ny Sekoly Taninketsa no nitondra ny toriteny an-kira nandritra izany fanompoam-pivavahana izany. Manasa anao hiombona amin’izany fotoana izany : Manantitra ny firariantsoa ho an’ny reny izahay eto amin’ny site web, ho feno fifaliana sy fahasoavana avy

    22/05/2022 A la une . Fanompoam-pivavahana . Toriteny

    Mandehana araka ny Fanahy, dia tsy hahatanteraka ny filan’ny nofo ianareo

    Alahady 22 mey 2022, andinihina ny lohahevitra hoe « Manavao ny Fanahy masina« , ka nitondran’ny tarika Ny mpitory toriteny an-kira araka ny Galatiana 5 : 16 – 25 « 16Fa hoy izaho: Mandehana araka ny Fanahy, dia tsy hahatanteraka ny filan’ny nofo ianareo. 17Fa ny nofo manohitra ny Fanahy, ary ny Fanahy manohitra ny nofo; ary mifanohitra

    15/05/2022 A la une . Fanompoam-pivavahana . Toriteny

    Ka efa nofenoiny fanahin’Andriamanitra, dia fahendrena sy fahiratan-tsaina sy fahalalana ny amin’ny tao-zavatra samy hafa

    Alahady 15 mey 2022, « Manavao ny fanahy masina », lohahevitra amin’ity volana ity eto anivon’ny FJKM , itondrana am-bavaka ny mpiasa hiombonana. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Eksodosy 35 : 31 « ka efa nofenoiny fanahin’Andriamanitra, dia fahendrena sy fahiratan-tsaina sy fahalalana ny amin’ny tao-zavatra samy hafa« .  Andeha hiombona amin’ny fanompoam-pivavahana

    08/05/2022 A la une . Fanompoam-pivavahana . SLK . Toriteny

    Toriteny an-kira nentin’ny tarika Laurent Rakotomamonjy, faha-15 taona SLK Ambavahadimitafo

    Alahady 08 Mey 2022, alahady hitondrana am-bavaka ny SLK na Sampana Lehilahy Kristiana eo anivon’ny FJKM, ankalazana ny faha-15 taonan’ny SLK eto amin’ny FJKM Ambavahadimitafo. Ny tarika Laurent Rakotomamonjy no nitondra ny hafatr’Andriamanitra tamin’ny alàlan’ny toriteny an-kira. Manasa anao hiombona amin’izany fanompoam-pivavahana izany :

    03/05/2022 A la une . Fanompoam-pivavahana . Jobily 25 taona Past. Alain Randrianarisoa . Randrianarisoa Alain . Toriteny

    Alahady fanokafana ny faha-25 taona nitandremana

    Alahady 02 mey 2022 hibanjinan’ny FJKM ny lohahevitra amin’ity volana ity manao hoe « Manavao ny Fanahy Masina« ; nanokafana ihany koa ny Jobily faha-25 taona nitandreman »ny mpitandrina Randrianarisoa Alain. Ny teny anorenana ny jobily dia ny Salamo 111 : 1b « Haleloia ! Hidera an’i Jehovah amin’ny foko rehatra aho ». Manasa antsika hiombona amin’izany fanompoam-pivavahana izany :