FJKM Ambavahadimitafo

Fiangonan'i Jesoa Kristy eto Madagasikara

Ny Asa Sosialy eto Ambavahadimitafo (ASAM)

  • Home
  • Ny Asa Sosialy eto Ambavahadimitafo (ASAM)

Vaomiera asa sosialy

Ny Asa Sosialy eto Ambavahadimitafo (ASAM)

Publié le 14 juin 2007 à 01:06

Tsy nataon’ny apôstôly Paoly ambanin-javatra ny fanampiana ireo sahirana ka nanafarany ny Fiangonana tany Korinto

I KORINTIANA 16:1,2 SY II KORINTIANA 9:12, 13

A. FANAMPIANA NY SAHIRANA

Ny Soratra Masina no iorenan’ny fandaminana ao amin’ny Fiangonana « réformé », ary anisan’izany ny FJKM. Mibahan-toerana lehibe amin’izany ny fampianaran’ny apôstôly Paoly. Tsy nataon’ny apôstôly Paoly ambanin-javatra ny fanampiana ireo sahirana ka nanafarany ny Fiangonana tany Korinto, ary mbola manan-kery sy atao ho an’ny Fiangonana Ambavahadimitafo koa izany hafatra izany, ka nitenenany hoe :

« .. araka ireo fepetra nasaiko narahin’ny Fiangonana rehetra any Galilia. Isan’Alahady dia samia mba manokana vola ao aminy » (I KORINTIANA 16:1,2 – DIEM)

Ny fampianarana sintonintsika avy amin’io dia ity : Tsy diso mihitsy ny mpiangona eto Ambavahadimitafo, raha manangom-bola isaky ny Alahady (rakitra moa no hilazana azy ao amin’ny dikan-teny teo aloha) entina hanampiana ireo sahirana. Satria araka ny Soratra Masina izany. Ary entanina mihitsy aza ny mpiangona mba hanao izany. Io fanangonam-bola io dia tsy hoe faniriana fotsiny, ho an’ny apôstôly Paoly, mba ho ataon’ny mpiangona, fa faniriana miendrika baiko, satria hoy izy :

 » mba manaova koa ianareo, araka ireo fepetra nasaiko narahin’ny Fiangonana rehetra »

Natao ho an’ny Fiangonana Ambavahadimitafo koa izany fepetra asain’ny apôstôly Paoly arahina izany; « manokana vola » hoy izy.

B. FITORIANA NY FILAZANTSARA

Zava-dehibe ny fanampiana ny sahirana, ka nahatonga ny apôstôly Paoly hampianatra ny Fiangonana, ary anisan’izany isika eto Ambavahadimitafo, hanangom-bola ho an’izany asa fiantrana izany. Ary ireo sahirana ireo, dia tsy voatery mihitsy hoe ao anatin’ilay Fiangonana mpanome, satria : nampanangom-bola ny Fiangonana any Korinto, ny apôstôly Paoly, ho an’ny Fiangonana any Jerosalema (I Kor. 16:3) na koa ho an’ny Fiangonana any Jodea (II Kor. 9:12) sns.

Fiangonana izay samy sahirana avokoa. Fitoriana ny Filazantsara, fitoriana an’Andriamanitra, ny fanampiana ny sahirana, araka ny tenin’ny apôstôly Paoly hoe :

« Satria ny fanaovana izao asa famoriam-bola izao dia tsy hoe mahafa-pahasahiranana ny vahoakan’Andriamanitra any Jodea fotsiny, fa mahabe ny fisaoran’ny maro an’Andriamanitra koa. Misy vidiny tokoa izao fanasoavana izao, Ka maro koa no hanome voninahitra an’Andriamanitra noho ny fanaovana anehoanareo ny Vaovao Mahafaly nentin’i Kristy ; maro koa no hanome voninahitra an’Andriamanitra noho ianareo nahafoy be nizara harena tamin-dry zareo any Jodea sy tamin’ny olona rehetra » (II Kor. 9:12, 13 , DIEM)

Ny fampianarana sintonintsika avy amin’ireo andalan-tSoratra Masina ireo dia ireto :

a) Tena manampy ireo sahirana tokoa, ny fanomezanareo ho azy ireo, koa manantena, mamporisika ny Fiangonana izahay ASAM ny hanohy, ny hampitombo ny zavatra efa fanaonareo ihany. Fitiavana izany.

b) Tsy vitan’izany ihany fa : Ny fanampiana ireo sahirana, dia mahatonga ny betsaka hisaotra an’Andriamanitra (II Kor. 9:12), izany hoe hivavaka. Misy tokoa mantsy ny vavaka fisaorana, fa tsy izany ihany no antony hivavahana. Ary ao koa ireo maro hanome voninahitra an’Andriamanitra noho ianareo nahafoy be nizara harena tamin-dry zareo.

Araka ny fijoroan’ny apôstôly Paoly vavolombelona eto, sy fampianarana ampitainy amintsika dia : ireo koa no anisan’ny vokatry ny fanampianareo ireo sahirana, vokatra izay tena mankadiry tokoa. Tsy vitan’ny hoe manala fahasahiranana an’ireo sahirana ianareo, fa mahatonga ny maro koa hisaotra sy hanome voninahitra an’Andriamanitra. Fitoriana an’Andriamanitra tokoa ny fanampiana ny sahirana.

Betsaka aminareo no tsy manana ny fahasoavana hitory an’i Jesoa Kristy amin’ny alalan’ny fitetezana tokantrano (« Tafika Masina » no iantsoan’Ambavahadimitafo an’izany), na koa amin’ny alalan’ny toriteny na koa amin’ny alalan’ny fomba maro samihafa. Kanefa betsaka aminareo koa no manana fahasoavana hitory an’i Jesoa Kristy amin’ny alalan’ny fanampiana ireo sahirana, anisan’izany ny ara-bola.Tena fomba fitory iray hafa koa ny fanomezanareo vola ho amin’izany. Koa mazotoa mitory tompoko.

Isika eto amin’ny fitandremana Ambavahadimitafo dia manana ny ASAM, izay vondron’asa mampita fotsiny ny fanomezanareo, ny fanampianareo ho any amin’ireo sahirana. Tetezana fotsiny ihany ny ASAM, tetezana mampita ny fitorianareo (fanampiana) amin’ireo toriana (sahirana). Ianareo mitory, fa ny ASAM dia fitaovana entina mampita ny fitorianareo fotsiny ihany. Izany hoe, ianareo no miteny, fa ny ASAM dia « micro » fotsiny ihany.

Amin’ny Alahady 21 Mey 2006, Alahady fahatelon’ny volana, no Alahady natokan’ny fiangonantsika eto Ambavahadimitafo ho Alahadin’ny asa sosialy, Alahadin’ny ASAM. Koa manantena anareo ny fiangonantsika fa :

« Momba ny famoriam-bola atao ho an’ny vahoakan’Andriamanitra any Jerosalema, dia izao : mba manaova koa ianareo, arak’ireo fepetra nasaiko narahin’ny Fiangonana rehetra any Galilia. Isan’Alahady dia samia mba manokana vola ao aminy avy arakaraka izay vola miditra ka hitahiry izany, mba tsy ilaina intsony ny hamoriam-bola amin’ny fahatongavako (I Kor. 16:1, 2, DIEM) ;

« Satria ny fanaovana izao asa famoriam-bola izao dia tsy hoe mahafa-pahasahiranana ny vahoakan’Andriamanitra any Jodea fotsiny, fa mahabe ny fisaoran’ny maro an’Andriamanitra koa. Misy vidiny tokoa izao fanasoavana izao, ka maro koa no hanome voninahitra an’Andriamanitra noho ny fanaovana anehoanareo fa inoanareo ny Vaovao Mahafaly nentin’i Kristy ; maro koa no hanome voninahitra an’Andriamanitra noho ianareo nahafoy be nizara harena tamin-dry zareo any Jodea sy tamin’ny olona rehetra » (II Kor. 9:12, 13 – DIEM)

Ho an’Andriamanitra irery ny Voninahitra.

Ny Asa Sosialy eto Ambavahadimitafo (ASAM)

Lire aussi

17/09/2023 A la une . Fanompoam-pivavahana . Toriteny

Ny fiàsan’ny herin’i Kristy ao amin’ny mpanompony

Alahady 17 septambra 2023, mbola andinihina ny lohahevitra hoe « Mitoria teny @ firenena rehetra », fanateram-bokatra sy nitondrana am-bavaka ny antoko mpihira Antsan’Ambavahadimitafo. Ny mpitandrina miza-draharaha Volanasoa Tafita no nitondra ny hafatr’Andriamanitra araka ny Kolosiana 1 : 24-29  » 24Ankehitriny dia mifaly amin’ny fiaretako ho anareo aho, ary mahatanteraka ao amin’ny nofoko izay tsy vita tamin’ny

10/09/2023 A la une . Fanompoam-pivavahana . Toriteny

Alahadin’ny AFF : Salamo 96

Alahady 10 septambra 2023, mbola ibanjinana ny lohahevitra hoe « Mitoria ny teny @ firenena rehetra », sy itondrana am-bavaka ny Asa Fitoriana ny Filazantsara eo anivon’ny FJKM. Ny mpitandrina  Voanginirina Solofoarohasina avy ao @ FJKM Sud Ambohipo no nitondra ny hafatr’Andriamanitra araka ny Salamo 96 : 1-10 « 1Mihira fihiram-baovao ho an’i Jehovah; Mihirà ho an’i Jehovah

03/09/2023 A la une . AMA . Fanompoam-pivavahana . Toriteny

Alahady ivon’ny faha-45 taona AMA

Alahady 03 septambra 2023, ibanjinana lohahevitra vaovao @ity volana ity manao hoe « Mitoria teny @ firenena rehetra » natokana hankalazana ny ivon’ny faha-45 taonan’ny Antoko Mpihira Ambavahadimitafo. Ny mpitandrina Randrianarisoa Alain no nitondra ny hafatr’Andriamanitra araka ny Jeremia 7 : 1-11 « 1Izao no teny tonga tamin’i Jeremia avy tamin’i Jehovah: 2Mitsangana eo am-bavahadin’ny tranon’i Jehovah, ary torio

30/08/2023 A la une . AMA . Antso sy filazana

45 taona AMA : Fanokanana trano heva

Ny ANTOKO MPIHIRA AMBAVAHADIMITAFO dia manasa antsika tsy an-kanavaka hidera sy hankalaza an’Andriamanitra ny Alahady 3 septambra 2023 eto am-piangonana nohon’ny voka-dehiben’ny fikambanana sy fanokanana ny tsangam-baton’ny fankalazana ny faha-45 taona, ilay « trano heva » fanaovana vokatra ao an-tokontanim-piangonana. Manantena ny fahatongavantsika maro ho voninahitr’Andriamanitra irery ihany.

27/08/2023 A la une . Fanompoam-pivavahana . Toriteny

Matokia, ry zanako-vavy, ny finoanao no efa nahasitrana anao

Alahady 27 aogositra 2023, hamaranana ny fandinihina ny lohahevitra hoe « Mijoroa @ finoana », izay nitondran’ny mpitandrina Randrianarisoa Alain ny hafatr’Andriamanitra araka ny Matio 9 : 22Ary Jesosy nihodina ka nahita azy, dia nanao hoe: Matokia, ry zanako-vavy, ny finoanao no efa nahasitrana anao. Dia sitrana ilay vehivavy tamin’izay ora izay. «  Andeha hiombona @ fanompoam-pivavahana :

20/08/2023 A la une . Fanompoam-pivavahana . Toriteny

Alahadin’ny Aumonerie teto @ FJKM Ambavahadimitafo

Alahady 20 aogositra 2023, mbola andinihina ny lohahevitra hoe « Mijoroa @ finoana« , alahadin’ny Aumonerie Nationale, notarihin’ny mpitandrina Poget Helivao, mpandrindra nationaly, izay nitondra ny hafatr’Andriamanitra araka ny Eksodosy 17 : 8-16  » 8Ary tonga ny Amalekita ka niady tamin’ny Isiraely tao Refidima. 9Dia hoy Mosesy tamin’i Josoa: Mifidiana lehilahy ho antsika, dia mandehana ka miadia amin’ny

13/08/2023 A la une . Fanompoam-pivavahana . Toriteny

Jehovah Tompo ô, mifona aminao aho, tsarovy aho, ka ampaherezo izao indray mandeha izao monja

Alahady 13 jolay 2023, alahadin’ny martiora, mbola andinihina ny lohahevitra hoe « Mijoroa @ finoana« , nitondran’ny mpitandrina RANDRIANARISOA Alain ny hafatr’Andriamanitra araka ny Mpitsara 16 : 28  » Ary Samsona niantso an’i Jehovah ka nanao hoe: Jehovah Tompo ô, mifona aminao aho, tsarovy aho, ka ampaherezo izao indray mandeha izao monja, ry Andriamanitra ô, hamaliako ny

06/08/2023 A la une . Fanompoam-pivavahana . Toriteny

Fa tokony hanana faharetana hianareo mba hahazoanareo izay lazain’ny teny fikasana, rehefa vitanareo ny sitrapon’Andriamanitra.

Alahady 06 Aogositra 2023, hibanjinana lohahevitra vaovao @ity volana aogositra ity manao hoe « Mijoroa amin’ny finoana ». Ny mpitandrina Randrianarisoa Alain no nitondra ny hafatr’Andriamanitra araka ny Hebreo 10 : 36  » Fa tokony hanana faharetana hianareo mba hahazoanareo izay lazain’ny teny fikasana, rehefa vitanareo ny sitrapon’Andriamanitra. «  Andeha hiombona @izany fanompoam-pivavahana izany :

30/07/2023 A la une . Fanompoam-pivavahana . Toriteny

Ny toe-panahy entina manompo an’Andriamanitra

Alahady 30 Jolay 2023, andinihina farany @ity volana ity ny lohahevitra hoe « Hevero ny fifidianan’ny Tompo« . Alahady faha-5 nitondran’ny mpitandrina Randrianarisoa Alain ny fampianarana araka ny Kolosiana 3 : 12-17  » 12Koa mitafia famindram-po sy fiantrana,, fahamoram-panahy, fanetren-tena, fahalemem-panahy, fandeferana, araka ny olom-boafidin’Andriamanitra sady masina no malala. 13Mifandefera,ka mifamelà heloka ianareo, raha misy manana alahelo amin’ny

23/07/2023 A la une . Fanompoam-pivavahana . Toriteny

Ary nony maraina ny andro,dia nantsoiny hanatona Azy ny mpianany, ka nifidianany roa ambin’ny folo lahy

Alahady 23 Jolay 2023, mbola andinihina ny lohahevitra hoe « Hevero ny fifidianan’ny Tompo« . Ny mpitandrina Volanasoa Tafita no nitondra ny hafatr’Andriamanitra araka ny Lioka 6 : 12 – 16 « 12Ary tamin’izany andro izany dia lasa nankany an-tendrombohitra Jesosy mba hivavaka; ary naharitra nivavaka tamin’Andriamanitra nandritra ny alina Izy. 13Ary nony maraina ny andro,dia nantsoiny hanatona Azy

Ny fiangonana
Ankizy sy zatovo
Antoko mpihira
Sampana, asa, sampan’asa
Tetik’asa
Vaomiera
Mpitandrina
Recherche

"Ary hoy Izy taminy: Mandehana any amin'izao tontolo izao hianareo; ka mitoria ny filazantsara amin'ny olombelona rehetra, Marka 16:15

FJKM Ambavahadimitafo 2020

version 7.3