FJKM Ambavahadimitafo

Fiangonan'i Jesoa Kristy eto Madagasikara

Nijoro ny Sampana Lehilahy Kristiana – 13 mey 2007

SLK

Nijoro ny Sampana Lehilahy Kristiana – 13 mey 2007

Publié le 14 juillet 2007 à 08:07

Resadresaka nifanaovana tamin’ny Filohan’ny SLK (Sampana Lehilahy Kristiana)Ambavahadimitafo,RAVELOJAONA Feno Niriana

Hoviana no niforona ny SLK (Sampana Lehilahy Kristiana)?

Tamin’ny taona 1982 no niforona ny SLK teo amin’ny sahan’ny FJKM manerana an’i Madagasikara. Fa ny SLK eto amin’ny FJKM Ambavahadimitafo dia tafajoro androany; androany 13 mey 2007. Fa mbola mijoro fotsony izany, tsy mbola tena ara-dalàna eo anivon’ny FJKM; fa amin’ny erintaona ohatran’izao vao tena hajoro ho ara-dalàna. Izahay izay mijoro izao izany dia, karazan’ny hoe manao « test » raha hahavita ny asa na tsy hahavita.

Inona moa izany no tena atao hoe SLK?

Ny atao hoe SLK izany dia sampana velona anankiray eo anivon’ny FJKM, Sampana Lehilahy Kristiana izay mijoro hanatanteraka ny asam-piangonana izay hanirahana na niantsoan’Andriamanitra azy. Ny tanjona sy ny zavatra kendren’ny SLK ary ny andrasana aminy dia :

– ny hahatonga ny lehilahy kristiana hiroso lalindalina kokoa amin’ny finoana

– hazoto amin’ny asam-piangonana

– hahatana ny adidy amin’ny maha-loham-pianakaviana

– fiomanana ihany koa ho an’ireo izay ho loham-pianakaviana; amin’ny fitiavana sy risim-po no hanatanterahana izany.

– miaina ny hafatr’i Kristy eo anivon’ny firenena arakaraka ny asa tandrify ny tsirairay, na eo amin’ny firenena na ankohonana na eo amin’ny fiaraha-monina

Eo amin’ny firy ny isan’ny mpikambana ao amin’ny SLK?

Ny mpikambana ao amin’ny SLK izany izao dia misy eo amin’ny 40 lehilahy eo ho eo.

Inona no mampihavaka ny SLK amin’ny sampana hafa?

Ny mampiavaka azy dia; hoe izany izy hoe lehilahy, lehilahy kristiana. Ny mampiavaka azy koa faharoa dia angamba ny fijoroany tao anatin’ny fotoana fohy nefa efa nahazoana sahady mpikambana 40. Ankehitriny tsy hafenina fa sarotra dia sarotra tokoa ny manangana fikambanana sy mitady olona hihiditra ao anatiny. Fa mino sy manantena fa mbola ho avy ireo mpanampy hiasa mavitrika ao anatin’izany sampana izany. Ary dia tsy hitoky teny fatratra aho fa aleo ny fotoana no hitsara na mihavaka tokoa ireo lehilahy kristiana eto Ambavahadimitafo na tsy mihavaka.

Fanentanana ny lehilahy eto am-piangonana hanatevin-daharana ny SLK?

Miantso mandrakariva izany izahay; dia manentana ny lehilahy rehetra tsy an-kanavaka izay mahatsiaro tena ho lehilahy, hiditra ao anatin’ny Sampana Lehilahy Kristiana. Ary tsy hanatevin-daharana, amin’ilay niantsoinao azy teo, fa tena hiditra ho isan’ny laharana; satria mantsy ny manatevin-daharana izany dia mety tsy hiasa izany, fa hanabe isa fotsiny fa tena hiasa tokoa moa izany ho an’i Kristy.

Hafatra kely ho an’ny mpiangona na ny lehilahy eto am-piangonana na ho an’ireo mpitsidika ny « site web »?

Voalohany indrindra aloha ho an’ny lehilahy eto am-piangonana dia manentana hatrany hazoto hanompo an’Andriamanitra, hankato ny hafatra izay ampitain’i Jesoa Kristy ary hitory ny teny amin’ny olona rehetra. Ary dia hazoto hanatanteraka izany na amin’ny fotoana na tsy amin’ny fotoana. Manaraka izany ho an’ny mpijery ny site web-n’ny FJKM Ambavahadimitafo satria efa hery lehibe ho an’ny fiangonana izany amin’ny fampandrosoana ny asa : dia manentana antsika na ny eto an-toerana na ny any am-pitan-dranomasina any, amin’ny fampandrosoana hatrany araka izay mety ho tandrify azonareo atao. Miara-miasa isika satria dia mpirahalahy ao amin’ny Tompo.


Lire aussi

26/06/2022 A la une . Fanompoam-pivavahana . Toriteny

Fa ny aminay kosa, dia Jehovah no Andriamanitray, ka tsy mba nahafoy Azy izahay

Alahady 26 Jona 2022, fetim-pirenena malagasy faha-62 taonan’ny fahaleovantena, natokana hitondrana am-bavaka ireo zokiolona eto amin’ny fiangonana. Ny tenin’Andriamanitra nitondran’ny mpitandrina Randrianarisoa Alain ny hafatr’Andriamanitra dia ny tao amin’ny IITantara 13 : 10  » Fa ny aminay kosa, dia Jehovah no Andriamanitray, ka tsy mba nahafoy Azy izahay; ary ny mpisorona izay manao fanompoam-pivavahana ho

19/06/2022 A la une . Fanompoam-pivavahana . Toriteny

Alahady fetin’ny ray, alahadin’ny Vokovoko manga

Alahady 19 jona 2022, ankalazana ny fatin’ny ray, alahadin’ny sampana Vokovoko Manga manerana ny FJKM, mbola hibanjinana ny lohahevitra hoe « Mampanjaka ny fahefany ny Tompo ». Ny mpitandrina miza-draharaha Randriambinintsoa Onja no nitondra ny hafatr’Andriamanitra avy ao amin’ny Apokalipsy 12:7-12  » 7Ary nisy ady tany an-danitra: Mikaela sy ny anjeliny niady tamin’ilay dragona; ary ilay dragona

12/06/2022 A la une . Fanompoam-pivavahana . Toriteny

Efa nohenoiko ny fitarainanao, ary efa hitako ny ranomasonao; indro, hahasitrana anao Aho

Alahady 12 jona 2022, alahadin’ny Sekoly FJKM, alahadin’ny Trinite, hibanjinana ny lohahevitra hoe « Mampanjaka ny fahefany ny Tompo« . Ny mpitandrina Randrianarisoa Alain no nitondra ny hafatr’Andriamanitra avy ao amin’ny 2Tantara 20 : 5 – 9 : « Miverena, ka lazao amin’i Hezekia, mpanapaka ny oloko, hoe: Izao no lazain’i Jehovah, Andriamanitr’i Davida rainao: Efa nohenoiko ny

05/06/2022 A la une . Fanompoam-pivavahana . Toriteny

Pentekosta 2022 : feno ny Fanahy Masina izy rehetra ka nitory ny tenin’Andriamanitra tamin’ny fahasahiana

« Miorena tsara, aza miova » Alahady Pentekosta 05 Jona 2022, fankalazana an’Andriamanitra tamin’ny nandrotsahany ny Fanahy Masina voalohany tamin’ny fiangonana; tsingerintaonan’ny fiangonana ihany koa satria feno 1989 taona ny fiangonana. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Asan’ny apostoly 4 : 31 « Ary rehefa nivavaka izy dia nihovitrovitra ny trano izay niangonany,

02/06/2022 A la une . Jobily 25 taona Past. Alain Randrianarisoa . Vaovaom-piangonana

Fitsangatsanganana 2022

Efa ho 2 taona no tsy nanatanteraka fitsangatsanganana ny FJM Ambavahadimitafo noho ny toe-draharaha ara-pahasalamana izay fantantsika. Koa am-pifaliana tokoa no hifanentanantsika amin’izany ankehitriny. Amin’ny Alatsinainy Pentekosta 06 Jona 2022 no ho tanterahina eny Antsofonondry Avaradrano ny fitsangatsanganan’ny FJKM Ambavahadimitafo, izay hanasàna antsika kristiana tsy an-kanavaka sy ny zanaka am-pielezana. Ankoatran’ny fikarakaran’ny Biraon’ny fitandremana miaraka

29/05/2022 A la une . Fanompoam-pivavahana . Toriteny

Alahady fetin’ny reny 2022

Alahady 29 mey 2022, ankalazana ny fetin’ny reny ka nitondra am-bavaka manokana azy ireo androany teto @ FJKM Ambavahadimitafo. Ny Sekoly Taninketsa no nitondra ny toriteny an-kira nandritra izany fanompoam-pivavahana izany. Manasa anao hiombona amin’izany fotoana izany : Manantitra ny firariantsoa ho an’ny reny izahay eto amin’ny site web, ho feno fifaliana sy fahasoavana avy

22/05/2022 A la une . Fanompoam-pivavahana . Toriteny

Mandehana araka ny Fanahy, dia tsy hahatanteraka ny filan’ny nofo ianareo

Alahady 22 mey 2022, andinihina ny lohahevitra hoe « Manavao ny Fanahy masina« , ka nitondran’ny tarika Ny mpitory toriteny an-kira araka ny Galatiana 5 : 16 – 25 « 16Fa hoy izaho: Mandehana araka ny Fanahy, dia tsy hahatanteraka ny filan’ny nofo ianareo. 17Fa ny nofo manohitra ny Fanahy, ary ny Fanahy manohitra ny nofo; ary mifanohitra

15/05/2022 A la une . Fanompoam-pivavahana . Toriteny

Ka efa nofenoiny fanahin’Andriamanitra, dia fahendrena sy fahiratan-tsaina sy fahalalana ny amin’ny tao-zavatra samy hafa

Alahady 15 mey 2022, « Manavao ny fanahy masina », lohahevitra amin’ity volana ity eto anivon’ny FJKM , itondrana am-bavaka ny mpiasa hiombonana. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Eksodosy 35 : 31 « ka efa nofenoiny fanahin’Andriamanitra, dia fahendrena sy fahiratan-tsaina sy fahalalana ny amin’ny tao-zavatra samy hafa« .  Andeha hiombona amin’ny fanompoam-pivavahana

08/05/2022 A la une . Fanompoam-pivavahana . SLK . Toriteny

Toriteny an-kira nentin’ny tarika Laurent Rakotomamonjy, faha-15 taona SLK Ambavahadimitafo

Alahady 08 Mey 2022, alahady hitondrana am-bavaka ny SLK na Sampana Lehilahy Kristiana eo anivon’ny FJKM, ankalazana ny faha-15 taonan’ny SLK eto amin’ny FJKM Ambavahadimitafo. Ny tarika Laurent Rakotomamonjy no nitondra ny hafatr’Andriamanitra tamin’ny alàlan’ny toriteny an-kira. Manasa anao hiombona amin’izany fanompoam-pivavahana izany :

03/05/2022 A la une . Fanompoam-pivavahana . Jobily 25 taona Past. Alain Randrianarisoa . Randrianarisoa Alain . Toriteny

Alahady fanokafana ny faha-25 taona nitandremana

Alahady 02 mey 2022 hibanjinan’ny FJKM ny lohahevitra amin’ity volana ity manao hoe « Manavao ny Fanahy Masina« ; nanokafana ihany koa ny Jobily faha-25 taona nitandreman »ny mpitandrina Randrianarisoa Alain. Ny teny anorenana ny jobily dia ny Salamo 111 : 1b « Haleloia ! Hidera an’i Jehovah amin’ny foko rehatra aho ». Manasa antsika hiombona amin’izany fanompoam-pivavahana izany :