FJKM Ambavahadimitafo

Fiangonan'i Jesoa Kristy eto Madagasikara

Fantaro ny FJKM

Fantaro ny FJKM

Publié le 11 novembre 2008 à 12:11

Ireto aloha misy fanafohezan-teny tsara ho fantatra :

TPM = Toeram-Panomanana Mpitandrina ;

IFRP = Institut de Formation et de Recherches Pédagogique ;

PE = Poste d’Evangélisation, saha vaovao ;

MF = Mpiandraikitra Foibe ;

SL = Synoda Lehibe ;

SP = Synodam-Paritany

 

A- Nitatra ny asantsika :

1. fanamaroana isa ny mpiasa :

– nampitomboina ny isan’ny mpampianatra matihanina teo amin’ny TPM.

– niezaka nampitombo ny isan’ny mpianatra niditra amin’ny TPM isika (80 ny isan’ny nivoaka).

– nezahina nasiana Prezida Synodaly ny Synodam-Paritany rehetra.

– naniraka mpitandrina 55 miasa eny anivon’ny saha PE 55 isika.

– nosokafana ny sekoly fanomanana mpampianatra eny Andohalo (Institut de Formation et de Recherches Pédagogique).

2. Nohatevenina sy nohatsaraina ny fanofanana ireo tompon’andraikitra samihafa.

– nataontsika ho zava-dehibe ny fanofanana ho fanatsarana ny fomba fiasa sy ny fahaiza-manao. Hita taratra izany eo amin’ny TPM sy ny IFRP omena toerana lehibe ny laïka mba hanovo fahalalana eny anivon’ireo seha-piofanana samihafa : SEFALA, SETELA ; Misy ny bokim-piofanana iraisana amin’ireny : taona I ka hatramin’ny taona III (mpitoriteny, mpiandry).

– ny mpitandrina sy ny katekista dia omena fiofanana isaky ny 2 taona. Ny vahoakan’Andriamanitra tsotra dia manovo fahalalana sy fitaizana eny anivon’ny sampana sy sampanasa ary asa eny amin’ny fitandremana.

3. Nitatra ny asa sy ny saha. Rehefa nitombo ny isan’ny mpiasa ary nomena izay te handray andraikitra dia niaraka amin’izany koa ny asan’ny FJKM sy ny saha hiasany.

– vokatry ny fahamaroan’ny mpianatra navoaka teo amin’ny TPM isan-taona (80) dia afaka nanitatra saha vaovao maro sy haingana isika. Misy PE 55 manerana ny Nosy : PE saha vaovao, saha matanjaka fa mihamalemy (Atsimo Atsinanana : Vohilava, Ambalavao), saha anjakan’ny Silamo (Analalava, Mitsinjo, Soalala). Ny ankamaroan’ireo PE anefa dia tena ireo saha vaovao mihitsy. Tato anatin’ny 3 taona, ohatra, dia niorina ireto : Manja, Morombe, Betioky, Bezaha, Benenitra, Ivohibe, Iakora, Vondrozo, Vangaindrano, Befotaka, Midongy Atsimo, Vohipeno, Amborompotsy, Ambatofinandrahana, Malaimbandy, Ikalamavony… Fivondronana 3 sisa no tsy misy FJKM dia Beroroha, Beloha Androy, Tsihombe, Fiangonana vaovao miorina isan-taona, 15-20 avy amin’ny AFF (tsy ao ny naorin’ny SP).

– vokatry ireny fitaran’ny asantsika amin’ny alalan’ny PE ireny dia miorina ny SP 3 vaovao izay ny fikambanan’ireny PE vaovao ireny no niteraka SP vaovao dia Toliary, Ambovombe Kristy Ranovelona, Fahazavana atsimo andrefana.

– nitatra hatrany ivelany ny fiangonantsika : Frantsa, Suisse, La Réunion.

– vokatry ny IFRP dia afaka naniraka mpampianatra vita fiofanana isaky ny roa taona. Velona indray ny sekoly. Tsara ny vokatra.

B- Mamelon-tena isika amin’ny fampandehanana ny asa amin’ny ankapobeny

Mivelona amin’ny finoantsika sy ny herin’ny tenantsika ary ny ezaka ataontsika tsirairay isika. Tsy misy izany hoe fanampiana mihoampampana mitobaka avy any ivelany. Amin’ny ankapobeny dia toy izao ny fanazavana tsotra sady fohy ny fomba fidirana sy ny fivoahan’ny vola ampiasain’ny foibe FJKM :

1. Azo sokajiana ho 4 loha ny fomba fidiran’ny vola :

– adidy 55,03%

– Fiangonana mpanampy 17,45%

– hofantrano 24,17%

– hafa 3,15%

2. Ny fomba fivoahan’ny vola dia nosokajiako ho 5 loha :

– fivelomana sy tombontsoa ho an’ny mpiasa iombonana (fanafody, vary, saram-pianarana) 42,28 %

– TPM / IFRP (bourse, fanafody, saram-pianarana) 17,25 %

– hafa (fanofanana, fivoriana, fivezivezena, fifandraisana, banky, latsakemboka) 17,17 %

– fikojakojana (trano, fiara) 12,25 %

– hetra sy haba 10,87 % 3. Ny ezaka sy ny fiaraha-mientana ataontsika no ahafahana mampandeha ny asa sy mandroso. Mifampiankina ny fanohanana ny asa sy ny vokatra mety ho azo.

– ny rakitra, adidy ataon’ny kristianina no ahafahan’ny fitandremana mampandeha ny asa.

– ny adidy aloan’ny isam-pitandremana kosa no ahafahan’ny SP mampandeha ny asa

– ny adidy aloan’ny SP, Fiangonana mpanampy no ahafahan’ny Foibe mampandroso ny asa. Mifampiankina ireo. Tsy afaka hiatrika ireo asa tokony hosahaniny mivantana ny Foibe toy ny TPM, IFRP, PS, PE, fanokanana, fitsidihana, jobily, fitokanana, fanofanana. Tsy mety ilay hoe : omena Mpitandrina izahay na tena mila PE nefa izy tsy manao ezaka hanohanana ny asa iombonana. Misaotra an’Andriamanitra isika fa na eo aza ny fahasarotan’ny asa, ny hamafisan’ny asa, ny fahasahiranana mety misy dia feno fahavononana tokoa ny mpiasa irahintsika miparitaka eran’i Madagasikara : mampianatra amin’ny TPM, PS, PE.Mila tohanana ny hafanam-pony.

D- Mirotsaka an-tsehatra eo anivon’ny firenena isika

1. Misy asa vavolombelona ataontsika eo anivon’ny firenena

Manao izany ny foibe amin’ny alalan’ny SAF. Tsapa fa tena manao be ny fitandremana tsirairay eny anivon’ny fokontany misy azy : (manorina sekoly, fitsaboana, fikarakarana ny sahirana …)

2. Najoro eo anivon’ny foibe ny komity samihafa Miady amin’ny SIDA, fahalovana sy ny kolikoly, ny komitin’ny fiainam-pirenena

Fantatsika tsara fa isaky ny fivorian’ny SL, dia misy hatrany ny hafatra atao ho an’ny firenena amin’ny maha mpaminany ny Fiangonana. Ny MF koa dia mampita hafatra isaky ny tapitra ny fotoam-pivoriana.

3. Fiaraha-miasan’ny Fiangonana sy ny Fanjakana

Tao anatin’ny 3 taona dia niara-niasa tamin’ny Fiangonana ny Fanjakana. Marihana fa tsy manohana ara-bola mivantana ny Fiangonana, ny Fanjakana, mba atao ho fivelomana na fampandehanan-draharaha, fa ny fanaovana asa fanorenana trano, na fanolorana fitaovana, no himasoany, na fanomezana tolotr’asa iray. Nisy ny tombontsoa azontsika tamin’izany, ohatra :

– nisy sampana nahazo tolotr’asa : afaka nahazo fitaovam-birao.

– nisy Fiangonana na toeram-pitaizana na fiofanana naorina, ohatra : Maintirano, Morafenobe, Maroantsetra, Faritr’i Vatomandry, Antsohihy.

– Toby : Ibora, Toamasina, FJKM Ambodifiakarana Tsimbazaza, Tabita Dorkasy.

– Ny foibe : Trano eo Faravohitra, Ampandrana.

– Trano PS : Tsiroanomandidy, Mandritsara, Vatomandry, Antananarivo, Antsiranana.

4. Velona ny Fiangonana amin’ny ankapobeny

Manao Tafika Masina sy asa sosialy ny isam-pitandremana. Miditra in-2 ny Fiangonana (x2 ny tafontrano).

Maro ny manitatra ny trano hiangonana, maro ny asa fanorenana (sekoly, akany, toeram-pitsaboana, trano vadim-piangonana …) Mahavelom-bolo ny miatrika ny fivorian’ny SP. Mahavory olona maro isika. E. Ny antontan’isa (Desambra 2004)

– SP : 36

– Fitandremana : 1392

– Fiangonana tafo : 5795

– Kristianina : 4 tapitrisa

– Poste d’évangélisation : 55

– Mpitandrina : 1053

– Sekoly : 434

– Mpampianatra matihanina : 646

– TPM IFRP isan’ny mpianatra : 318

– TPM IFRP isan’ny mpampianatra : 20

– TPM IFRP antselika, mpandraharaha : 59

 

Ny Mpitandrina RADIMISAON Jonah, Tonian’ny Departemantan’ny Fiangonana


Lire aussi

24/07/2022 A la une . Fanompoam-pivavahana . Toriteny

Maty ny finoana raha tsy misy asa

Alahady 24 Jolay 2022, mbola hibanjinina ny lohahevitra hoe « Iorenana @ finoana ny fanompoana« . Ny mpitandrina miza-draharaha Rambinintsoa Onja no nitondra ny hafatr’Andriamanitra Jakoba 2 : 21-26 « 21Tsy nohamarinina tamin’ny asa va Abrahama razantsika tamin’ny nanaterany an’Isaka zanany teo ambonin’ny alitara? 22Hitanao fa niara-niasa tamin’ny finoana ny asany, ary ny finoana dia notanterahina tamin’ny asa; 23ary tanteraka

22/07/2022 A la une . Antso sy filazana . Jobily 25 taona Past. Alain Randrianarisoa . Vaovaom-piangonana

Fifaninana hira faneva 25è

Noho ny Jobily faha  – 25 taona maha-mpitandrina an’i Pasteur RANDRIANARISOA Alain mivady, dia manasa ny mpiara-mivavaka rehetra ny komitin’ny Jobily mba handray anjara amin’ny fifaninanana HIRA FANEVA izay entina  hankalazana sy hisaorana an’Andriamanitra. Toa izao ny andinindininy tsara ho fantatra : Hira misy andininy telo (03), an – dalana valo (08) avy fara – fahabetsany

17/07/2022 A la une . Fanompoam-pivavahana . Toriteny

Alahadin’ny VFL 2022 – ARY niantso ny roa ambin’ny folo lahy hankeo aminy Izy ka naniraka azy tsiroaroa

Alahady 17 Jolay 2022, hitondrana am-bavaka ny Sampana Fivondronana Laika, mbola ibanjinana ny lohahevitra hoe « Iorenana @ finoana ny fanompoana ». Ny mpitandrina Randrianarisoa Alain no nitondra ny hafatr’Andriamanitra avy ao amin’ny Marka 6 : 7 – 13 « 7ARY niantso ny roa ambin’ny folo lahy hankeo aminy Izy ka naniraka azy tsiroaroa sy nanome azy fahefana

10/07/2022 A la une . Fanompoam-pivavahana . STK . Toriteny

Alahadin’ny STK – Ny nanirahana ny mpisafo-tany roa lahy

Alahady 10 jolay 2022, nitondrana am-bavaka ny Sampana Tanora Kristiana manerana ny FJKM. « Iorenana amin’ny finoana ny fanompoana », izany no lohahevitra dinihintsika mandritra ny volana Jolay. Ny Mpitandrina Randrianarisoa Alain no nitondra ny hafatr’Andriamanitra avy ao amin’ny Josoa 2 : 1-16 « 1ARY Josoa, zanak’i Nona, dia naniraka mpisafo roa lahy mangingina avy tany Sitima ka

03/07/2022 A la une . Toriteny

Alahady 03 jolay 2022 – Fetimbokatra

Nankalazaina teto amin’ny FJKM Ambavahadimitafo ny Alahadin’ny fetimbokatra tamin’ny Alahady 03 Jolay 2022. Ny mpitandrina Randrianarisoa Alain no nitory ny tenin’Andriamanitra, ary ny mpitandrina miza-draharaha Randriambinintsoa Onja kosa no nitarika ny fanompoam-pivavahana. Manasa anao hiombona amin’ny fotoana :

26/06/2022 A la une . Fanompoam-pivavahana . Toriteny

Fa ny aminay kosa, dia Jehovah no Andriamanitray, ka tsy mba nahafoy Azy izahay

Alahady 26 Jona 2022, fetim-pirenena malagasy faha-62 taonan’ny fahaleovantena, natokana hitondrana am-bavaka ireo zokiolona eto amin’ny fiangonana. Ny tenin’Andriamanitra nitondran’ny mpitandrina Randrianarisoa Alain ny hafatr’Andriamanitra dia ny tao amin’ny IITantara 13 : 10  » Fa ny aminay kosa, dia Jehovah no Andriamanitray, ka tsy mba nahafoy Azy izahay; ary ny mpisorona izay manao fanompoam-pivavahana ho

19/06/2022 A la une . Fanompoam-pivavahana . Toriteny

Alahady fetin’ny ray, alahadin’ny Vokovoko manga

Alahady 19 jona 2022, ankalazana ny fatin’ny ray, alahadin’ny sampana Vokovoko Manga manerana ny FJKM, mbola hibanjinana ny lohahevitra hoe « Mampanjaka ny fahefany ny Tompo ». Ny mpitandrina miza-draharaha Randriambinintsoa Onja no nitondra ny hafatr’Andriamanitra avy ao amin’ny Apokalipsy 12:7-12  » 7Ary nisy ady tany an-danitra: Mikaela sy ny anjeliny niady tamin’ilay dragona; ary ilay dragona

12/06/2022 A la une . Fanompoam-pivavahana . Toriteny

Efa nohenoiko ny fitarainanao, ary efa hitako ny ranomasonao; indro, hahasitrana anao Aho

Alahady 12 jona 2022, alahadin’ny Sekoly FJKM, alahadin’ny Trinite, hibanjinana ny lohahevitra hoe « Mampanjaka ny fahefany ny Tompo« . Ny mpitandrina Randrianarisoa Alain no nitondra ny hafatr’Andriamanitra avy ao amin’ny 2Tantara 20 : 5 – 9 : « Miverena, ka lazao amin’i Hezekia, mpanapaka ny oloko, hoe: Izao no lazain’i Jehovah, Andriamanitr’i Davida rainao: Efa nohenoiko ny

05/06/2022 A la une . Fanompoam-pivavahana . Toriteny

Pentekosta 2022 : feno ny Fanahy Masina izy rehetra ka nitory ny tenin’Andriamanitra tamin’ny fahasahiana

« Miorena tsara, aza miova » Alahady Pentekosta 05 Jona 2022, fankalazana an’Andriamanitra tamin’ny nandrotsahany ny Fanahy Masina voalohany tamin’ny fiangonana; tsingerintaonan’ny fiangonana ihany koa satria feno 1989 taona ny fiangonana. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Asan’ny apostoly 4 : 31 « Ary rehefa nivavaka izy dia nihovitrovitra ny trano izay niangonany,

02/06/2022 A la une . Jobily 25 taona Past. Alain Randrianarisoa . Vaovaom-piangonana

Fitsangatsanganana 2022

Efa ho 2 taona no tsy nanatanteraka fitsangatsanganana ny FJM Ambavahadimitafo noho ny toe-draharaha ara-pahasalamana izay fantantsika. Koa am-pifaliana tokoa no hifanentanantsika amin’izany ankehitriny. Amin’ny Alatsinainy Pentekosta 06 Jona 2022 no ho tanterahina eny Antsofonondry Avaradrano ny fitsangatsanganan’ny FJKM Ambavahadimitafo, izay hanasàna antsika kristiana tsy an-kanavaka sy ny zanaka am-pielezana. Ankoatran’ny fikarakaran’ny Biraon’ny fitandremana miaraka