FJKM Ambavahadimitafo

Fiangonan'i Jesoa Kristy eto Madagasikara

Fanazavana voalohany ny Teny Faneva faha-150 taona

Fanazavana voalohany ny Teny Faneva faha-150 taona

Publié le 25 juillet 2012 à 09:07

« Ary aoka ho aminay ny fahasoavan’ny Tompo Andriamanitray; Ary ampitoero aminay ny asan’ny tananay »(Salamo 90:17)

Salamo avy amin’ny vavaka nataon’i Mosesy ho azy sy ny zanak’Israely ka voatambatra ho boky iray ny taona 1405 Talohan’ni Jesoa Kristy ary lazaina fa Salamo zokiny tokoa satria voasoratra talohan’ireo Salamo nataon’i Davida 1020- 925 Tal JK.

Noho ny famaizan’Andriamanitra ny olona tsy manana faharetana tany an’efitra ho any Kanana dia nivavaka tamin’Andriamanitra i Mosesy mba hamindran’Andriamanitra fo amin’izy ireo sy hitahian’Andriamanitra ny ezaka ataony.

Iza moa i Mosesy ?

Mosesy dia Lehilahin’Andriamanitra ary nantsoina hoe Rain’ny Mpaminany satria nahita an’Andriamanitra mivantana sy mifanatri-tava raha notolorana ny Didy folo teo an-tendrombohitr’i Sinay. Manana toerana lehibe izy satria nataon’Andriamanitra fitaovana nanafahana ny Zanak’Israely avy tany Egypta.

Noho ny fahatezeran’Andriamanitra manoloana ny olony feno fimonomononana sy fanomezan-tsiny an’Andriamanitra anefa dia tsy nahazo niditra tao amin’ny tany tondra-dronono sy tantely i Mosesy ary nanendry an’i Josoa izy handimby azy mba hitarika ny Zanak’Israely (Deoteronomia 3 : 21-29). Efa Zokiolona ihany i Mosesy kanefa tsy nahatsiaro fiadanana fa lalim-pahoriana ny androny koa nanandratra izao vavaka izao izy.

Nahoana no mitaraina i Mosesy?

Mitaraina i Mosesy satria ny mahafoy ny andron’ny olona dia ny fahatezeran’Andriamanitra. Ozona ny tsy fahatran’ny olona ny fahaelavelona ary tena tsy zaka ny fahoriana mihatra satria endriky ny fitsaran’Andriamanitra mialoha ny fahafatesana izany : tanisain’i Mosesy fa tsy maintsy ho faty ny olona; mora simba, voaheloka ary jamba manoloana ny fitiavan’Andriamanitra azy (and 3-11).

« Mampianara anay hanisa ny andronay, Hahazoanay fo hendry. » (Salamo 90:12). Tsapan’ny Jiosy na ny hebreo fa olon-kandalo izy ka mbola ahitana izany koa ny Salamo hafa « Jehovah ô,ampahafantaro ny farako aho sy izay ohatry ny androko; aoka ho fantatro fa olon-kandalo aho. » (Salamo 39:4).

Iza moa Ilay itarainana ?

Ny and 1-2 dia manamafy ny fanekem-pinoana an’Ilay Andriamanitra Mpiaro sady Fialofana ary koa Mpahary no Mpitahiry ny olona ao amin’ny fahavelomana mandrakizay.

Tompo – Adon (hebreo) – Seigneur – Maitre

Na ny Tompo na ny Andriamanitra dia samy Anarana iantsoana an’Andriamanitra.
Ny Tompo (Adonai) dia tsy tena Anarany fa fiantsoana Azy noho ny fahamasinany. Tsy azo atao rahateo ny manonona mivantana ny Anaran’Andriamanitra (Jereo ny Didy 10).

Koa ny Adonai na ny Tompo (Seigneur) dia Mpitsara sy Mpitondra izao rehetra izao. Eto dia asehon’ny Mpisolo-tena tampisaka « -nay » ny fifamatorana eo amin’ny Mpivavaka sy Ilay Tompo inoany fa manana fahefana feno sy lanjany eo amin’ny fiainany Ilay inoany.

Andriamanitray – El (heb) – Force – Puissance

Izy no Ilay Andriamanitra manatrika hatrany eo amin’ny tantara. Tsy azo sarahana amin’ny fanatrehany ny fihazonany ny Fanekena nataony tamin’ny lasa. Manaiky ho Andriamanitsika Izy ary porofoiny amin’ny famindrany aina ho antsika izany : Izy no ihetsehana sy iveloman’ny olona. Mbola hamafisina ihany koa fa ireharehan’ny Hebreo ny fananany Andriamanitra ambony noho ny andriamanitra rehetra El Elion.

Ny fahasoavana: Naam (heb) – bauté – agrément – grâce – amabilité

Angatahana ny famindram-po sy ny fahalemem-panahiny mba tsy haharitra ny fahatezerany noho ny tsy fananan’i Mosesy faharetana. Koa tsy i Mosesy no nahazo valiny fa isika izay mino an’i Jesoa Kristy ka manaiky fa nofoanan’Andriamanitra teo amin’ny fahafatesan’i Jesoa ny fahatezerany. Ary ny olona mahazo famindram-po dia hanao asa maharitra satria hamirapiratra eo amin’ny asany ny fahatsaran’Andriamanitra ka ho tsara koa ny asany.

Manohy izany ny hafatry ny Apostoly Paoly ao amin’ny Fiangonan’ny Fanekena Vaovao : « Fa asany isika, voaforona tao amin’i Kristy Jesoa mba hanao asa tsara, izay namboarin’Andriamanitra rahateo mba handehanantsika eo aminy. » (Efesiana 2:10).

Fampiharana

– Tsy hanahaka an’i Mosesy sy ny Zanak’Israely ny mpanara-dia an’i Jesoa Kristy; eny fa na dia eo ambany fahasoavana aza dia hiambina hatrany ka hitandrina ny fifandraisana tsy tapaka amin’Andriamanitra.

– Koa eo am-piandrasana ny fiverenany dia raiso ny fitahiana mitafotafo homena ny Fiangonana amin’ny alalan’i Jesoa Kristy amin’izao taon-jobily izao. Ndeha hifaly sy hisaotra an’Andriamanitra amin’ny zava-miseho isan’andro ka ny fiadanan’Andriamanitra no hameno ny fontsika.

– Tsy averintsika intsony ny fahadisoana teo amin’ny tantara dia ny fimonomononana sy ny fifanomezan-tsiny mba hahatonga antsika rehetra hiditra ao amin’ny Tany Vaovao sy ny Lanitra Vaovao. « Izay, na dia tsy mbola hitanareo aza, dia tianareo, ary na dia tsy hitanareo ankehitriny aza, anefa, satria inoanareo, dia iravoravoanareo amin’ny fifaliana tsy azo tononina sady be voninahitra, » (1 Petera 1:8)

Hafatry ny Komity

Manentana antsika kristianina avy eto amin’ny fiangonana na ny zanak’am-pielezana mba hiara-hientana amin’ny famoronana logo sy hira faneva ho voninahitr’Andriamanitra.

Ny daty farany afaka hanaterana ny logo dia ny 19 aogositra 2012, ary ny hira kosa dia ny 9 septambra 2012. Ny fepetra rehetra mahakasika ny fifaninanana moa dia hitanao eto.

Dia mirary ny fiadanan’ny Tompo ho aminao.


Lire aussi

18/02/2024 A la une . Fanompoam-pivavahana . Toriteny

Ilay zanaka adala

Alahady 18 Febroary 2024, alahady voalohany @ vanim-potoanan’ny karemy, mbola hibanjinana ny lohahevitra hoe « Mampitandrina @didiny Andriamanitra« , natokana hitondrana am-bavaka ny Arsiva sy tranom-bakoka manerana ny FJKM. Ny mpitandrina miza-draharaha Andriamifidy Miora no nitondra ny tenin’Andriamanitra araka ny Lioka 15 : 25-32 «  25Fa tany an-tsaha ny zanany lahimatoa; ary nony nody izy ka mby

11/02/2024 A la une . Fanompoam-pivavahana . Toriteny

Andeha hiaina @ fahamarinana

Alahady 11 febroary 2024, alahadin’ny Baiboly, mbola andinihina ny lohahevitra hoe « Mampitandrina @didiny Andriamanitra« , izay nitondran’ny mpitandrina Andriamasinoro Fidimalala ny hafatr’Andriamanitra araka ny Matio 5:20  » Fa lazaiko aminareo: Raha tsy mihoatra noho ny an’ny mpanora-dalàna sy ny Fariseo ny fahamarinanareo, dia tsy hiditra amin’ny fanjakan’ny lanitra mihitsy ianareo « 

04/02/2024 A la une . Fanompoam-pivavahana . Toriteny

Fankalazana ny faha-40 taonan’ny Asa fitoriana Filazantsara ho an’ny Zatovo sy Ankizy

Alahady 04 Febroary 2024, ankalazana ny faha-40 taonan’ny Asa fitoriana Filazantsara ho an’ny Zatovo sy Ankizy (AFFA), ka andinihin’ny FJKM lohahevitra vaovao @ity volana ity manao hoe « Mampitandrina amin’ny didiny Andriamanitra« . Ny mpitandrina Ranaivoson Andry no nitondra ny hafatr’Andriamanitra araka ny Jeremia 1 : 4-8 « Tonga tamiko ny tenin’NY TOMPO hoe:5Hatry ny fony ianao tsy

28/01/2024 A la une . Fanompoam-pivavahana . Toriteny

Fanokafana ny Jobily faha-75 taonan’ny Sampana Mpanazava sy Tily

Alahady 28 janoary 2024, fanokafana ny Jobily faha-75 taonan’ny Sampana Mpanazava sy Tily (SAMPATI), mbola andinihin’ny FJKM ny lohahevitra hoe « Lehibe ny voninahitry ny Tompo ». Ny mpitandrina Ranarimalala Nirina Harisoa no nitondra ny hafatr’Andriamanitra araka ny Matio 5 : 16 : « 16Aoka hazava eo imason’ny olona toy izany koa ny fahazavanareo mba hahitany ny asa

16/01/2024 A la une . Antso sy filazana

Hafatra ho an’ny Mpandray – fifidianana Diakona 2024

Mifarana ny alahady faha-28 janoary 2024 ny fanavaozana ny karatra hiatrehana ny fifidianana Diakona. Hamarino ary fa any aminao ny karatra maha-mpandray miloko fotsy. Raha toa tsy mbola manana ianao dia ento ny sary roa ny alahady faha-28 janoary hahafahana manavao ny karatrao.

14/01/2024 A la une . Fanompoam-pivavahana . Toriteny

Ny lanitra mamangy ny tany

Alahady 14 Janoary 2024, mbola andinihantsika ny lohahevitra hoe « Lehibe ny Voninahitr’Andriamanitra« , ka nitondran’ny mpitandrina miza-draharaha, Andriamifidy Miora, ny hafatr’Andriamanitra araka ny Lioka 9 : 28-36 Ny niovan’i Jesosy tarehy tao an-tendrombohitra.Mat. 17.1-13;Mar. 9.2-13.28ARY rehefa tokony ho havaloana taorian’izany teny izany, dia nitondra an’i Petera sy Jaona ary Jakoba Izy ka niakatra tany an-tendrombohitra hivavaka. 29Ary

07/01/2024 A la une . Fanompoam-pivavahana . Toriteny

Manavao ny fiainantsika Jesoa, manome fandresena ho antsika Jesoa

Alahady 07 Janoary 2024, alahady voalohany @ity taona ity, andinihina ny lohahevitra hoe « Lehibe ny voninahitr’Andriamanitra« , ka nitondran’ny mpitandrina John Rakotonirainy, SG ny FJKM, ny hafatr’Andriamanitra araka ny Matio 19 : 27-29 «  27Dia namaly Petera ka nanao taminy hoe: Indro, izahay efa nahafoy ny zavatra rehetra ka nanaraka Anao; koa inona ary no ho

31/12/2023 A la une . Fanompoam-pivavahana . Toriteny

Andriamanitra miandàny @ olony

Alahady 31 desambra 2023, alahady farany @ taona 2023, anatin’ny lohahevitra hoe « Ankalazao ny Mpamonjy« , nitoriana ny tenin’Andriamanitra araka ny Isaia 26 : 11-15  » 11Jehovah ô, avo ny tananao, nefa tsy jeren’ireo; Tsy maintsy hojereny ihany anefa ny  fahasaro-piaronao amin’ny olonao, ka ho menatra izy; Eny, afo no handevona ny fahavalonao. 12Jehovah ô, manorina fiadanana

25/12/2023 A la une . Fanompoam-pivavahana . Toriteny

Noely 2023 : Jesoa Kristy dia Mpanjaka

Krismasy 2023, Arahaba ry ilay nohasoavina, ny Tompo momba anao, « Ankalazao ny Mpamonjy ». Ny mpitandrina Prezida Synodaly Antananarivo Atsinanana, ALIOLIHARIMANARIVO Mahabo Saotra mpitandrina no nitarika sy nitondra ny hafatr’Andriamanitra araka ny Isaia 11 : 1-10 : Ny amin’ny famonjena hataon’Ilay Solofon’i Davida, sy ny hira fiderana hatao amin’izany1Ary hisy Solofo mitsimoka eo amin’ny fototr’i Jese,

24/12/2023 A la une . Fanompoam-pivavahana . Toriteny

Endre ny halalin’ny harena sy ny fahendren’Andriamanitra ary ny fahalalany!

Alahady 24 Desambra 2023, alahady farany @ advento @ity taona ity, ibanjinana ny lohahevitra hoe « Ankalazao ny Mpamonjy ». Ny mpitandrina miza-draharaha Andriamifidy Miora no nitondra ny hafatr’Andriamanitra araka ny ROmana 11 : 33-36 « 33Endre ny halalin’ny harena sy ny fahendren’Andriamanitra ary ny fahalalany! Tsy hita lany ny fitsarany ary tsy azo fantarina ny lalany! 34Fa