FJKM Ambavahadimitafo

Fiangonan'i Jesoa Kristy eto Madagasikara

Fanasana tongotra sy fandraisana ny Fanasan’ny Tompo amin’ny fomba hafa ary tantaran’i Joba an-tsehatra

Non classé

Fanasana tongotra sy fandraisana ny Fanasan’ny Tompo amin’ny fomba hafa ary tantaran’i Joba an-tsehatra

Publié le 31 mars 2009 à 01:03
Fanasana tongotra sy fandraisana ny Fanasan'ny Tompo amin'ny fomba hafa ary tantaran'i Joba an-tsehatra

Amin’ny Alahady 05 Avril 2009 dia Alahadin’ny Sampan-drofia izay fidiran’ny fiangonana kristiana rehetra amin’ny fiombonana fahoriana amin’i Jesoa Kristy.

Amin’io alahady 05 avril 2009 io, eto amin’ny FJKM Ambavahadimitafo, dia hisy tantara an-tsehatra, tantaran’i  Joba izay karakarain’ny Vaomiera Aim-panahy. Kanefa mihavaka manontolo io fotoana alahady maraina io satria tsy ho mpijery fotsiny akory na mpanatrika ireo kristiana ho avy eo fa tena hiaina manontolo an’izany fotoana izany hatramin’ny voalohany ka hatramin’ny farany.

Toy izao ny ho fizotry ny fotoam-pivavahana maraina :

Fanasana tongotra (amin’ny 07H30) :

Ny fanasana tongotra dia fampianarana napetraky ny Tompo tamin’ny mpianany.

Ho an’izay manao ny fanasana tongotra dia endriky ny fanetre-tena lalina tokony hanànan’izay rehetra manara-dia ny Tompo izany

Ho an’izay sasàna tongotra kosa dia endriky ny fanekena ho diovin’i Jesoa Kristy amin’ny loto sy ny fahotana ary ny pentipentina ao amin’ny fiainam-panahin’ny mpino.

Endriky ny fifankatiavana tonga lafatra ny fanasana tongotra ka anekena ho mpanompon’ny namana.

Amin’ny 09 ora maraina no fanombohana ny fanompoam-pivavahana amin’ny alàlan’ny hira fiderana sy ny vavaka, ary tohizana avy hatrany amin’ny rakitra sy ny filazàna ny raharaham-piangonana. Rehefa vita izany dia mitohy amin’ny tantara an-tsehatra izay mikasika an’i Joba ampilaharina amin’ny fahorian’ny Tompo.

Fanasan’ny Tompo :

Mandritra ny tantara an-tsehatra mihitsy no  hanatanterahana ny fandraisana ny Fanasan’ny Tompo. Amin’izany dia Kapôka iray lehibe no hiombonana handraisana ny divay ary mofo iray lehibe ihany koa no hiombonana hifampizarana.

Hafatra sy fandaminana :

–          Entanina isika izay hanatrika ny fanasana tongotra mba hanao kiraro mora esorina sy ampidirina mba ahafahana mampizotra amin’ny tokony ho izy izany fotoana izany

–          Entanina koa isika izay vonona handray ny Fanasan’ny Tompo mba hanasa tsara ny tànana alohan’ny hidirana ato am-piangonana satria handalo amin’ny tànan’ny tsirairay avy ny mofo izay hohanin’ny olona aty aoriana. Toy izany koa ny kôpy izay tokony hofafàna tsara amin’ny lamba efa voaomana satria iny no handraisan’ny aty aoriana ny ran’i Kristy.

Mamangy antsika amin’ny fomba maro samihafa Andriamanitra ka te hanome fiadanam-po ho an’ny tsirairay.

Enga anie io fotoana io mba handraisanao izany fiadanam-po izany  tokoa , indrindra fa ny fanatrehanao ny fotoana izay karakarain’ny Vaomieran’ny Aim-panahy amin’ny alahady 05 Avril 2009 io manomboka amin’ny 7ora sy sasany maraina.

Ho an’Andriamanitra irery anie ny voninahitra. Amen.


Lire aussi

29/11/2021 A la une . Fanompoam-pivavahana . Sekoly Taninketsa . Toriteny

Advento 2021 : Toriteny an-kira – Sekoly Taninketsa

Tahaka ny fanaony isan’taona dia tamin’ity alahady 28 novambra 2021 ity no nanatanterahin’ny Sekoly Taninketsa ny toriteny an-kira teto amin’ny FJKM Ambavahadimitafo.

07/11/2021 A la une . Fanompoam-pivavahana

Tafatoetra ny fon’izay miandry ny Tompo

Alahady 07 Novambra 2021 hibanjinana lohahevitra vaovao mandritra ity volana ity « Tafatoetra ny fon’izay miandry ny Tompo » Ny mpitandrina Randrianarisoa Alain no nitondra ny hafatr’Andriamanitra araka ny Matio 13:36-43 : « 36Ary rehefa nampody ny vahoaka Jesosy dia niditra tao an-trano Izy, ary ny mpianany nankao aminy ka nanao hoe: Lazao aminay ny hevitry ny fanoharana

31/10/2021 Fampianarana . Fanompoam-pivavahana

Nahoana ny kristiana no tra-pahoriana

Alahady 31 oktobra 2021, alahadin’ny Reformarsiona, hamaranana ny fandinihana ny lohahevitra hoe « Miorena ao amin’ny Tompo amin’ny fanasany ». Ny mpitandrina miza-draharaha no nitondra ny fampianarana avy amin’ny Tompo manodidina ny lohahevitra hoe : Nahoana ny kristiana no tra-pahoriana

24/10/2021 Fanompoam-pivavahana

Alahadin’ny Fifohazana FJKM 2021

Alahady 24 Oktobra 2021, nitondrana am-bavaka ny sampana Fifohazana maneranany sahan’ny FJKM. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Eksodosy 24; 11a :  » Ary tsy naninjitra ny tànany tamin’ireo lehiben’ny Zanak’Isiraely Izy « 

17/10/2021 Fanompoam-pivavahana

Alahadin’ny MAMRE FJKM 2021

Notanterahina teto amin’ny FJKM Ambavahadimitafo ny fanompoam-pivavahana hitondrana ambavaka sy hanohanana ny Masera FJKM (MAMRE). Alahady 17 Oktobra 2021 mbola nibanjinana ny lohahevitra hoe « Miorena ao amin’ny Tompo amin’ny Fanasany »

14/10/2021 A la une . Fanompoam-pivavahana . Toriteny

Alahady 10 oktobra 2021 : Tafika masina

Alahady 10 oktobra 2021, niarahan’ny vahoakan’Andriamanitra avy ao @ FJKM Ambavahadimitafo sy ny FJKM Isoavina Fiorenana miombom-bavaka am-po sy am-panahy teto amin’ny FJKM Isoavina Fiorenana, taorian’ny Tafika masina notanterahina teny an-toerana. Manasa anao hiombona amin’ny fotoam-pivavahana :

14/10/2021 A la une . AFF . Antso sy filazana . Vaovaom-piangonana

Hafatra avy amin’ny mpitandrina taorian’ny Tafika Masina oktobra 2021

« Misaora an ‘i Jehovah ry fanahiko ary izay rehetra ato anatiko misaora ny Anarany Masina . »(Salamo 103:1) 1/Isaorana ny Tompo Andriamanitra fa tontosa soamatsara ny Tafika Masina tany Isoavina Fiorenana. Mankasitraka antsika Sampana, asa, AFF, Mamre, Mpanohana rehetra, indrindra fa ny Fiangonana manontolo nanohana sy nitondra am-bavaka. « Miorena tsara aza miova ary mahefà be amin

03/10/2021 A la une . Fanompoam-pivavahana . Toriteny

Ary nony tonga ny fotoana, dia nipetraka hihinana Izy mbamin’ny Apostoly

Alahady 03 Oktobra 2021, fanateram-bokatry ny SAMPATI, handinihina ny lohahevitra eto @ sahan’ny FJKM amin’ity volana ity : « Miorena ao amin’ny Tompo amin’ny Fanasany ». Ny mpitandrina Randrianarisoa Alain no nitondra ny hafatr’Andriamanitra avy ao amin’ny Lioka 22 : 14 : « Ary nony tonga ny fotoana, dia nipetraka hihinana Izy [Jesoa] mbamin’ny Apostoly » Andeha hiombona amin’izany

02/10/2021 A la une . Fanompoam-pivavahana . Toriteny

Ataonareo va fa tonga hanome fihavanana ambonin’ny tany Aho?

Alahady 26 Septambra 2021, hitondrana am-bavaka ny sampan’asa FFP (Fiofanana sy fandalinam-pinoana), alahady farany andinihana ny lohahevitra hoe « Miorena ao @ Tompo @ batisa ». Ny mpitandrina Randriambinintsoa Onja Nantenaina no nitondra ny hafatr’Andriamanitra avy ao amin’ny Lioka 12 : 49 – 53 : «  49Tonga hanipy afo et? ambonin’ny tany Aho, ka manao ahoana ny

21/09/2021 A la une . Fanompoam-pivavahana . Toriteny

Ny mino miorina ao amin’ny Tompo

Alahady 19 septambra 2021, mbola hibanjinana ny lohahevitra we « Miorena ao @ Tompo @ batisa »; alahady fanateram-bokatry ny antoko mpihira « Antsan’Ambavahadimitafo ». Ny mpitandrina Razakamanantsoa Narinjaka no nitondra ny hafatry ny Tompo avy ao amin’ny Asan’ny Apostoly 8 : 34 – 40 :  » 34Ary ilay tandapa namaly an’i Filipo ka nanao hoe: Masìna hianao, iza