FJKM Ambavahadimitafo

Fiangonan'i Jesoa Kristy eto Madagasikara

Fiofanana Tafika masina

Fiofanana Tafika masina

Publié le 11 novembre 2008 à 12:11

A. Baikon’ny Tompo , Marka. 16:15 ; Jaona. 20:21

Tsy hiadian-kevitra ny maha baiko ny fitoriana ny Filazantsara. Io baikon’ny Tompo io dia tsy mila hoe antony hafa na mila hamarinina vao mendrika ho tanterahina. Ampy io fototra ara-tSoratra Masina io. Hitory ny Fitiavan’Andriamanitra isika, Fitiavana izay notanterahiny tamin’ny nanomezany ny Zanany Lahitokana nohomboana teo amin’ny Hazofijaliana hisolo heloka antsika. Hitory isika hoe efa vitan’Andriamanitra ny famonjena antsika, fa ny anjarantsika sisa dia ny mandray an’io famonjena io.

Ity misy sary enti-manazava kokoa an’izay : Mangetaheta ianao. Misy rano amin’ny kaopy eo anoloanao. Raha jerenao fotsiny io rano io, na dia eken’ny sainao aza ny fisian’io rano io, raha tsy raisinao ary sotroinao io rano io dia tsy afa-ketaheta ianao. Toa izany koa ny Famonjen’Andriamanitra.

Raha jerenao fotsiny, na dia eken’ny sainao aza ny fahatanterahany, raha tsy raisinao io Famonjena io dia ho very ianao. Hitory an’i Jesoa Kristy voahombo isika, ary hilaza hoe : Raiso Izy, fa Izy irery ihany no Mpamonjy.

Koa mangataha hery amin’ny Tompo mba hahatanterahanao sy hiainanao an’io baiko io.

B. Hitory isika

1. Rehefa mitory, dia aza manao hoe : « Hitory aminy aho, mba ho voavonjy ny fanahiny ». Tsy anjarantsika mpitory no manapa-kevitra na ho voavonjy ny fanahiny, na tsia. Ny anjarantsika dia ny manambara aminy ny Fitiavan’Andriamanitra azy, ary hoe raiso io Fitiavan’Andriamanitra io raha te ho voavonjy ianao. Ary safidiny sisa na handray na tsia io Fitiavan’Andriamanitra io.

Ny anjarantsika dia ny mamafy fa ny vokatra dia an’Andriamanitra irery ihany. Mivavaha ho an’ireo notorianao mba hifidy ny fiainana izy ireo, dia ny fandraisana an’i Jesoa Kristy.

2. Ny fitoriana an’i Jesoa Kristy dia fotoana lehibe iray ahafahanao maneho fitiavana. Iainan’izay manana Azy, fa ny fandraisana, ny fananana an’i Jesoa Kristy dia fananana antoka fa voavonjy ny fanahinao, mandova ny fiainana mandrakizay ianao.

Tsy izany ihany, na dia io aza no tena lehibe indrindra, fa ny fananana an’i Jesoa Kristy dia fanafahana anao dieny mbola ety an-tany, fanafahana anao amin’ny tahotra, ahiahy, Taloha, fantatrao ny tenim-pitiavan’Andriamanitra, fantatrao ny fanomezan-toky, ny teny fampaherezana toa ny hoe :

« Aza matahotra ianao, efa nanavotra anao Aho, efa niantso ny anaranao Aho, Ahy ianao »,

na ny hoe :

« Raha ny Tompo no miandany amiko, inona no azon’ny olona atao amiko »,

na koa hoe

« Tsy handao anao mihitsy, na hahafoy anao akory Aho ».

Taloha fantatrao ireny tenim-pitiavana ireny, fa ankehitriny iainanao, ianao izay nandray ny Tompo, ireny teny ireny. Ny fitoriana an’i Jesoa Kristy, dia fanambarana amin’ny olona ny làlana nafahanao hiaina ireny teny ireny. Fanambarana ny toky, hery, fifaliana, azonao raha nandray Azy. Fanambarana ny fifandraisanao amin’i Jesoa Kristy Tompo ny fitoriana.

Ny fitoriana dia fanambarana amin’ny olona toriana, fa ny Tompo dia tena tia azy koa, ka iaino izany Fitiavany izany amin’ny fandraisana Azy.

Fanehoam-pitiavana lehibe ny fitoriana an’i Jesoa Kristy. Mivavaha ho an’ireo notorianao mba hifidy ny fiainana izy ireo, dia ny fandraisana an’io Fitiavana io, izay tsy iza akory fa i Jesoa Kristy.

3. Ny olona manatanteraka ny baikon’ny Tompo, ary ao anatin’izany ny baikom-pitoriana Azy, dia novain’ny Tompo sata. Tsy mpanompon’ny Tompo intsony irery fa lasa sakaizany. Misy zava-dehibe mihoatra izany ve?

Tia anao ny Tompo. Fa izao anefa : ny maha sakaizan’ny Tompo anao, dia tsy sata ahafahanao miady hevitra raha tokony ho tanterahina na tsia, ny baikon’ny Tompo. Ny maha sakaizany anao dia zo omeny anao hahalala ny anton’ny baikony, ary anisan’izany ny antony hitorianao.

4. Inona izany atao hoe fitoriana mahomby? Ao ireo hamaly hoe : mahomby ny fitoriana satria betsaka ny olona voavory, na betsaka ireo olona voatory nanaiky handray ny Tompo. Fomba fandrefy iray izany.

Ny fomba fandrefy iray hafa dia ity : mahomby foana ny fitoriana rehefa tafaray amin’ny Tompo foana ianao. Rehefa avelanao hanatanteraka ny sitrapony aminao ny Tompo, dia mahomby foana ny fitoriana ataonao. Aza manao hoe tsy mahay mitory aho. Firifiry ireo olona, zara raha mahay mamaky teny sy manoratra, misy aza tsy mahay izany akory (jereo ny apôstôly Petera) fa tena mahery mitory an’i Jesoa Kristy. Ary mitombo zato heny, arivo heny ny asany.

Noho izany, tsy natao ho an’olona voatokana amin’izany ny fitoriana, fa ny fitoriana dia safidy, fanapahan-kevitra, fomba fiaina. Ny ho toriana dia Jesoa Kristy voahombo irery, fa ny fomba hanatanterahana izany no samihafa. Raha ny amintsika, dia ny mitety trano (izay antsointsika hoe « Tafika masina« ) no fomba hanatanterahantsika izany. Ento am-bavaka ny fitoriana an’i Jesoa Kristy, ny tafika masina hotanterahantsika. Hangataho amin’ny Tompo mba ho eo ambanin’ny fitarihany, eo ambanin’ny fitantanany izany.

« Vavaka » no herin’ny fitoriana. Mivavaha ka aza mitsahatra. Ny zavatra iray azo antoka eo amin’ny fiainana kristianina dia ny baikon’ny Tompo hoe : Torio Izy. (Tandremo : Jesoa Kristy no asaina torianao fa tsy ny hevitrao).

 


Lire aussi

27/07/2021 A la une . Fanompoam-pivavahana . Toriteny

Inty aho, iraho aho

« Masina, Masina! Masina Jehovah Tompon’ny maro, heniky ny Voninahiny ny tany rehetra » Alahady 25 Jolay 2021, alahady faha-8 manaraka ny Trinite hamaranana ny lohahevitra hoe « Miorena amin’ny antson’ny Tompo ». Ny mpitandrina Randrianarisoa Alain no nitondra ny hafatr’Andriamanitra avy ao amin’ny Isaia 6 : 8 « Inty aho, iraho aho » Andeha hiombona amin’ny fotoam-pivavahana :

24/07/2021 Fanompoam-pivavahana

Fanokanana Masera MAMRE FJKM Ambavahadimitafo 24 jolay 2021

Notokanana ho Masera MAMRE F.J.K.M. i : – RAFARAMALALA Christine – RAZAZAROHAVANA Pierrette – RAMILISOA Dina Raymonde Elisa – RANDRIANJANAHARY Minah Felaniony Teto amin’ny FJKM Ambavahadimitafo ny asabotsy 24 jolay 2021 Araho ny fotoana tamin’izany :

20/07/2021 A la une . Fanompoam-pivavahana . Toriteny

Ho tompon-daka any amin’ny Fanjakan’Andriamanitra

Alahady 18 Jolay 2021, hiombonana @ sampana Fivondronana Laika manerana ny FJKM, hibanjinana amin’ity volana ity ny lohahevitra hoe « Miorena @ antson’ny Tompo« . Ny mpitandrina Randrianarisoa Alain no nitondra ny hafatr’Andriamanitra avy ao amin’ny Filipiana 3:12-16 : « 12Tsy toy ny efa nahazo sahady aho, na efa tanteraka sahady; fa miezaka aho hihazona izay nihazonan’i Kristy

11/07/2021 A la une . Fanompoam-pivavahana . Toriteny

Alahadin’ny STK – 11 jolay 2021

Alahady 11 Jolay 2021, alahadin’ny STK, nitondran’i Pasteur Misaina ny hafatr’Andriamanitra avy ao amin’ny Jaona 10;1-10. Handeha hiombona amin’izany fanompoam-pivavahana izany :

05/07/2021 A la une . Fanompoam-pivavahana . Toriteny

Alahady fetim-bokatra 04 Jolay 2021

Tanteraka soa aman-tsara teto amin’ny FJKM Ambavahadimitafo ny Fetim-bokatra 2021 niarahana tamin’ny Fiangonana manontolo sy ireo zanaka am-pielezana; fotoana lehibe eo amin’ny fiainan’ny fiangonana. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Genesisy 12 ;1-9 :  » dia hahatonga anao ho firenena lehibe Aho sady hitahy anao sy hahalehibe ny anaranao; ary

28/06/2021 Antso sy filazana

Fandaminana volana Jolay 2021

Toy izao no fandaminana avy amin’ny Biraon’ny fitandremana ho amin’ny fanompoam-pivavahana manomboka ny volana Jolay 2021 * Fidirana in-1 ihany : amin’ny 9ora * Misy ny fivorian’ny Mpihevi-draharaha – Fivorian’ny Mpandray – Fandraisana ny Fanasan’ny Tompo * Miverina manatanteraka ny fivoriana sy ny asany ny Sampana – Fikambanana – Asa Ho an’Andriamanitra ny Voninahitra

27/06/2021 A la une . Fanompoam-pivavahana . Toriteny

Fampianarana Alahady 27 jona 2021

Alahady 27 Jona 2021, alahady farany hibanjinana ny lohahevitra hoe « Anorenana ny maha-kristiana ny finoana », hitondrana am-bavaka ny firenena. Ny mpitandrina Randrianarisoa Alain no nitondra ny fampianarana avy amin’ny tenin’Andriamanitra anio : Ilay finona avy amin’Andriamanitra (Matio 16;13-19) Fibebahana sy fanetre-tena (II Mpanjaka 22; 11-20) Manome Voninahitra an’Andriamanitra (I Korintiana 1; 4-9) Andeha hiombona amin’izany

22/06/2021 A la une . Antso sy filazana

Fanasàna fetim-bokatra 2021

FANASANA FETIM-BOKATRA ALAHADY 04 JOLAY 2021 « Dia hahatonga anao ho firenena lehibe Aho sady hitahy anao sy hahalehibe ny anaranao ; ary ho fitahiana tokoa ianao » Gen.12,2 Manasa anao sy ny ankohonanao ary ny fianakaviana manontolo hiaraka hiombom-bavaka amin’ny 9ora maraina ny  alahady 04 jolay 2021 :  Hisy ny fiarahana mandray ny Fanasan’ny Tompo  Hisy ihany koa ny

22/06/2021 Antso sy filazana

Fandaminana Alahady 27 Jona 2021

Mampatsiahy antsika ny Biraon’ny fitandremana fa hihisy fidirana in-droa ny fanompoam-pivavahana amin’ny Alahady 27 Jona 2021 : 8 ora maraina 10 ora maraina Marihina fa tsy misy akory ny fisoràtana anarana. Entanina hatrany isika hitandro ny fepetra ara-pahasalamana manoloana ny Covid-19. Tahian’ny Tompo

20/06/2021 A la une . Fanompoam-pivavahana . Toriteny

Anaka, atolory ahy ny fonao, Ary aoka ny masonao ho faly mijery ny làlako

Alahady 20 jona 2021, alahady fetin’ny Ray sy hitondrana am-bavaka ny sampana Vokovoko manga. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Ohabolana 23;26 : « Anaka, atolory ahy ny fonao,Ary aoka ny masonao ho faly mijery ny làlako« . Andeha hiombona amin’ny fanompoam-pivavahana teto amin’ny FJKM Ambavahadimitafo : « 26Anaka, atolory ahy ny fonao,Ary