FJKM Ambavahadimitafo

Fiangonan'i Jesoa Kristy eto Madagasikara

Fianakaviana toy inona

Fianakaviana toy inona

Publié le 11 novembre 2008 à 12:11

Raha nanontaniana ny olona vitsivitsy ny amin’izay fiheverany ny hoe fianakaviana dia toy izao ny valiny azo:

– loharano nipoirana

– toeram-piomanana amin’ny fifandraisana

– trano fatoriana amin’ny alina

– dada, neny ary ny ankizy

– toeram-piofanana

– toeram-piarovana amin’ny hery avy any ivelany

– lalao, fifaliana, fifampitokisana

– helo, fonja

– fahatsiarovana mamy na maharary

– toeram-pialofana amin’ny andro mahory

Hatramin’ny voalohany dia anisan’ny tanjona napetraky ny Fikambanan’ny Mpiara-Mamaky ny Baiboly eran-tany ny hitory sy hitaiza ny ankizy, ny tanora ary ny fianakaviana amin’ny Soratra Masina.

Atoa Henryk Solaski dia mpandrindra ny fankalazana ny taona iraisam-pirenena ho an’ny Fianakaviana ao amin’ny Firenena Mikambana. Nilaza izy fa nisarika ny sain’ireo mpikambana maro tao ho ao ny resaka manodidina ny fianakaviana no sady mampanahy mafy koa ny loza mitatao eo aminy.

Ny fianakavina mantsy no fototry ny fiarahamonina. Raha mihozongozona io dia mihozongozona koa ny fiarahamonina. Milaza miara-mahita isika raha miresaka ny zava-manjo ny fianakaviana ankehitriny, na any amin’ny tany mandroso na any amin’ny tany mahantra. Marary ny fianakaviana. Ny ankamaroan’ny herisetra sy ny habibiana misy eto amin’ity planeta ity dia olona nivoaka avy tamina fianakaviana rava na mikorontana no saiky nahavanona azy.

Araka ny fanadihadiana nataon’ny CSA Panorama tany Frantsa tamin’ny volana Janoary 1994 anefa dia ny 84%-n’ny tanora 15 – 25 taona dia mino ny lanjan’ny fianakaviana avokoa. Sanda tsy lany andro ny fianakaviana hoy izy ireo. Ny 96% tamin’izy ireo aza namaritra ny fianakaviana filamatra hoe lehilahy sy vehivavy voafehin’ny fanambadiana miampy ankizy maromaro.

Koa tsy misy ho kianina ary ve ny fianakaviana? Tsia no valiny. Ho an’ny ankamaroan’ireo tanora ireo mantsy dia marefo na ratsy ny fototra iriny hanorenana izany fianakaviana izany. Te hanorina fianakaviana izy nefa tsy vonona ny hanolotra ny tenany ho amin’izany tanjona izany. Toy ny mandeha fiara fitaterana ny manambady amin’ny maro. Raha tsy mandeha araka ny nieritreretany azy dia miala mora amin’ny arrêt manaraka izy. Ao ilay ohabolan-drazana hoe : “vady hita teny am-pakana kitay ary isarahana eo am-pisoronan’afo”. Tsy misy ny fahavononana handefitra sy hiaritra. Noho izany, loza lehibe no mitatao amin’ny fototry ny fiarahamonina. Na izany aza anefa dia tena misy ny fanantenana. Amin’ny fomba ahoana?

1. Tsy maintsy araraotina io faniriana eo amin’ny tanora mbola te hanorina fianakaviana io mba hanomezana azy ireo ny fototra marina sy azo antoka hanorenana izany.

2. Tsy maintsy dinihana sy fantarina ireo hery, filamatra ary rafitra – politika, ekonomika, ara-piarahamonina, ara-panahy – manohitra ny fanatratrarana izany tanjona soa izany.

3. Ilaina ny mivavaka ho an’ireo tompon’andraikitra politika sy sosialy (1Tim. 2:1-3). Mba hisy marina ny fandraisana ireo fepetra ilaina mba ivelaran’ny fianakaviana eo amin’ny lafin’ny asa, fanabeazana, fonenana ary fitsinjovana. Tsy ny fokontany no rafitra fototra hiantoka ny fampivoaram-pirenena fa ny fianakaviana.

4. Ilaina ny mametraka rafitra sy fototra azo antoka iorenan’ny fianakaviana. Ny Fikambanan’ny Mpiara-Mamaky ny Baiboly dia milaza fa ny fiverenana amin’ny rafitra sy fototra napetrak’Ilay Mpahary sy Mpanavotra ny fianakaviana no vahaolana mahomby indrindra ho famonjena sy fanasitranana azy. Marary ny fiarahamonina satria mitotongana ny sanda ara-panahy sy moraly tokony hifehy ny fianakaviana.

Ny Fiangonana kristianina mantsy no fitaovana ampiasain’Andriamanitra, Ilay Mpahary sy Mpanavotra ny fianakaviana hampita sy hampianatra ireo sanda ireo, fa tsy fombafombam-piangonana sy fivavahana fotsiny.

Ohatra : ny fandavana ny planin’Andriamanitra ny amin’ny fanorenana ny fianakaviana no miteraka endri-piarahamonina vaovao ahitana ny tokantranomaso, ny fiterahana sy fitaizana zaza tsy manambady, sns. Voatery milefitra manaraka izany ny lalàna velona indraindray. Koa maro ny mihevitra fa mety ny ataony satria tsinjovin’ny lalàna misy izy ireo. Any Frantsa ohatra, dia ny manambady vita soratra indray no voa mafy eo amin’ny lafiny fitsinjovana sosialy noho ireo manao tokantranomaso, miteraka tsy manambady, sns.

Tsy mampahatsiaro ny tenin’i Habakoka mpaminany ve ny toe-javatra ankehitriny raha hoy izy hoe : “Koa noho izany dia ngoly ny lalàna, ary tsy mivoaka ny rariny ; fa irohonan’ny ratsy fanahy ny marina, ka izany no ivoahan’ny fitsarana miangatra”. (Hab. 1:4).

Lavina ny toe-tsaina izay manandratra ny fahafinaretana alohan’ny zava-drehetra, ny fitiavan-tena, ny fitokana-monina, ny fahafahana tsy miaraka amin’ny fandraisana andraikitra. Ny Baiboly dia mampianatra ny atao hoe fitiavana manolotra, mandray andraikitra, mizaka ny sarotra (1Korint.13). Misy koa ireo boky mikasika ny fianakaviana nafaran’ny Fikambanana manokana hanampiana anao.

Ambonin’ny zavatra rehetra dia ilaina ny ahitan’ny olona fa azo iainana sy ampiharina eo anivon’ny fianakaviana ny Tenin’Andriamanitra fa tsy idealy ho nofinofisina fotsiny.

Eo anivon’izao fiainana izay tsy manana modely alain-tahaka izao intsony dia manana loharanom-pilamatra ho an’ny fifankatiavan’ny mpianakavy isika (mpivady, mpianaka, mpihavana). Koa na toa inona na toa inona fianakaviana misy anao dia manasa anao izahay hamerina Ilay Teny tonga Nofo eo anivon’ny fianakavianao indray. Ho tanteraka amin’izay ilay teniny manao hoe: “Ny vadinao dia tahaka ny voaloboka mahavokatra ao anatin’ny tranonao ; ny zanakao dia tahaka ny zanak’oliva manodidina ny latabatrao” (Sal; 128:3,4). Inona no antony ? Satria matahotra an’Andriamanitra ka mandeha araka ny lalàny ny ankohonanao (and.1).

Pasteur Hubert Rakotoarivony


Lire aussi

18/02/2024 A la une . Fanompoam-pivavahana . Toriteny

Ilay zanaka adala

Alahady 18 Febroary 2024, alahady voalohany @ vanim-potoanan’ny karemy, mbola hibanjinana ny lohahevitra hoe « Mampitandrina @didiny Andriamanitra« , natokana hitondrana am-bavaka ny Arsiva sy tranom-bakoka manerana ny FJKM. Ny mpitandrina miza-draharaha Andriamifidy Miora no nitondra ny tenin’Andriamanitra araka ny Lioka 15 : 25-32 «  25Fa tany an-tsaha ny zanany lahimatoa; ary nony nody izy ka mby

11/02/2024 A la une . Fanompoam-pivavahana . Toriteny

Andeha hiaina @ fahamarinana

Alahady 11 febroary 2024, alahadin’ny Baiboly, mbola andinihina ny lohahevitra hoe « Mampitandrina @didiny Andriamanitra« , izay nitondran’ny mpitandrina Andriamasinoro Fidimalala ny hafatr’Andriamanitra araka ny Matio 5:20  » Fa lazaiko aminareo: Raha tsy mihoatra noho ny an’ny mpanora-dalàna sy ny Fariseo ny fahamarinanareo, dia tsy hiditra amin’ny fanjakan’ny lanitra mihitsy ianareo « 

04/02/2024 A la une . Fanompoam-pivavahana . Toriteny

Fankalazana ny faha-40 taonan’ny Asa fitoriana Filazantsara ho an’ny Zatovo sy Ankizy

Alahady 04 Febroary 2024, ankalazana ny faha-40 taonan’ny Asa fitoriana Filazantsara ho an’ny Zatovo sy Ankizy (AFFA), ka andinihin’ny FJKM lohahevitra vaovao @ity volana ity manao hoe « Mampitandrina amin’ny didiny Andriamanitra« . Ny mpitandrina Ranaivoson Andry no nitondra ny hafatr’Andriamanitra araka ny Jeremia 1 : 4-8 « Tonga tamiko ny tenin’NY TOMPO hoe:5Hatry ny fony ianao tsy

28/01/2024 A la une . Fanompoam-pivavahana . Toriteny

Fanokafana ny Jobily faha-75 taonan’ny Sampana Mpanazava sy Tily

Alahady 28 janoary 2024, fanokafana ny Jobily faha-75 taonan’ny Sampana Mpanazava sy Tily (SAMPATI), mbola andinihin’ny FJKM ny lohahevitra hoe « Lehibe ny voninahitry ny Tompo ». Ny mpitandrina Ranarimalala Nirina Harisoa no nitondra ny hafatr’Andriamanitra araka ny Matio 5 : 16 : « 16Aoka hazava eo imason’ny olona toy izany koa ny fahazavanareo mba hahitany ny asa

16/01/2024 A la une . Antso sy filazana

Hafatra ho an’ny Mpandray – fifidianana Diakona 2024

Mifarana ny alahady faha-28 janoary 2024 ny fanavaozana ny karatra hiatrehana ny fifidianana Diakona. Hamarino ary fa any aminao ny karatra maha-mpandray miloko fotsy. Raha toa tsy mbola manana ianao dia ento ny sary roa ny alahady faha-28 janoary hahafahana manavao ny karatrao.

14/01/2024 A la une . Fanompoam-pivavahana . Toriteny

Ny lanitra mamangy ny tany

Alahady 14 Janoary 2024, mbola andinihantsika ny lohahevitra hoe « Lehibe ny Voninahitr’Andriamanitra« , ka nitondran’ny mpitandrina miza-draharaha, Andriamifidy Miora, ny hafatr’Andriamanitra araka ny Lioka 9 : 28-36 Ny niovan’i Jesosy tarehy tao an-tendrombohitra.Mat. 17.1-13;Mar. 9.2-13.28ARY rehefa tokony ho havaloana taorian’izany teny izany, dia nitondra an’i Petera sy Jaona ary Jakoba Izy ka niakatra tany an-tendrombohitra hivavaka. 29Ary

07/01/2024 A la une . Fanompoam-pivavahana . Toriteny

Manavao ny fiainantsika Jesoa, manome fandresena ho antsika Jesoa

Alahady 07 Janoary 2024, alahady voalohany @ity taona ity, andinihina ny lohahevitra hoe « Lehibe ny voninahitr’Andriamanitra« , ka nitondran’ny mpitandrina John Rakotonirainy, SG ny FJKM, ny hafatr’Andriamanitra araka ny Matio 19 : 27-29 «  27Dia namaly Petera ka nanao taminy hoe: Indro, izahay efa nahafoy ny zavatra rehetra ka nanaraka Anao; koa inona ary no ho

31/12/2023 A la une . Fanompoam-pivavahana . Toriteny

Andriamanitra miandàny @ olony

Alahady 31 desambra 2023, alahady farany @ taona 2023, anatin’ny lohahevitra hoe « Ankalazao ny Mpamonjy« , nitoriana ny tenin’Andriamanitra araka ny Isaia 26 : 11-15  » 11Jehovah ô, avo ny tananao, nefa tsy jeren’ireo; Tsy maintsy hojereny ihany anefa ny  fahasaro-piaronao amin’ny olonao, ka ho menatra izy; Eny, afo no handevona ny fahavalonao. 12Jehovah ô, manorina fiadanana

25/12/2023 A la une . Fanompoam-pivavahana . Toriteny

Noely 2023 : Jesoa Kristy dia Mpanjaka

Krismasy 2023, Arahaba ry ilay nohasoavina, ny Tompo momba anao, « Ankalazao ny Mpamonjy ». Ny mpitandrina Prezida Synodaly Antananarivo Atsinanana, ALIOLIHARIMANARIVO Mahabo Saotra mpitandrina no nitarika sy nitondra ny hafatr’Andriamanitra araka ny Isaia 11 : 1-10 : Ny amin’ny famonjena hataon’Ilay Solofon’i Davida, sy ny hira fiderana hatao amin’izany1Ary hisy Solofo mitsimoka eo amin’ny fototr’i Jese,

24/12/2023 A la une . Fanompoam-pivavahana . Toriteny

Endre ny halalin’ny harena sy ny fahendren’Andriamanitra ary ny fahalalany!

Alahady 24 Desambra 2023, alahady farany @ advento @ity taona ity, ibanjinana ny lohahevitra hoe « Ankalazao ny Mpamonjy ». Ny mpitandrina miza-draharaha Andriamifidy Miora no nitondra ny hafatr’Andriamanitra araka ny ROmana 11 : 33-36 « 33Endre ny halalin’ny harena sy ny fahendren’Andriamanitra ary ny fahalalany! Tsy hita lany ny fitsarany ary tsy azo fantarina ny lalany! 34Fa