FJKM Ambavahadimitafo

Fiangonan'i Jesoa Kristy eto Madagasikara

Fanomezan'Andriamanitra ny vady (tohiny)

Fanomezan'Andriamanitra ny vady (tohiny)

Publié le 10 novembre 2008 à 12:11

Fanomezan’Andriamanitra ny vady (tohiny)

Lahy sy vavy no namoronany azy (GENESISY 1,27)

Ity teny ity dia mahagaga. Ambarany fa efa tao amin’ny tetikasan’Andriamanitra hatramin’ny voalohany mihitsy ny hanorina fanambadiana eo amin’ny olona noforoniny.

Fanomezana nomen’Andriamanitra ho an’ny olombelona hatreo amin’ny segondra voalohany ny fisian’ny vady. Tsy izany ihany fa aseho eto koa ny mahasamihafa ny mpivady : Lahy sy Vavy.

Tsy mitovy mihitsy izy ireo. Ary mivandravandra izany na eo amin’ny toe-batana fotsiny aza. Fa na ny toe-tsaina sy ny fanabeazana noraisina aza, dia samihafa matetika.

Ny fahasamihafana ary, dia zavatra voajanahary eo amin’ny mpivady. Ary raha nataon’Andriamanitra izany dia satria tsara mba hisian’ny fifamenoana sy ny fifanampiana eo amin’ny mpivady.

Tsy hisy amin’ny mpivady hihevi-tena ho manana ny feno fa hotsarovana hatrany kosa fa mila ny vadiny izy vao feno.

Fampieritreretana : Ahoana no hampivelatra ny mahaizy azy ny tsirairay ao anaty firindrana, ao anaty tokantrano ? Izay vady sahaza… (GENESISY 2,30)

Fanomezan’Andriamanitra ny vady ary fanomezana « sahaza« . Tsara Andriamanitra ka tsy afaka hanome zavatra ratsy. Ny hoe vady dia « mpanampy » ny heviny eto.

Tsy mpanampy toy ny « mpiasa » na « andevo » anefa fa ho « mpanjakavavy ». Fa raha noforonina araka ny endrik’Andriamanitra ny lehilahy, dia araka ny endrik’Andriamanitra koa ny vehivavy (Genesisy 1,27).

Ny hoe « sahaza » kosa dia azo adika hoe « llay mifanatrika aminy« ; mitovy aminy, mifanaraka aminy, namana hifandraisany. Koa tsy azo adinoana fa ny vady nomen’Andriamanitra anao dia tsy ambany kokoa noho ianao ka azonao ambaniana, na ambony kokoa noho ianao ka tompoinao tsy misy fetra. Olona mitovy aminao, endrik’Andriamanitra, mendrika hohajaina sy hotiavina feno Izy. Ary ny fanajana ny fanomezan’ny olona iray dia porofoin’ny fiainan’ilay Mpanome.

Fampieritreretana : Manaja an’Andriamanitra ve aho amin’izao fitondrako ny vadiko izao…?
Tsy hita izay vady sahaza… (GENESISY 2,30) Fanomezan’Andriamanitra ny vady fa tsy haitraitrantsika akory.

Ny tantara voalazan’ny Genesisy 2,19-20 dia mampianatra antsika fa na dia navela hitady vady aza Adama, dia tsy nahita akory. Toy ny milaza io fa raha mitady vady tsy miaraka amin’Andriamanitra isika dia miafara amin’ny « habibiana ». Izay omen’Andriamanitra antsika ihany no tena vady sahaza ho antsika. Omen’Andriamanitra fahefana hitady vady isika. Azontsika atao tokoa izany, saingy ny hahita tena vady hahatsara antsika dia tsy haintsika irery izany.

Koa rehefa nahazo vady isika dia ho fantatsika fa nanao zava-mahagaga teo amin’ny fiainantsika Andriamanitra. Niditra an-tsehatra Izy, ary nandray an-tanana ny fanolorana vady ho antsika.

Fampieritreretana : Koa raha tsy mahafa-po anao ny vadinao satria heverinao fa tsy niarahanao nifidy tamin’Andriamanitra, inona no hataonao : Hanary azy sa hihavana marina amin’Andriamanitra mba hitsaboany ny tokantranonao?

Nalaina avy amin’ny « Ny Tsiambaratelon’ny Tokantrano sambatra »


Lire aussi

18/02/2024 A la une . Fanompoam-pivavahana . Toriteny

Ilay zanaka adala

Alahady 18 Febroary 2024, alahady voalohany @ vanim-potoanan’ny karemy, mbola hibanjinana ny lohahevitra hoe « Mampitandrina @didiny Andriamanitra« , natokana hitondrana am-bavaka ny Arsiva sy tranom-bakoka manerana ny FJKM. Ny mpitandrina miza-draharaha Andriamifidy Miora no nitondra ny tenin’Andriamanitra araka ny Lioka 15 : 25-32 «  25Fa tany an-tsaha ny zanany lahimatoa; ary nony nody izy ka mby

11/02/2024 A la une . Fanompoam-pivavahana . Toriteny

Andeha hiaina @ fahamarinana

Alahady 11 febroary 2024, alahadin’ny Baiboly, mbola andinihina ny lohahevitra hoe « Mampitandrina @didiny Andriamanitra« , izay nitondran’ny mpitandrina Andriamasinoro Fidimalala ny hafatr’Andriamanitra araka ny Matio 5:20  » Fa lazaiko aminareo: Raha tsy mihoatra noho ny an’ny mpanora-dalàna sy ny Fariseo ny fahamarinanareo, dia tsy hiditra amin’ny fanjakan’ny lanitra mihitsy ianareo « 

04/02/2024 A la une . Fanompoam-pivavahana . Toriteny

Fankalazana ny faha-40 taonan’ny Asa fitoriana Filazantsara ho an’ny Zatovo sy Ankizy

Alahady 04 Febroary 2024, ankalazana ny faha-40 taonan’ny Asa fitoriana Filazantsara ho an’ny Zatovo sy Ankizy (AFFA), ka andinihin’ny FJKM lohahevitra vaovao @ity volana ity manao hoe « Mampitandrina amin’ny didiny Andriamanitra« . Ny mpitandrina Ranaivoson Andry no nitondra ny hafatr’Andriamanitra araka ny Jeremia 1 : 4-8 « Tonga tamiko ny tenin’NY TOMPO hoe:5Hatry ny fony ianao tsy

28/01/2024 A la une . Fanompoam-pivavahana . Toriteny

Fanokafana ny Jobily faha-75 taonan’ny Sampana Mpanazava sy Tily

Alahady 28 janoary 2024, fanokafana ny Jobily faha-75 taonan’ny Sampana Mpanazava sy Tily (SAMPATI), mbola andinihin’ny FJKM ny lohahevitra hoe « Lehibe ny voninahitry ny Tompo ». Ny mpitandrina Ranarimalala Nirina Harisoa no nitondra ny hafatr’Andriamanitra araka ny Matio 5 : 16 : « 16Aoka hazava eo imason’ny olona toy izany koa ny fahazavanareo mba hahitany ny asa

16/01/2024 A la une . Antso sy filazana

Hafatra ho an’ny Mpandray – fifidianana Diakona 2024

Mifarana ny alahady faha-28 janoary 2024 ny fanavaozana ny karatra hiatrehana ny fifidianana Diakona. Hamarino ary fa any aminao ny karatra maha-mpandray miloko fotsy. Raha toa tsy mbola manana ianao dia ento ny sary roa ny alahady faha-28 janoary hahafahana manavao ny karatrao.

14/01/2024 A la une . Fanompoam-pivavahana . Toriteny

Ny lanitra mamangy ny tany

Alahady 14 Janoary 2024, mbola andinihantsika ny lohahevitra hoe « Lehibe ny Voninahitr’Andriamanitra« , ka nitondran’ny mpitandrina miza-draharaha, Andriamifidy Miora, ny hafatr’Andriamanitra araka ny Lioka 9 : 28-36 Ny niovan’i Jesosy tarehy tao an-tendrombohitra.Mat. 17.1-13;Mar. 9.2-13.28ARY rehefa tokony ho havaloana taorian’izany teny izany, dia nitondra an’i Petera sy Jaona ary Jakoba Izy ka niakatra tany an-tendrombohitra hivavaka. 29Ary

07/01/2024 A la une . Fanompoam-pivavahana . Toriteny

Manavao ny fiainantsika Jesoa, manome fandresena ho antsika Jesoa

Alahady 07 Janoary 2024, alahady voalohany @ity taona ity, andinihina ny lohahevitra hoe « Lehibe ny voninahitr’Andriamanitra« , ka nitondran’ny mpitandrina John Rakotonirainy, SG ny FJKM, ny hafatr’Andriamanitra araka ny Matio 19 : 27-29 «  27Dia namaly Petera ka nanao taminy hoe: Indro, izahay efa nahafoy ny zavatra rehetra ka nanaraka Anao; koa inona ary no ho

31/12/2023 A la une . Fanompoam-pivavahana . Toriteny

Andriamanitra miandàny @ olony

Alahady 31 desambra 2023, alahady farany @ taona 2023, anatin’ny lohahevitra hoe « Ankalazao ny Mpamonjy« , nitoriana ny tenin’Andriamanitra araka ny Isaia 26 : 11-15  » 11Jehovah ô, avo ny tananao, nefa tsy jeren’ireo; Tsy maintsy hojereny ihany anefa ny  fahasaro-piaronao amin’ny olonao, ka ho menatra izy; Eny, afo no handevona ny fahavalonao. 12Jehovah ô, manorina fiadanana

25/12/2023 A la une . Fanompoam-pivavahana . Toriteny

Noely 2023 : Jesoa Kristy dia Mpanjaka

Krismasy 2023, Arahaba ry ilay nohasoavina, ny Tompo momba anao, « Ankalazao ny Mpamonjy ». Ny mpitandrina Prezida Synodaly Antananarivo Atsinanana, ALIOLIHARIMANARIVO Mahabo Saotra mpitandrina no nitarika sy nitondra ny hafatr’Andriamanitra araka ny Isaia 11 : 1-10 : Ny amin’ny famonjena hataon’Ilay Solofon’i Davida, sy ny hira fiderana hatao amin’izany1Ary hisy Solofo mitsimoka eo amin’ny fototr’i Jese,

24/12/2023 A la une . Fanompoam-pivavahana . Toriteny

Endre ny halalin’ny harena sy ny fahendren’Andriamanitra ary ny fahalalany!

Alahady 24 Desambra 2023, alahady farany @ advento @ity taona ity, ibanjinana ny lohahevitra hoe « Ankalazao ny Mpamonjy ». Ny mpitandrina miza-draharaha Andriamifidy Miora no nitondra ny hafatr’Andriamanitra araka ny ROmana 11 : 33-36 « 33Endre ny halalin’ny harena sy ny fahendren’Andriamanitra ary ny fahalalany! Tsy hita lany ny fitsarany ary tsy azo fantarina ny lalany! 34Fa