FJKM Ambavahadimitafo

Fiangonan'i Jesoa Kristy eto Madagasikara

Vita antoka ve ny fanahinao?

Vita antoka ve ny fanahinao?

Publié le 11 novembre 2008 à 12:11

May ny trano iray tao amin’ny tanàn-dehibe, tsy ela loatra izay. Raha nahita aho dia taitra, dia nanombatombana ny fahavoazana izay hita fa betsaka.

« Aza taitra loatra », hoy ilay niresaka tamiko, « voavonjy ihany izy, satria vita antoka io. »

Vao haingakaingana dia nifandona ny aotomobilina teo amin’ny fihaonan-dàlana. Ny olona tsy nisy naratra fa ny zavatra no simba. Niteny faingana ny olona mahalala :

« Soa ihany fa aotomobilina vita antoka ireny. »

Dia lasa ny fisainana ka mankasitraka izany zavatra vita antoka, midera ireo mahakendry ny ho avy toy izany. « Tsara antoka izany, » hoy aho.

Lehilahy anankiray nitombo harena fatratra, ary nataony vita antoka ny fananany : trano, aotomobilina, foto-kazo dimy alina, sns… indray andro raha nirava avy amin’ny Sekoly Alahady Ikoto, zanany lahimatoa ka tonga tao an-trano, dia nihaino ny resaky ny rahalahin-drainy sy ny renibeny. Avy eo Ilaikely dia niditra tao amin-drainy ka nankeo am-pofoany. Avy hatrany dia
nanontany an-drainy :

– « Dada ô, vita antoka ve ny fanahinao ? »
– Taitra rangahy ka niteny hoe : « Inona no hevitr’Ikoto, ary nahoana hianao no manontany ahy zavatra tahaka izany ? »
– « Satria, » hoy ilay zaza, « reko tamin’ny resak’Idadatoa sy Inenibe fa vita antoka daholo ny fananan’Idada ; noresahiny koa fa revo amin’ny fitomboan-karena loatra hianao ka tsy mikarakara fanahy akory. Idada ô ! Moa tsy tianao ve raha vita antoka miaraka amin’izay ny fanahinao ?

Norohan-drainy Ikoto, dia napetrany, sady hoy izy : « Mandehana milalao, anaka, zaza tsara hianao. Hoeritreretiko ny fanontanianao. » Rehefa lasa Ikoto dia nitombina rangahy, ny kihony nitehina tamin’ny latabatra, ny lohany niondrika, ny eritreriny niasa dia niasa.

Marina ny resak’izy mianaka ren’Ikoto. vita antoka tokoa ny hareny, mba hitsinjovany ny andro merika sy ny vady aman-janany. Efa nandoka tena ho hendry sy mahay mitsinjo ny ho avy izy tamin’izay ; nefa kosa tsy nanao na inona na inona izay hahatsara antoka ny fanahiny, ilay tena olona haharitra mandrakizay.

Inona no holazainy amin’Andriamanitra, raha hiseho eo anoloan’ny voninahiny izy ? Andriamanitra ô, mamindrà fo amiko, hoy ny filoatry ny fony, sady nandohalika izy no nampifamihina ny tanany. Niditra Ikoto, indro rainy nandinika ny Salamo 51.

– « Idada ô ! » hoy ny zaza, « vita ve ? Lazao, ry Idada malala ô ! »
– « Vita, anaka, » hoy rainy, « andeha ambarao amin’Idadatoa sy ny renibenao. Hianao no anjely efa nomen’Andriamanitra ahy. »
– « Misaotra dia misaotra, ry Idada ; faly loatra aho, » sady miramirana fatratra izy no lasa nivoaka.

Nanohy ny famakiana ny Soratra Masina rangahy ; nefa ranomaso vaventy fipatraka no nandena ity boky. Ranomasom-piovana misy lanjany eo amin’ny mizanan’Andriamanitra.

Ry havana mpamaky, raha nandre aho : trano, aotomobilina vita antoka, sns., dia tsaroako ny tenin’ny Tompo : « Inona no soa azon’ny olona raha mahazo izao rehetra izao, kanefa very ny ainy ? » Nanadin-tena aho : vita antoka ve ny fanahiko ?
– Eny, vita antoka ve ny fanahintsika?

– Efa migoka ny ranon’aina sy homana ny mofon’aina ve, ka mitrotro famonjena ?

– Efa nahazo ny hery mahavonjy sy fanadiovana avy amin’ilay ra fanavotana nalatsaka tany Golgota, tonian’ny fahaterahana indray, ipoiran’ny fiainam-baovao.

– Fanahy manana an’i Jesosy no fanahy manana antoka tsara , ka vita ve ?

Aza arian-dia ny fanontaniana fa eritrereto dia valio : vita antoka ve ny fanahintsika?

Paul Rakotoarivony Teny Soa, N° 713 – Mai 1930


Lire aussi

04/12/2022 A la une . Fanompoam-pivavahana . Jobily 25 taona Past. Alain Randrianarisoa . Toriteny

Alahady 04/12/2022 : Haleloia, hidera an’i Jehovah @ foko rehetra aho

Ny Alahady 04 desambra 2022 kosa no fotoana nankalazana an’Andriamanitra, niaraka tamin’ny fiangonana manontolo sy ny zanak’am-pielezana noho ny Jobily faha-25 taona nitandreman’ny mpitandrina Randrianarisoa Alain mivady. Manàsa anao hiombona amin’izany fotoana izany :

02/12/2022 A la une . Fanompoam-pivavahana . Jobily 25 taona Past. Alain Randrianarisoa . Toriteny

Zoma 02/12/2022 : Jobily Volafotsy – Pst. Randrianarisoa Alain mivady

« Haleloia, hidera ny Tompo amin’ny foko rehetra aho », Salamo 111 Izany salamo izany no nentina nankalazana an’Andriamanitra tamin’ny zoma 02 desambra 2022 noho ny Jobily faha 25 taona nitandreman’ny mpitandrina Randrianarisoa Alain mivady. Izany fotoana izany moadia niarahana nideràna an’Andriamanitra niaraka tamin’ny Synodam-paritany Antananarivo Atsinanana sy ny Birao foibe FJKM. Andeha hiombona amin’izany fotoana izany

27/11/2022 A la une . Fanompoam-pivavahana . Toriteny

Advento 2022 : Fa izay rehetra nandray Azy dia nomeny hery ho tonga zanak’Andriamanitra, dia izay mino ny anarany

Alahady 27 novambra 2022, alahady voalohany @ Advento, mbola handalinana hatrany ny lohahevitra hoe « Miomàna handray ny Mpamonjy« , ka nitondran’ny mpitandrina mpiza-draharaha Tianarisoa Miora ny hafatr’Andriamanitra avy ao amin’ny Jaona 1 : 9:13 «  9Tao ny tena Mazava Izay mahazava ny olona rehetra tonga amin’izao tontolo izao. 10Teo amin’izao tontolo izao Izy, ary Izy no nanaovana izao

20/11/2022 A la une . Antso sy filazana . Jobily 25 taona Past. Alain Randrianarisoa

Fanentanana 25 taona Pst. Randrianarisoa Alain

« Haleloia, hidera an’i Jehovah amin’ny foko rehetra aho », Salamo 111, 1a Afaka alahady 2 dia ho tonga ny andro firavoravoantsika hankalazana  ny Jobily volafotsy maha-mpitandrina an’Andriamatoa Randrianarisoa Alain mivady. Hatraiza ny fanomanana ? Zoma 02 desambra 2022 : fanompoam-pivavahana hanasàna ny Foibe FJKM, Synodam-paritany Antananarivo Atsinanana, Fiangonana, fianakavian’ny mpitandrina ary ny vahoakan’Andriamanitra, izay arahina sakafom-pifaliana

20/11/2022 A la une . Fanompoam-pivavahana . Toriteny

Jesoa Kristy ho avy amin’ny fahefany

Alahady 20 novambra 2022, nitondrana am-bavaka ny Sampana Mpanazava sy Tily manerana ny sahan’ny FJKM, mbola handinihana ny lohahevitra hoe « Miomàna handray ny Mpamonjy« . Ny mpitandrina Razakamanantsoa Narinjaka no nitondra ny hafatr’Andriamanitra araka ny I Tesaloniana 5 : 1-5 « Fa ny amin’ny andro sy ny fotoana, ry rahalahy, dia tsy misy tokony hosoratako aminareo, 2satria ianareo

13/11/2022 A la une . Fanompoam-pivavahana . Toriteny

Anio no tonga eto amin’ity trano ity ny famonjena, fa izy dia zanak’i Abrahama koa

Alahady 13 novambra 2022, hitondrana am-bavaka ny fitantanana ny fanànana eo anivon’ny FJKM ary koa hitondrana am-bavaka ny Antoko Mpihira Ambavahadimitafo. Mbola antin’ny lohahevitra isika manao hoe « Miomàna handray ny mpamonjy » ka ny mpitandrina RANDRIANARISOA Alain no nitondra ny hafatr’Andriamanitra avy ao amin’ny Lioka 19 1 – 10 :  » 1Ary Jesosy niditra ka nandeha

06/11/2022 A la une . Fanompoam-pivavahana . Toriteny

Koa amin’izany miambena ianareo; fa tsy fantatrareo izay andro hihavian’ny Tomponareo.

Alahady 06 novambra 2022, hiarahana misantatra ny teny faneva amin’ity volana ity manao hoe « Miomàna handray ny Mpamonjy« . Ny mpitandrina Randrianarisoa Alain no nitondra ny hafatr’Andriamanitra avy ao amin’ny Matio 24 : 42-51 :  » 42Koa amin’izany miambena ianareo; fa tsy fantatrareo izay andro hihavian’ny Tomponareo. 43Nefa aoka ho fantatrareo izao: Raha fantatry ny tompon-trano ny

23/10/2022 A la une . Fanompoam-pivavahana . Toriteny

Jesoa manavao ny fanompoan’ny fiangonana

Alahady 23 oktobra 2022, mbola nibanjinana ny lohahevitra hoe « Havaozy ny fanompoan’ny fiangonana« , natokana hitondrana am-bavaka ny Sampana Fifohazana manerana ny sahan’ny FJKM. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Matio 5 : 21-26 «  21Efa renareo fa voalaza tamin’ny ntaolo hoe: „Aza mamono olona” (Eks. 20.13); ary izay mamono olona

16/10/2022 A la une . Fanompoam-pivavahana . Toriteny

Ka dia ho hitanareo indray ny tsi-fitovian’ny marina sy ny meloka, dia ny manompo an’Andriamanitra sy ny tsy manompo Azy

Alahady 16 Oktobra 2022, nitondrana am-bavaka ny Masera MAMRE, mbola handinihan’ny FJKM ny lohahevitra manao hoe « Havaozy ny fanompoan’ny fiangonana« . Ny mpitandrina Randrianarisoa Alain no nitondra ny hafatr’Andriamanitra avy ao amin’ny Malakia 3 : 18-24  » 13Ny teninareo dia mahery mamely Ahy hoy Jehovah. Nefa hoy ianareo: Inona no resakay nentinay namely Anao? 14Tamin’ny nanaovanareo hoe:

09/10/2022 A la une . Fanompoam-pivavahana . Toriteny

Fa raha manao fanasana ianao, dia asao ny malahelo

Alahady 09 oktobra 2022, mbola hibanjinana ny lohahevitra hoe « Havaozy ny fanompoan’ny fiangonana » ary nanatanterahan’ny MIASAFIA ny fanateram-bokatra. Ny mpitandrina Rambinintsoa Onja no nitondra ny hafatr’Andriamanitra avy ao amin’ny Lioka 14 : 13-14  » Fa raha manao fanasana ianao, dia asao ny malahelo, ny kilemaina, ny mandringa, ny jamba; 14dia ho sambatra ianao, satria tsy mba