FJKM Ambavahadimitafo

Fiangonan'i Jesoa Kristy eto Madagasikara

Toriteny Alahady 27 Desambra 2009 – Izaho no Jehovah, izany no anarako, ka ny voninahitro tsy omeko ny hafa na ny fiderana Ahy ho an'ny sarin-javatra voasokotra

Toriteny Alahady 27 Desambra 2009 – Izaho no Jehovah, izany no anarako, ka ny voninahitro tsy omeko ny hafa na ny fiderana Ahy ho an'ny sarin-javatra voasokotra

Publié le 08 février 2010 à 12:02

Mbola ampitomboina aminareo anie ry havana, ny fahasoavana sy  ny fiadanana avy amin’i Andriamanitra Raintsika sy Jesoa Kristy Zanany, Amen.

            Amin’izao alahady anio izao dia izay ampahany amin’ny teny izay novakiana teo no handraisantsika hafatra, izany dia hitantsika ao amin’i Isaia 42, ka ny andininy faha 8 no horaisintsika. Eto moa dia ny baiboly protestanta no nakànay ny teny : « Izaho no Jehovah, izany no anarako, ka ny voninahitro tsy omeko ny hafa na ny fiderana Ahy ho an’ny sarin-javatra voasokotra ».


Saro-piaro amin’ny voninahiny Andriamanitra :

Izany fanambarana izany ry havana dia milaza amintsika ny maha Andriamanitra saro-piaro amin’ny voninahiny ny Andriamanitra Izay tompontsika, ka tsy manaiky ny hampirafesina amin’ny andriamanitra tsy izy toy ny sampy sy ny sarin-javatra voasokotra. Ato amin’ny testamenta taloha ry havana dia avy amin’ny alàlan’ny anarana na teny no nanambaràn’Andriamanitra ny tenany, ka na rahoviana na rahoviana hanononana sy hiantsoana izany anarana izany dia eo Izy,  manatrika. Koa raha miteny Izy hoe Izaho no Jehovah dia miafina ao anatin’izany anarana izany ny asany, ny toetrany, ny mombamomba Azy. Izaho no Jehovah, izany hoe Andriamanitra Mpiaro ny mpanompony Izy. Izaho no Jehovah, izany hoe Andriamanitra manana fifandraisana lalina amin’ny mpanompony Izy. Izaho no Jehovah, dia midika hoe misy Aho, ary tsy hoe misy fotsiny fa Mpamonjy Izy, tsy mitoe-poana fa manatrika sy mitadidy ary manampy. Izany no antoka teo amin’ny zanak’Israely sy ny iraka rehetra manao ny asan’Andriamanitra, Andriamanitra Tsitoha izay mifehy ny lasa sy ny ankehitriny ary ny ho avy eo ambany masony.

Andriamanitra no mifehy ny olona fa tsy fehezin’olona, Izy no mitantana fa tsy tantànana, Izy no mandahatra fa tsy alahatra

Ry havana, ny fahatakarantsika ny herin’izany anaran’i Jehovah izany no tokony tsy hananantsika tahotra amin’ny fanantanterahana ny asa ampanaoviny, eny, fa na dia indraindray aza toa mamakivaky ny lohasaha aloky ny fahafatesana izany.

Fa izay ampianarin’izao perikopa  izao amintsika koa ry havana dia izao: « ny fahatakarana an’Andriamanitra amin’ny fanompoana omeny ». Amin’ny alàlan’ny fanantanterahana izany asa fanompoana izany, izay zara-fanompoana omena ny tsirairay, no ahatsapana ny heriny, ny fiarovany, ny fiombàny. Ho sarotra amintsika ny manakatra an-tsaina fotsiny eo ivelan’ny fanompoana ny halalin’ny fifandraisana Aminy. Angamba fotoana izao ho antsika ny hanolon-tena bebe kokoa noho ny teo aloha, amin’ny fanompoana Azy, dia ho fantantsika bebe kokoa iza moa Jehovah !

Fa izay marihina koa ry havana dia izao : tsy olombelona no nanome ny anaran’Andriamanitra toy izay fanao amin’ny sampy fa Izy Andriamanitra no nanambara ny tenany, nilaza ny anarany, milaza izay hiantsoana sy hifandraisana Aminy, izany hoe Izy no mifehy ny olona fa tsy fehezin’olona, Izy no mitantana fa tsy tantànana, Izy no mandahatra fa tsy alahatra. Be dia be ny fisehoan-javatra mety tsy ho takatry ny saintsika vokatr’izany, kanefa noho ny fisian’izany mistery maro izany no maha Andriamanitra Azy.

Fa tao amin’i Jesoa Kristy kosa dia tao amin’ny nofo na ny vatan’olombelona no nanambaràn’Andriamanitra ny tenany. Ary izany fidiran’Andriamanitra tamin’ny nofo izany no manatsara bebe kokoa ny fifandraisantsika amin’Andriamanitra. Tsy ny olom-boafidy irery no mahazo manantona an’Andriamanitra fa ny olona rehetra, ary tsy natao hoe mpanompo intsony isika fa zanak’Andriamanitra. Izany fahatakarantsika ny maha zanak’Andriamanitra antsika ao amin’i Jesoa Kristy izany no antoka ho antsika fa ny fiainantsika manontolo dia ao ambany fiarovana sy fitantànan’Andriamanitra ary mihoatra izay hitantsika amin’ny masontsika ankehitriny dia ny fiantohan’Andriamanitra ny fiainana ho avy. Koa na dia hampiasain’ny fahavalo handàvoana ny olon’Andriamanitra aza ny fahafatesana dia ampiasain’Andriamanitra kosa hiarovany ny olony ho eo ambany elany izany. Ary izany no mahatonga ny mpanompo mahatoky tahaka ny Apostoly milaza hoe « na fiainana na fahafatesana dia tsy misy mampiala antsika amin’ny fahasoavan’i Kristy ». Jesoa Kristy dia nampianatra antsika ny fifandraisana vaovao amin’ny mpiara-belona sy ny fifandraisana vaovao amin’Andriamanitra, koa ny mpiara-belona dia sakaiza azo iraisa-monina tsara amin’ny fikatsahana mandrakariva izay mahasoa azy ireny, Andriamanitra dia Ray azo hametrahana sy hanankinana ny fiainana manontolo, azo hivavahana sy hangatahina izay manery ny fo. Izany fampanankekezan’i Kristy antsika amin’Andriamanitra Ray izany no antoka amin’ny ho avintsika. Ary fantantsika tsara fa Andriamanitra mihitsy no manandratra ny anaran’i Jesoa Kristy ho ambonin’ny anarana rehetra, ka amin’ny anarany no handohalihin’ny lohalika rehetra na ny avy eny an-danitra na ny ety an-tany na ny eny ambanin’ny tany.

Matokia ny Tompo fa Izy no miantoka ny fiainanao manontolo

Jesoa Kristy mampianatra antsika ny fanompoana tonga lafatra ry havana, fa na dia nanana ny endrik’Andriamanitra aza Izy, dia tsy nataony zavatra ho fikiriny mafy ny fitoviana amin’Andriamanitra, fa nofoanany ny tenany tamin’ny nakany ny endriky ny mpanompo sy ny nahatongavany ho manam-pitoviana amin’ny olona. Ary rehefa hita fa nanantarehy olona Izy dia nanetry tena ka nanaiky hatramin’ny fahafatesana, dia ilay fahafatesana tamin’ny hazo fijaliana. Ry havana, na dia nampianatra ny hangataka koa àry Jesoa, dia indray maka tsy novalin’Andriamanitra Rainy Izy Fa raha nangataka ny hanesorana ilay kapoaka mangidin’ny fahafatesana Jesoa, dia tsy nohenoin’Andriamanitra fa navelany hiharan’ny fahafatesana, dia ny fahafatesana mahatsiravina feno fahafaham-baraka teo amin’ny hazo fijaliana. Ny fanompoana dia tsy maintsy tanterahina hatramin’ny farany ary firifiry ny mpanara-dia an’i Kristy no maty martiora.
 
Nandalo fitsapàna ny Fiangonana tamin’ity taona ity, nanomboka tamin’ny tsy fahasalamàn’ny Mpitandrina izany ary niafara tamin’ny fahafatesany. Ry havana, matokia an’Andriamanitra fa mbola havoakany ho mpandresy isika. Ny hafanam-po tamin’ny fivavahana aoka tsy ho avotsotra fa mbola aseho ny voninahitr’Andriamanitra; fa Andriamanitra tsy olona ka handainga na zanak’olombelona ka hanenina, fa moa tsy efa nilaza va Izy ka tsy nefainy, ary efa niteny Izy ka tsy nitoviny.

Koa raha hamarana ity taona 2009 ity isika ary hiditra amin’ny taona 2010 dia matokia ny Tompo izay miantoka ny fiainanao sy efa nilaza fa « Indro Aho momba anareo mandrakariva ambara-pahataperan’izao tontolo izao ». Ho aminao anie ny Tompo, Amen.

 

RANAIVOSON Faramalala

 

 


Lire aussi

22/05/2022 A la une . Fanompoam-pivavahana . Toriteny

Mandehana araka ny Fanahy, dia tsy hahatanteraka ny filan’ny nofo ianareo

Alahady 22 mey 2022, andinihina ny lohahevitra hoe « Manavao ny Fanahy masina« , ka nitondran’ny tarika Ny mpitory toriteny an-kira araka ny Galatiana 5 : 16 – 25 « 16Fa hoy izaho: Mandehana araka ny Fanahy, dia tsy hahatanteraka ny filan’ny nofo ianareo. 17Fa ny nofo manohitra ny Fanahy, ary ny Fanahy manohitra ny nofo; ary mifanohitra

15/05/2022 A la une . Fanompoam-pivavahana . Toriteny

Ka efa nofenoiny fanahin’Andriamanitra, dia fahendrena sy fahiratan-tsaina sy fahalalana ny amin’ny tao-zavatra samy hafa

Alahady 15 mey 2022, « Manavao ny fanahy masina », lohahevitra amin’ity volana ity eto anivon’ny FJKM , itondrana am-bavaka ny mpiasa hiombonana. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Eksodosy 35 : 31 « ka efa nofenoiny fanahin’Andriamanitra, dia fahendrena sy fahiratan-tsaina sy fahalalana ny amin’ny tao-zavatra samy hafa« .  Andeha hiombona amin’ny fanompoam-pivavahana

08/05/2022 A la une . Fanompoam-pivavahana . SLK . Toriteny

Toriteny an-kira nentin’ny tarika Laurent Rakotomamonjy, faha-15 taona SLK Ambavahadimitafo

Alahady 08 Mey 2022, alahady hitondrana am-bavaka ny SLK na Sampana Lehilahy Kristiana eo anivon’ny FJKM, ankalazana ny faha-15 taonan’ny SLK eto amin’ny FJKM Ambavahadimitafo. Ny tarika Laurent Rakotomamonjy no nitondra ny hafatr’Andriamanitra tamin’ny alàlan’ny toriteny an-kira. Manasa anao hiombona amin’izany fanompoam-pivavahana izany :

03/05/2022 A la une . Fanompoam-pivavahana . Jobily 25 taona Past. Alain Randrianarisoa . Randrianarisoa Alain . Toriteny

Alahady fanokafana ny faha-25 taona nitandremana

Alahady 02 mey 2022 hibanjinan’ny FJKM ny lohahevitra amin’ity volana ity manao hoe « Manavao ny Fanahy Masina« ; nanokafana ihany koa ny Jobily faha-25 taona nitandreman »ny mpitandrina Randrianarisoa Alain. Ny teny anorenana ny jobily dia ny Salamo 111 : 1b « Haleloia ! Hidera an’i Jehovah amin’ny foko rehatra aho ». Manasa antsika hiombona amin’izany fanompoam-pivavahana izany :

24/04/2022 A la une . AFFA . Fanompoam-pivavahana . Toriteny

Alahady « Fetin’ny Fahazavana » 2022

Alahady 24 aprily 2022, alahady faha-2 manaraka ny paska, hitondrana am-bavaka ny Toeram-Pamonjena Zaza na TOPAZA, mbola anatin’ny lohahevitra hoe « Mandresy ny fahafatesana ny Tompo« . Nankalazaina anio ny « Fetin’ny Fahazavana » eto @ FJKM Ambavahadimitafo niompana tamin’ny lohahevitra hoe TVM na hoe « Tena Velona eo amin’ny fiainanao ve ny Mpamonjy« , nitondrana koa ny tenin’Andriamanitra avy ao

18/04/2022 A la une . Fanompoam-pivavahana . Toriteny

Fa isaorana anie Andriamanitra, Izay manome antsika ny fandresena amin’ny alalan’i Jesosy Kristy Tompontsika

« Mandresy ny fahafatesana ny Tompo »; izany no lohahevitra banjinintsika amin’izao Paska 2022 izao. Ny tompo sy ny fiadanany anie ho amintsika rehetra ka hahatonga antsika hiombom-pandresena amin’ny Tompo Andriamanintsika. Ny mpitandrina Randrianarisoa Alain no nitondra ny hafatr’Andriamanitra avy ao amin’ny IKor 15 : 54 – 58 teto amin’ny FJKM Ambavahadimitafo tamin’ity Alahady paska 17 Aprily

10/04/2022 A la une . Fanompoam-pivavahana . Toriteny

Ilay fanomezana tsara indrindra

Alahady 10 aprily 2022, alahadin’ny sampan-drofia, natokana koa hitondrana am-bavaka koa ny Sampana Dorkasy. Avy ao amin’ny Romana 8 : 31 – 39 no nitondrana ny hafatra ho antsika anio : 31Inona ary no holazaintsika ny amin’izany zavatra izany? Raha Andriamanitra no momba antsika, iza no hahatohitra antsika? 32Izay tsy niaro ny Zanani-lahy, fa natolony

03/04/2022 A la une . Fanompoam-pivavahana . Toriteny

Hohelohiny ho faty Izy, ary amin’ny andro fahatelo dia hatsangana indray Izy

Alahady 03 aprily 2022, andinihina lohahevitra vaovao eto amin’ny sahan’ny FJKM mandritra ity volana Aprily ity : « Mandresy ny fahafatesana ny Tompo« . Ny mpitandrina Randrianarisoa Alain no nitondra ny tenin’Andriamanitra avy ao amin’ny Matio 20 : 18 – 19 « ary ny Zanak’olona hatolotra ho amin’ireo lohan’ny mpisorona sy ny mpanora-dalàna, dia hohelohiny ho faty Izy 19[…]

27/03/2022 A la une . Fanompoam-pivavahana . Toriteny

Hamaly ny olona araka ny nataony Andriamanitra

Alahady 27 martsa 2022, andinihina farany ny lohahevitra hoe « Mamaly ny faharatsiana ny Tompo« . Ny mpitandrina miza-draharaha Randriambinintsoa Onja no nitondra ny hafatr’Andriamanitra avy ao amin’ny Jeremia 21 : 1-10 « 1IZAO no teny tonga tamin’i Jeremia avy tamin’i Jehovah, fony Zedekia mpanjaka naniraka an’i Pasora, zanak’i Malgia, sy Zefania, zanak’i Mahaseia mpisorona, hankany aminy hanao

13/03/2022 A la une . Fanompoam-pivavahana . Fifohazana . Toriteny

Tanteraho ny fanompoanao – faha-30 taona SAFIF

Alahady 13 martsa 2022, nankalazana ny faha-30 taonan’ny Sampana Fifohazana eto amin’ny FJKM Ambavahadimitafo, izay nitoriana ny tenin’Andriamanitra sady fanevan’izao fankalazana izao : « Fa asany isika, voaforona tao amin’ny Kristy Jesoa mba hanao asa tsara…. Tanteraho ny fanompoanao ». Ramatoa Razafiarisoa Voahirana, Biraon’ny Fifohazana Synodam-paritany Antananarivo Atsinana no nitarika ny fotoam-pivavahana, ary ny mpitandrina Ranomenjanahary Solofo