FJKM Ambavahadimitafo

Fiangonan'i Jesoa Kristy eto Madagasikara

Toriteny Alahady 16 aout 2009 : Izay rehetra tezitra amin'ny rahalahiny dia mendrika hohelohina amin'ny fitsarana

Toriteny Alahady 16 aout 2009 : Izay rehetra tezitra amin'ny rahalahiny dia mendrika hohelohina amin'ny fitsarana

Publié le 20 août 2009 à 12:08

Fa Izaho kosa milaza aminareo hoe : Izay rehetra tezitra amin’ny rahalahiny dia mendrika hohelohina amin’ny fitsarana ; ary na zovy na zovy no hanao amin’ny rahalahiny hoe : Olom-poana hianao, dia mendrika hohelohina amin’ ny Synedriona ; ary na zovy na zovy no hanao hoe : Foka ialahy ; dia mendrika ho ao amin’ny helo mirehitra afo (Matio 5 : 22 )

Zavatra roa no atoron’Andriamanitra antsika.

1) Aza mitahiry fahatezerana amin’ny rahalahinao

Izany no hitantsika ao amin’ny fiandohany ao amin’ny andininy faha 22 manao hoe : « Izay rehetra tezitra amin’ny rahalahiny dia mendrika hoheloina amin’ny fitsarana ».

Tezitra :

Ny hoe tezitra ry havana dia midika hoe fananana alahelo amin’ny hafa, ary ny fahatezerana amin’izany dia mitsoka ao anatiny ka miteraka fankahalàna tanteraka . Ary eto ilay fahatezerana dia tsy miseho ety ivelany fa mijanona ao amin’ilay olona izay manana azy ihany.

Ambaran’ny tenin’Andriamanitra fa izany alahelo na fahatezerana izay ao anaty izany dia mahatonga ny olona ho meloka eo anatrehan’ny fitsarany. Zavatra tsapa anefa eto amin’ity tenin’Andriamanitra ity dia izao : mety tsy hijanona ao anaty izany alahelo izany fa mety hiseho ety ivelany amin’ny alàlan’ny fihetsika atao, amin’ny alàlan’ny teny izay ataon’ny olona, ary eto moa dia miseho amin’ny alàlan’ny teny izany, ary hitantsika amin’ny andininy faha 22 ihany izany : «ary na zovy na zovy manao ny rahalahiny hoe olo-poana ianao dia mendrika hohelohina amin’ny Synedriona ».

Izany hoe miseho amin’ny alàlan’ny teny izany ilay fahatezerana izay hita ao anaty. Ary ny hoe « olo-poana » ry havana dia midika ho fanambaniana namana izany, midika ho fanadisoana ny namana izany, midika ho fitenenan-dratsy ny namana izany, ary raha manao izany hoy Jesoa dia mendrika hohelohina amin’ny fitsarana ambony, izany hoe tsy tahaka ilay fitsaràna izay teo aloha izay fitsarana teo an-tanàna ihany moa araka ny dikan-teny iombonana hoe fitsarana voalohany.

Na zovy na zovy no miteny hoe foka ialahy… :

Fa fitsaràna ho an’ny dingana izay avo avo kokoa, ambonimbony kokoa ; raha mijery isika amin’ny andininy faha 22 ihany dia hita ao ny hoe : « na zovy na zovy no miteny hoe foka ialahy dia mendrika ho ao amin’ny helo mirehitr’afo ». Ny hoe « foka » dia azo adika hoe tsisy dikany na hoe tsy misy heviny, na koa hoe tsinontsinona, izany hoe mamono ny maha izy ilay olona manontolo, manala ny zo aman-kasin’izany olona izany, ary ny olona izay lazaina ho « foka » izany moa dia heverina ho toy ny maty mihitsy satria very ny maha-olona azy, ary eto dia dingana fara-tampony mihitsy ny fanamelohana azy dia any amin’ny farihy mirehitr’afo izany.

Midika izany fa fahaverezana mandrakizay no miandry izay manao tsinontsinona ny olona na ny rahalahiny izany. Araka izany ny fahatezerana na ny alahelo amin’ny namana na amin’ny endrika anatiny na amin’ny endrika ivelany dia mahameloka eo anatrehan’ny fitsaràna, mahameloka eo anatrehan’ Andriamanitra.

Mamelà azy, fa Izaho no làlana izay ahamarina ny fifandraisanao aminy :

Ry havana, na inona na inona mahatezitra antsika amin’ny namantsika ka tazomintsika ao anaty izany dia tsarovy fa mahameloka eo anatrehan’Andriamanitra. Koa aoka hadio fo mandrakariva amin’ny namantsika isika, marina fa mety hisy hampahatezitra antsika noho ny ataon’ny hafa, mety hisy hampalahelo noho ny afitsokin’ny sasany, mety hisy koa hampamoy fo noho ny ataon’ny namana, ny tenin’ny Tompo dia izao hoe : « mamelà azy, fa Izaho no làlana izay ahamarina ny fifandraisanao aminy ». Araka izany dia tsy maintsy ataon’ny kristianina ny manafoana ny alahelony amin’ny hafa, ny manafoana ny fahatezerany amin’ny namany mba hahadio fo amin’izany namana izany, ary tokony ho fiainan’ny kristianina izany, mamela ny alahelony amin’ny hafa, mamela ny hadisoan’ny hafa.

2) Ny mihavana amin’ny rahalahy

Araka ny andininy faha 23 sy 24 : « ary amin’izany raha mitondra fanatitrao eo amin’ny alitara ianao ary eo no mahatsiaro fa ny rahalahinao manana alahelo aminao dia avelao eo anoloan’ny alitara ny fanatitra ka mandehana aloha, ataovy izay hihavananao amin’ny rahalahinao ary rehefa miverina izy vao atero ny fanatitrao ».

Tsy misy dikany izay fanatitra atao raha…

Hita eto ny hoe « fanatitra », izay fanoloran-tena ho an’Andriamanitra, ary fanamafisana ny fihavananao amin’Andriamanitra. Ary raha amin’ny fotoana izay hanantanterahana izany fanatitra izany no mahatsiaro fa manana halahelo amin’ny namanao ianao dia ny zavatra izay atao amin’izany dia ny mihavana, mandeha mifona amin’izany rahalahinao izany mba hamitrànana indray ilay fihavanana amin’izany fihavanana izany.

Ary tsarovy fa tsy misy dikany izay fanatitra atao raha ohatra ka isika aza hanànan’ny olona halahelo, hanànan’ny olona fahatezerana, ary izany no hita eto dia ataovy izay hihavànana amin’izany rahalahinao izany vao mandeha manatitra ny fanatitrao ianao.

Mihavàna faingana amin’ilay manana ady aminao

Ny tanjona tiana ho tratrarina amin’izany ry havana dia ny tsy hanànan’ny hafa halahelo amintsika, ary izany no tsy maintsy hihavanana faingana amin’izany namana izany mba hahatonga azy hadio fo, ary eto dia tsy halahelo amin’ny hafa ihany no lazaina, fa na ny fifandirana amin’ny hafa koa dia tsy maintsy hihavanana amin’ny namana, ary izany no hita ao amin’ny andininy faha 25 manao hoe : « mihavàna faingana amin’ilay manana ady aminao ».

Eo amin’ny fiainana ry havana dia misy zavatra samihafa izay atao hoe mampiady hevitra mandrakariva ary mety hitarika hatrany amin’ny fifampiandaniana izany, mety hampiady antsika amin’izany namana izany, ka raha isika no tojo toe-javatra tahaka izany dia inona no tokony ataontsika ? Dia tsy inona fa ny mihavana faingana.

Eto dia ny rahalahy no manana ady amintsika , ary ny làlana voalohany hivoahantsika amin’izany dia ny fihavànantsika aminy ihany, mba hadio fo amintsika, mba hirindra tsara ny fifandraisantsika amin’izany rahalahintsika izany.

Ry hava-malala ao amin’ny Tompo, manana adidy isika hihavana amin’izay manana halahelo amintsika, izay manana ady amintsika, ary ny fihavànanao amin’ny namanao dia izao : mampitohy indray ilay fifandraisana izay tapaka noho ny toe-javatra samihafa. Koa na inona na inona halahelon’ny hafa noho ny nataontsika dia adidintsika ny mihavana aminy, mifona aminy, mba hampiala izany halahelo izany, mba hampisinda izany fahatezerana izany.

Raha azo atao dia ataovy izay hihavananao amin’ny olona rehetra

Ho famarànana izao toriteny izao dia hoe ny tena kristianina marina ry havana , dia marina amin’ny fifandraisany amin’ny hafa, koa adidinao kristianina ny manafoana ny halahelonao amin’ny hafa, manafoana koa ny halahelon’ny hafa aminao, ary ianao izay kristianina no loha-laharana amin’izany, loha-laharana amin’ny fitandrovana sy fikasàna amin’izany mba hirindra tsara ilay fihavananao amin’ny rahalahinao. Koa adidinao àry no manao izay hahatsara ny fifandraisanao amin’ny namanao ary asehoy amin’ny fiainanao izany eo imason’ny olona fa tsy manana halahelo ianao ary izy tsy manana halahelo anao, ary hoy ny Tompo aminao : « raha azo atao dia ataovy izay hihavananao amin’ny olona rehetra ».

Ho Azy ny voninahitra. Amen.

Rakotonoeliarimanan, mpitandrina


Lire aussi

17/06/2021 A la une . Antso sy filazana

Fetim-bokatra 2021 : hafatry ny mpitandrina

Araho ny fanentanana entin’ny mpitandrina Randrianarisoa Alain ho an’ny alahady 04 Jolay 2021 eto amin’ny FJKM Ambavahadimitafo, hanatenterahina ny fetim-bokatra, fotoan-dehibe hitondrana am-bavaka ny asan’Andriamanitra eto anivon’ny fiangonana ary hitondrantsika izay notahian’Andriamanitra antsika, ho enti-manana ho an’ny fiangonana.

13/06/2021 A la une . Fanompoam-pivavahana . Toriteny

Ento ity zaza ity, ka tezao ho ahy, fa izaho handoa ny karamanao

Alahady 13 Jona 2021, hitondrana am-bavaka ny Sekoly FJKM. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Eksodosy 2:1-10 : « Ary nisy lehilahy anankiray avy amin’ny mpianakavin’i Levy lasa naka vady tamin’ny zanakavavin’i Levy. Dia nanan’anaka ravehivavy ka niteraka zazalahy; ary rehefa hitany fa zaza tsara izy, dia nafeniny telo volana. Ary

08/06/2021 A la une . Antso sy filazana

Fandaminana Jona 2021

Finaritra, Indro ampitaina amintsika ny fandaminana : 1 – Alahady 13 jona : – fidirana in-2 : @8 ora sy 10 ora – tsy misy fisoratana anarana 2- Mbola miato mandritry ny volana jona : * Mpihevi-draharaha – Fivorian’ny Mpandray – Fandraisana ny Fanasan’ny Tompo * Fianarana Katekomena fa manohy mamita ny enti-mody efa nomena

06/06/2021 A la une . Fanompoam-pivavahana . Toriteny

Manàna finoana an’Andriamanitra

Alahady 06 jona 2021, andinihina ny lohahevitra vaovao eo amin’ny sahan’ny FJKM : « Anorenana ny maha-kristiana ny finoana ». Ny mpitandrina RANDRIANARISOA Alain no nitondra ny hafatr’Andriamanitra avy ao amin’ny Marka 11 : 20-24 « Ary nony maraina, raha nandalo izy, dia hitany fa efa nalazo hatramin’ny fakany ilay aviavy. Ary Petera nahatsiahy ka nanao taminy hoe:

01/06/2021 A la une . Antso sy filazana

Miverina misokatra ny fiangonana ny Alahady 06 Jona 2021

Misaotra ny Tompo isika fa miverina misokatra ny Fiangonana. Toy izao ny tsara ho fantatra : 1 – Misokatra isika amin’ny alahady 06 jona 2021 ho avy izao. 2 – Hisy fidirana indroa : – 08:00 – 09:30 3 – Tsy misy fisoratana anarana. 4 – Tsy mbola misy fianarana katekomena sns… 5 – Tsy

30/05/2021 A la une . Fanompoam-pivavahana . Toriteny

Fa mifalia satria voasoratra any an-danitra ny anaranareo

Arahaba ry ilay nohasoavina, ny Tompo momba anao. Alahady 30 mey 2021, alahadin’ny Trinité, fetin’ny Reny, iarahabana manokana ny reny ho feno fiadanan’ny Tompo, fahasambarana. Manasa anao hiombona amin’ny fotoam-pivavahana tarihin’ny FJKM Ambavahadimitafo izay tanterahina isaky ny tokan-trano. « Fa na aiza na aiza no iangonan’ny roa na telo amin’ny Anarako, dia eo afovoany Aho », Matio

22/05/2021 A la une . Fanompoam-pivavahana . Toriteny

Fanompoam-pivavahana Alahady Pentekosta 2021

« Fa na aiza na aiza no iangonan’ny roa na telo amin’ny Anarako, dia eo afovoany Aho », Matio 18:20 Manasa antsika hiombona amin’izao fanompoam-pivavahana tanterahina isan-tokantrano izao ny Alahady Pentekosta 23 mey 2021 manomboka amin’ny 9 ora maraina. Lohahevitra FJKM Mey 2021 : « Mampiorina ny mino ny herin’ny Fanahy Masina » Fiderana an’Andriamanitra Salamo 104:30-33 Hira FF4

16/05/2021 Fanompoam-pivavahana . Toriteny

Ary ny Fanahinao tsara dia nomenao Azy

« Fa na aiza na aiza no iangonan’ny roa na telo amin’ny Anarako, dia eo afovoany Aho », Matio 18:20 Aoka hanomana ny fo amam-panahy isika hiombona amin’izao fanompoam-pivahahana Alahady 16 mey 2021 izao mbola handihana ny lohahevitra hoe « Mampiorina ny mino ny herin’ny Fanahy « . Ny hafatr’Andriamanitra entin’ny mpitandrina Randrianarisoa Alain dia avy ao amin’ny Nehemia

13/05/2021 Fanompoam-pivavahana . Toriteny

Fanompoam-pivavahana Andro fiakarana 2021

« Fa na aiza na aiza no iangonan’ny roa na telo amin’ny Anarako, dia eo afovoany Aho », Matio 18:20 Andeha isika hiombona amin’izao fandaharana fanompoam-pivavahana Alakamisy 13 mai 2021 izao (Ascension). Mandinika hatrany ny lohahevitra hoe « Mampiorina ny mino ny herin’ny Fanahy Masina » isika amin’ity volana mey ity Fankalazana an’Andriamanitra Apokalypsy 12:10-11Hira 171Vavaka Sitrapon’Andriamanitra Kolosiana 3:1-10Hira

09/05/2021 Fanompoam-pivavahana . Toriteny

Alahady 09 mey 2021 : fanompoam-pivavahana iombonana

Am-pifaliana ry havana no hizarana aminao ny fandaharana amin’ity Alahady 09 mey 2021 ity izay hiombonantsika amin’ny 9 ora maraina. Misy ny toriteny video entin’ny mpitandrina RANDRIANARISOA Alain etsy ambany handraisantsika ny hafatr’Andriamanitra. Manasa anao ary hanomana fo amam-panahy ho amin’izany. « Fa na aiza na aiza no iangonan’ny roa na telo amin’ny Anarako, dia eo