FJKM Ambavahadimitafo

Fiangonan'i Jesoa Kristy eto Madagasikara

Toriteny Alahady 09 Aout 2009 : Tsy misy manana fitiavana lehibe noho izao dia izay manolotra ny ainy hamonjy ny sakaizany

Toriteny Alahady 09 Aout 2009 : Tsy misy manana fitiavana lehibe noho izao dia izay manolotra ny ainy hamonjy ny sakaizany

Publié le 13 août 2009 à 12:08

Ho aminareo anie ry havana ny fahasoavana sy ny fiadanana avy amin’Andriamanitra Rainitska sy ii Jesoa Kristy Tompo.

Ny tenin ‘Andriamanitra ho raisintsika androany dia izay voasoratra ao amin’i Jaona 15 : 13 manao hoe :

« Tsy misy manana fitiavana lehibe noho izao dia izay manolotra ny ainy hamonjy ny sakaizany »

Tenin’ny Tompo tsy vaovao amintsika izany fa efa fandre matetika nefa dia mbola naverina indray amin’izao ora izao mba hanamafisantsika izany atao hoe « Fitiavana ny sakaiza » izany, ary koa mba itadiavantsika vahaolana sy lalan-kizorana ahafahantsika mahatanteraka izany.

Ato amin’ny perikopa izay novakiana androany dia misy sary anankiroa na tantara anankiroa aseho amintsika manamafy izany fitiava namana izany :

Ny tantaran’i Estera

I Estera dia ilay tovovavy jiosy zanakavavin’ny rahalahan-drain’i Mordekay kamboty ray sy reny. I Mordekay no nanangana azy ho zanaka. Manana bika aman’endrika tsara tokoa i Estera ary dia lasa vadin’ny mpanjaka Asierosy izy noho ny fitantanan’i Mordekay ny fiainany.

Ny Mpiraiministry asierosy tamin’izany dia Amana, ary tsy nankasitraka velively ny fihetsik’i Mordekay satria nanelingelina azy teo amin’ny tetika ratsy efa nokendreny no sady tsy nandohalika teo anatrehany tahaka ny mpiasa rehetra manontolo.

Fantatr’i Mordekay izany teti-dratsy izany koa dia niangavy an’i Estera izy hanelanelana any amin’ny mpanjaka. Na dia nandà aza i Estera tamin’ny voalohany dia nanaiky ihany taty aoriana.

Ny tantaran’i Jesoa Kristy

I Jesoa Kristy tsy nanota akory nefa notevatevaina, nijaly, nitondra fahoriana, nomboina teo amin’ny hazo fijaliana ary maty. Nohon’ny inona ? Noho ny fahotantsika olombelona mba hamonjena ny olona rehetra izay mino Azy : Jesoa Kristy maty namonjy ny sakaizany.

I Petera 2 : 21 : «Fa Kristy aza efa nijaly hamonjy anareo ka namela fianarana ho anareo mba hanarahanareo ny diany »

Ry hava-malala, raha azontsika tsara izany ny tenin’ny Tompo dia adidy goavana no napetraky ny Tompo ho an’ny kristiana, na izay rehetra mitondra ny anarana hoe kristiana. Adidy goavana satria mitady izay hahasoa ny hafa, mikendry ny tsara ho an’ny hafa, manampy ny hafa ho amin’ny lalam-piainana tsaratsara kokoa satria izany no fanehoam-pitiavana mendrika ary ankasitrahan’Andriamanitra : « Tiava ny namanao tahaka ny tenanao »

Mifanohitra tanteraka amin’ny sitrapon’Andriamanitra ny làlam-piainana izorantsika

Raha ny zavatra hita aloha, aoka dia tsorona fa sarotra ho antsika olombelona izany ; sarotra ho antsika olombelona ny hisahirana ho an’ny hafa, handany andro na handany fotoana na vola ho an’ny olon-kafa. Vitsy dia vitsy ny olona handany ron-doha mba hampisondrotra na hampisongadina ny hafa, mainka moa fa izany hoe manolotra ny ainy hamonjy ny sakaizany izany.

Ny zava-misy dia izao : ny ho ahy aloha, ny ho an’ny tenako, ny mahasoa ahy, ny tsara ho ahy. Raha misy misakantsakana ny soa ho an’ny tenako dia hadaboko. Ary tsy vitan’ny hoe ho ahy ihany, fa mbola karohina koa ny tombontsoan’ny hafa ho any amin’ny tena indray. Koa aza gaga isika raha misy ny ady, ny korontana, ny lolom-po, ny valifaty hita etsy sy eroa. Tsy vitan’ny kintrano an-trano ihany izany fa tonga hatreny amin’ny tribonaly. Izay azo alaina aloha dia alaina.

Ry havana mifanohitra tanteraka amin’ny sitrapon’Andriamanitra ny làlam-piainana izorantsika amin’izao fotoana izao. Ka inona no atao mba ahafahantsika manakaiky kokoa izany atao hoe « Sitrapon’Andriamanitra’ izany. Hoy ny hirantsika manao hoe : « Ry zaza mpiodina mba miverena ».

Mifona ho an’ny tena ary mifona ho an’ny hafa

Koa ny tenin’Andriamanitra toriana sy vakiana ary renesina ka atao amintsika isan’andro dia antso, ka ny teny toriana omban’ny Fanahy Masin’Andriamanitra dia misy akony any am-pon’izay mandre. Tsy azo avela ho fihetseham-po fotsiny anefa izany fa tsara raha avadika ho fibebahana tanteraka. Ny zavatra tokony atao izany dia ny mibebaka amin’Andriamanitra. Aoka ho tsarovana fa raha nanomboka ny asany tety an-tany i Jesoa dia ny fibebahana no notoriany. Ny fibebahana izay làlana tsy maintsy lalovan’ny olona hino an’i Jesoa mba handraisany famelan-keloka ka hananany fiainana mandrakizay. Koa rehefa nibebaka tokoa isika dia afaka mandray an’i Kristy, mankato ny teniny.

Hoy Jaona 15 : 10 : « Raha mitandrina ny didiko ianareo dia hitoetra amin’ny fitiavako, tahaka ny itandremako ny didin’ny Raiko sy itoerako amin’ny fitiavany »

Izay manana ny Zanaka no manana ny fiainana mandrakizay ; koa rehefa ao anaty i Jesoa Kristy dia afaka mangataka aminy isika ny hanalany ny fo vato. Hoy ny Tompo hoe izay mangataka amiko dia omeko ; omeny fo vaovao isika, fo vaovao tia namana.

Ankehitriny, raha misamboaravoara ny fiainam-pirenena, aza diso hevitra isika hoe ny olona hafa ihany no nahatonga izao, na ry zalahy ihany no nanao an’itsy na iroa, na ny mpitondra fanjakana ihany na ny mpanao politika ihany no be tetika tetsy sy teroa.

Tsia. Jereo ny tenanao ; eritrereto ny teny navoakan’ny vavanao. Inona no tsara nataonao mihoatra noho ny sasany ? Noho izany, aleo manetri-tena , mifona amin’Andriamanitra, mifona ho an’ny tena ary mifona ho an’ny hafa.

Rehefa samy mahatsiaro ny tsy mety nataony ny tsirairay avy ka mahatsiaro manao ny marina amin’ny namany avy ny kristiana rehetra ; rehefa miezaka tsy handoto ny hafa ny mpino ka mitarika ny namana ho amin’ny lala-marina dia ho hitantsika ny voninahitr’Andriamanitra satria Andriamanitra tsy mba tsy marina ka hanadino ny ezaka ataon’ny olona.

Fanasina isika kristiana

Eto am-pamaranana ry havana dia tsara ny mampahatsiahy fa isika kristiana dia raisin’ny Tompo, ary efa noraisin’ny Tompo ho sira, fanasina miaro izao tontolo izao tsy ho lo.

Voninahitra izany ary sambatra loatra isika nofidin’ny Tompo ho fitaovana sarobidy tahaka izany. Koa alao hery ary ka mahereza. Mijoroa ho mendrika izany anaram-boninahitra izany ; mazotoa amin’ny asa tsara rehetra. Ho amintsika rehetra anie ny fahasoavan’Andriamanitra.

Hiara-hivavaka isika :

Misaotra Tompo ô fa nomenao fotoana indray izahay nihenoana ny teninao. Ombay ny herinao izahay ry Tompo mba ahafahanay manatanteraka na dia ny ampahany ihany aza amin’izay teny noheverinay fa tsara ka tokony ampiarinay eo amin’ny fiainanay. Misaotra Tompo ô. Amen.

Randrianoelina Fara, Katekista


Lire aussi

03/12/2023 A la une . Fanompoam-pivavahana . Toriteny

Advento 2023 : Ny olona voalahatra ho amin’ny fiainana mandrakizay

Alahady 03 desambra 2023, taom-baovaon’ny fiangonana, Advento, nitondrana am-bavaka ny Sampana Dorkasy, ka andinihina lohahevitra vaovao @ity volana desambra ity eto anivon’ny FJKM manao hoe « Ankalazao ny Mpamonjy« . Ny tenin’Andriamanitra notoriana tamin’ity alahadin’ny Advento ity dia araka ny Asan’ny Apostoly 13 : 43-48 « 43Ary rehefa nirava ny fiangonana, dia maro tamin’ny Jiosy sy ny proselyta

26/11/2023 A la une . Fanompoam-pivavahana . Toriteny

Tsenao @ fihaviany ny Tompo Izay mitondra fanafahana

Alahady 26 novambra 2023, andinihina farany ny lohahevitra hoe « Tsenao @ fihaviany ny Tompo », ary koa hitondrana am-bavaka eo anivon’ny FJKM ny Komitim-pirenena Miady @ SIDA sy ny Valan’aretina (KPMSV). Ny Katekista Délégué Randrianiana Roland avy amin’ny FJKM Antenimbe (fiangonana miara-mandroso) no nitondra ny hafatr’Andriamanitra, araka ny Isaia 40 : 9-11 : « Ny vaovao mahafaly

19/11/2023 A la une . Fanompoam-pivavahana . SAMPATI . Toriteny

Alahadin’ny SAMPATI : Mitandrena, miambena ka mivavaha

Alahady 19 novambra 2023, alahadin’ny SAMPATI mbola andinihina ny lohahevitra hoe « Tsenao @ fihaviany ny Tompo«  Ny hafatr’Andriamanitra araka ny Marka13 : 24- 37 no notoriana :  » 24Fa amin’izay andro izay, aorianan’izany fahoriana izany,dia ho tonga maizina ny masoandroary tsy hanome ny fahazavany ny volana,25hiraraka avy eny amin’ny lanitra ny kintanaary hohozongozonina ireo hery

12/11/2023 A la une . Fanompoam-pivavahana . Toriteny

Alahadin’ny AMA 2023

Alahady 12 novambra 2023, nitondrana am-bavaka ny Fitantanana ny fanànana eo anivon’ny Foibe FJKM, sady nitondrana am-bavaka ny Antoko Mpihira Ambavahadimitafo (AMA), sy nitondrana am-bavaka ny firenena. Ny lohahevitra amin’ity volana novambra ity dia ny hoe « Tsenao @ fihaviany ny Tompo » . Ny mpitandrina miza-draharaha Andrimaifidy Miora no nitondra ny hafatr’Andriamanitra araka ny Romana 2

05/11/2023 A la une . Fanompoam-pivavahana . Toriteny

Ary hahita ny Zanak’olona avy amin-kery sy voninahitra lehibe eo amin’ny rahon’ny lanitra izy

Alahady 05 novambra 2023, andinihina lohahevitra vaovao @ity volana novmabra ity manao hoe « Tsenao @ fihaviany ny Tompo », alahady fanateram-bokatry ny Vondrona Fototra Laika (VFLA), ka nitondran’ny mpitandrina miza-draharaha Andriamifidy Miora ny hafatr’Andriamanitra araka ny Matio 24 : 29-31 « 29Ary raha vao afaka ny fahoriana amin’ireo andro ireo, ny masoandro dia hohamaizinina, ary ny volana

29/10/2023 A la une . Fanompoam-pivavahana . Toriteny

Toriteny an-kira MIASAFIA : hira fifohazana redonina @ orgue

Alahady 29 oktobra 2023, nandinihina farany ny lohahevitra hoe « Aoreno ao @Tompo ny fianakaviana », nanatanterahin’ny antoko mpihira MIASAFIA toriteny an-kira t@ alàlan’ny hira fifohazana redonina @ orgue. Manàsa anao hiombona @izany fanompoam-pivavahana izany :

22/10/2023 A la une . Fanompoam-pivavahana . Fifohazana . Toriteny

Ny tokantrano anjakan’i Kristy

Alahady 22 Oktobra 2023, mbola andinihina ny lohahevitra hoe « Aoreno ao amin’ny Tompo ny fianakaviana », itondrana am-bavaka ny sampana Fifohaza manerana an’i Madagasikara. Ny mpitandrina Ralambomahay Hendrininosy no nitondra ny hafatr’Andriamanitra Kolosiana 3 : 18-21 « 18Ianareo vehivavy, maneke ny vadinareo, araka izay mety hatao ao amin’ny Tompo. 19Ianareo lehilahy, tiava ny vadinareo ary aza sosotra aminy. 20Ianareo

15/10/2023 A la une . Fanompoam-pivavahana . Toriteny

Manorina taranaka ao @ Tompo

Alahad 15 Oktobra 2023, mbola andinihinia ny lohahevitra hoe « Aoreno ao @ Tompo ny fianakaviana », ka nitondran’ny mpitandrina miza-draharaha Miora Andriamifidy Mendrikaja ny hafatr’Andriamanitra araka ny Lioka 2 : 39-52 : «  39ARY rehefa vitany ny zavatra rehetra araka ny lalàn’ny Tompo, dia niverina tany Galilia izy, dia tao Nazareta tanànany.40Ary ny Zaza dia nitombo

08/10/2023 A la une . Fanompoam-pivavahana . Toriteny

Ary ny Zaza dia nihalehibe ka nitombo hery sady feno fahendrena

Alahady 08 oktobra, nitondrana am-bavaka ny Masera MAMRE, mbol aibanjinana ny lohahevitra hoe « Aoreno ao @Tompo ny fianakaviana ». Ny mpitandrina Randrianarisoa Alain no nitondra ny hafatr’Andriamanitra araka ny Lioka 2 : 39-52 Ny niverenan’i Jesosy tany Nazareta sy ny fahatanorany « 39Rehefa vitany ny zavatra rehetra araka ny lalànan’ny Tompo dia niverina tany Galilia izy ireo,

01/10/2023 A la une . Fanompoam-pivavahana . Toriteny

Aoreno ao amin’ny Tompo ny tokantrano

Alahady 01 oktobra 2023, hibanjinana lohahevitra vaovao @ ity volana ity « Aoreno ao amin’ny Tompo ny fianakaviana« , nanatanterahin’ny SAMPATI ny fanateram-bokatra ihany koa. Ny mpitandrina Randrianarisoa Alain no nitondra ny hafatr’Andriamanitra araka ny Genesisy 2 : 18-25 « 18Ary Jehovah Andriamanitra nanao hoe: Tsy tsara raha irery ralehilahy; dia hanaovako vady sahaza ho azy izy. 19Ary tany