FJKM Ambavahadimitafo

Fiangonan'i Jesoa Kristy eto Madagasikara

Tao an-katerena no niantsoako an'i Jehovah, Dia namaly ahy Jehovah ka nampahalalaka ahy

Tao an-katerena no niantsoako an'i Jehovah, Dia namaly ahy Jehovah ka nampahalalaka ahy

Publié le 06 mai 2009 à 12:05

« Ho ampitomboina amintsika anie ny fahasoavan’i Jesoa Kristy Mpamonjy, amena ».

Ny Salamo 118,5-18 no andeha hakàna ny toriteny :

Tao an-katerena no niantsoako an’i Jehovah; Dia namaly ahy Jehovah ka nampahalalaka ahy.
Jehovah no miandany amiko, ka tsy hatahotra aho. Inona no azon’ny olona atao amiko?
Jehovah no miandany amiko, sady mamonjy ahy; Ary izaho ho faly hahita ny amin’izay mankahala ahy.
Tsara ny mialoka amin’i Jehovah Noho ny mialoka amin’ny olona.
Tsara ny matoky an’i Jehovah Noho ny matoky ny mpanapaka.
Ny firenena rehetra nanodidina ahy; Fa ny anaran’i Jehovah no handringanako azy tokoa;
Nitangorona tamiko ireny, eny, nitangorona tamiko; Fa ny anaran’i Jehovah no handringanako azy tokoa.
Nanodidina ahy tahaka ny renitantely izy; Voavono tahaka ny afon-tsilo izy; Fa ny anaran’i Jehovah no handringanako azy tokoa.
Nanosika ahy mafy hahalavo ahy ianao; Fa Jehovah no namonjy ahy.
Jehovah no heriko sy fiderako. Fa efa famonjena ahy Izy.
Ao an-dain’ny marina ny feo mihoby noho ny famonjena; Ny tanana ankavanan’i Jehovah mampiseho hery;
Ny tanana ankavanan’i Jehovah dia misandratra; Ny tanana ankavanan’i Jehovah mampiseho hery.
Tsy ho faty aho, fa ho velona Ka hitory ny asan’i Jehovah.
Nofaizan’i Jehovah mafy aho, Nefa tsy natolony ho amin’ny fahafatesana.

Tokony ho deraina Jehovah (Salamo 118 : 4)

Tokony ho deraina Jehovah, ary zay mahatsiaro ny famindrapony no tokony hanao izany; fa ny andininy faha 5 sy ny manaraka kosa dia maneho fa mamaly vavaka izay mitaraina aminy Jehovah.

Ary raha ny perikopa zay voalahatra ho antsika amin’ity anio ity dia mampisongadina fa azo itokiana izany Jehovah izany, satria raha zao tenin’Andriamanitra manoloana antsika zao, dia mamaly izay mitaraina aminy Izy.

Mamaly Jehovah manoloana ny fitarainana (Salamo 118 : 5)

Ahitàna fa mpanompon’Andriamanitra ao anaty fahaterena, sarotra, zava-manahiranana no miantso an’i Jehovah izay Tompony, valiny, setriny : namaly Jehovah manoloana ny fitarainana izay nataon’ny mpanompony izany; vokany : lasa manana fahafahana, fahalalàna ilay olona izay tao anaty fahaterena;

Miandàny amintsika Andriamanitra (Salamo 118 : 6-7)

Tsàpan’ny mpanompon’izao Jehovah izao fa miandàny aminy Andriamanitra, eo anilany mandrakariva Jehovah, fa miara-dalàna aminy mandrakariva, manome toky, afa-tahotra tanteraka, tsy manana ahiahy, manana fandriampahalemana tanteraka eo amin’ny fiainany satria fantany fa eo aminy Andriamanitra.

Antsoy Aho amin’ny androm-pahoriana dia ho valiako ianao ka anehoako zava-mahagaga zay saro-pantàrina

    Ry Havana malala ao amin’ny Tompo, hita arak’izao tenin’Andriamanitra izao fa azo antsoina amin’ny fotoana rehetra Andriamanitra, azo itarainana amin’izay miteraka fahatsapàna lalina; miaraka amin’izay mitaraina aminy Andriamanitra. Firifiry moa ry Havana, ny andinin-tsoratra masina milaza izany, toy ny hoe « Antsoy Aho amin’ny androm-pahoriana dia ho valiako ianao ka anehoako zava-mahagaga zay saro-pantàrina« .

  Ry Havana, efa mba niantso an’Andriamanitra ve isika? Efa mba nametraka ny fiainan-tsika teo Aminy ve isika. Zao mantsy no mampiavaka ny Andriamanitra izay ivavahan-tsika : ny Andriamanitra zay ivavàhan-tsika dia manome tondro-zotra, toro-làlana ho antsika, ary Izy tenan’Andriamanitra no manao izany. Fa ny Andriamani-kafa, zay heverin’ny sasany fa mahavonjy azy : olona manompo no manana toro-làlana. Dia mipetraka ny fanontaniana manao hoe : afaka mamaly ny antsoantso ve izay olona manompo azy no manome toro-làlana azy? Tsia.

Mankanesa aty ianareo rehetra zay miasa fatratra sy mavesatra entana, fa Izaho no hanome anareo fitsahàrana

    Fa izao, ny Andriamanitra izay hivavàhan-tsika dia mamaly antsika amin’ny fotoana rehetra, ary porofon’izany eto ny hoe antoka hamaly antsika Andriamanitra irery ihany Izy.

Koa eo amin’ny fiainan-tsika, amin’ny maha mpanompon’Andriamanitra, dia Andriamanitra irery ihany no azo antsoina, fa hamaly antsika amin’izany rehetra izany Izy; ary tsarovy fa Jesoa Kristy aza dia milaza hoe : « mankanesa aty ianareo rehetra zay miasa fatratra sy mavesatra entana, fa Izaho no hanome anareo fitsahàrana« . Fa Jehovah dia tsy vitan’ny hoe azo antsoina ihany, fa indrindra mampandresy ny mpanompony ihany koa.

Fa ny anaran’i Jehovah no handrianako azy tokoa (Salamo 118 : 10 – 14)

 

Miverimberina eo ilay hoe « fa ny anaran’i Jehovah no handrianako azy tokoa ». Izay mampiseho ny maha Izy azy an’Andriamanitra, ary izany anarana izany no fitaovana zay enti mandresy izany.
Eo amin’ny andininy faha-10 dia misy firenena izay manodidina ao amin’izao mpanompon’i Jehovah izao, kanefa noho ny anaran’i Jehovah dia ringana izany.

Ny andininy 11-12 dia nanodidina azy tahaka ny reny tantely, kanefa noho ny anaran’i Jehovah no afàhany nandresy izany fahavalo izany.

Ary ny andininy faha-13 dia misy fahavalo izay mitady handringana, hamely izao mpanompon’i Jehovah izao, kanefa Jehovah no namonjy azy amin’izany fahavalo izay mitady hamely na hamotraka azy izany.

Ary ny andininy 14b aza dia maneho famonjena ho azy, ary raha mijery ny ao amin’ny DIEM isika, dia Jehovah mihintsy no mampandresy izao mpanompony izao, ary tsapany fa ny tànan’i Jehovah  no miaraka aminy, mitondra fandresena ho azy, ary izany no manandratra azy ho amin’ny fandresena.

    Ry hava-malala ao amin’ny Tompo, tsapan’izao mpanompony izao fa Jehovah no miasa ao aminy, ny anaran’i Jehovah no fandresena, ary ny tànany no mivimbina azy mba ahafàhany handresy ny fahavalo. Maro tokoa ny fahavalo izay mitady hamotraka, handrava antsika amin’ny fifandraisana amin’Andriamanitra. Mety fahavalo ara-nofo izany, ara-panahy. Zao anefa no tadidio, lavo isika raha toa ka ny herin’ny tenan-tsika no ianteheran-tsika.

      Koa antsika amin’ity anio ity, n’inoninona fahavalo, n’inon’inona endrika isehoan’izany, izay mitady hamingana antsika amin’izany fifandraisan-tsika amin’Andriamanitra izany, dia tsarovy fa tsy misy afa-tsy i Jehovah irery ihany no afaka miaro antsika.

Mety misy fakam-panahy zay tsy hain-tsika resena, mahazatra antsika, toa manontany tena aza isika hoe aiza Andriamanitra no tsy manila izao tebiteby izao, no tsy manaisotra izao fahoriana izao. JEHOVAH irery no mampandresy antsika manoloana an’izany rehetra izany, n’inon’inona fahavalo mety handàvo antsika.

Manome fandresena ho antsika Izy

    Ho famarànana izao toriteny izao, ny fianan-tsika kristiana zay mpanara-dia an’Andriamanitra dia tsarovy fa tsy fifaliana foana akory, tsy fahombiazana foana no itantsika amin’ny fiainan-tsika, indraindray aza arakaraky ny hifikiràna amin’Andriamanitra no hisedràna zavatra mahamaivay eo amin’ny fiainan-tsika. Izao anefa, tsarovy fa rehefa miantehatra amin’Andriamanitra isika ka mametraka izany rehetra izany eo am-pelatànany dia manome fandresena ho antsika Izy. Rehefa miantehatra amin’Andriamanitra isika, mametraka zany fahoriana mianjady amintsika izay manahirana antsika izany dia miaro antsika Izy.

Koa hamafiso ary ny fifandraisana Aminy, ny fanoloran-tena ho an’Andriamanitra mba ho Izy no hitantana ny fiainan-tsika manontolo; enga anie hametraka izay manahirana antsika rehetra isika, hiantso an’i Jesoa Kristy hametraka zay zava-manahirana antsika rehetra eo amin’ny fiainana.

Ho an’Andriamanitra irery ny voninahitra, fa ho antsika kosa ny fampaherezany. Amena.

Rakotonoeliarimanana,
mpitandrina miza-draharaha
eto amin’ny FJKM Ambavahadimitafo


Lire aussi

25/09/2022 A la une . Fanompoam-pivavahana . Toriteny

Jesoa Kristy manome fahefaha izay olona irahiny

Alahady 25 septambra 2022, handinihina farany ny lohahevitra hoe « Mikeleza aina amin’ny asa fitoriana« , hitondrana am-bavaka ny FFP na Fikarohana sy Fandalinam-pinoana. Ny mpitandrina Ranaivoson Bodo Hanitriniaina no nitondra ny hafatr’Andriamanitra avy ao amin’ny Matio 10 : 1-10  » 1Ary Jesosy niantso ny mpianany roa ambin’ny folo lahy hankeo aminy ka nanome azy fahefana hamoaka

18/09/2022 A la une . Fanompoam-pivavahana . Toriteny

Tanteraho ny fanompoanao

Alahady 18 septambra 2022, mbola andinihantsika ny lohahevitra hoe « Mikeleza aina amin’ny asa fitoriana », alahady nanatanterahan’ny antoko mpihira Antsan’Ambavahadimitafo ny fanateram-bokatra. Ny mpitandrina Randrianasolo Elinah avy ao @ FJKM Ampasimpotsy Betela no nitondra ny tenin’Andriamanitra araka ny 2Timoty 4 : 1-8  » 1Eo anatrehan’Andriamanitra sy Kristy Jesosy, Izay hitsara ny velona sy ny maty, ary

11/09/2022 A la une . Fanompoam-pivavahana . Toriteny

Tsy maintsy mitory ny teny soa mahafaly ny amin’ny fanjakan’Andriamanitra any amin’ny tanàna hafa koa Aho

Alahady 11 septambra 2022, mbola andinihina ny lohahevitra amin’ity volana ity manao hoe « Mikeleza aina @ asa fitoriana », hitondrana ny Sampan’asa Fitoriana ny filazantsara. Ny mpitandrina Ramangarivo Zoly no nitondra ny hafatry ny Tompo avy ao amin’ny Lioka 4 : 43 :  » Nefa hoy Izy taminy: Tsy maintsy mitory ny teny soa mahafaly ny

04/09/2022 A la une . Fanompoam-pivavahana . Toriteny

Mikeleza aina @ asa fitoriana

Alahady 04 septambra 2022 andinihina lohahevitra vaovao amin’ity volana ity « Mikeleza aina @ asa fitoriana« . Ny mpitandrina Randrianarisoa Alain no nitondra ny hafatr’Andriamanitra avy ao amin’ny Lioka 10:1-7 « 1Ary nony afaka izany, ny Tompo nanendry olona hafa koa, dia fito-polo lahy, ka naniraka azy tsiroaroa hialoha Azy any amin’ny tanàna sy ny tany rehetra izay

28/08/2022 A la une . Fanompoam-pivavahana . Toriteny

Mitafia fanetre-tena, aza manahy ary tohero ny devoly

Alahady 28 aogositra 2022, andinihina farany amin’ity volana ity ny lohahevitra hoe « Tano mafy ny finoana »; ka nitondran’ny mpitandrina Randrianarisoa Alain ny hafatr’Andriamanitra avy ao amin’ny IPetera 5 : 5-9 « Ary ianareo izay mbola tanora fanahy kosa, dia maneke ny loholona. Eny, samia misikina fanetren-tena ianareo ka mifanompoa; fa « Andriamanitra manohitra ny miavonavona, fa manome

21/08/2022 A la une

Jesoa mampianatra ny olona handinin-tena

Alahady 21 jona 2022, mbola hibanjinana ny lohahevitra hoe « Tano mafy ny finoana« . Ny mpitandrina mpiomana taona faha-5 Randriambola Vonjy Arison no nitondra ny hafatr’Andriamanitra nalaina avy ao amin’ny Jaona 10:31-42 : « 31Dia naka vato indray ny Jiosy hitoraka Azy. 32Jesosy namaly azy hoe: Maro ny asa tsara nasehoko taminareo avy tamin’ny Ray; koa ny

14/08/2022 A la une . Fanompoam-pivavahana . Toriteny

Jehovah, Izy no Andriamanitra

Alahady 14 Aogositra 2022, alahadin’ny martiora, mbola andinihantsika FJKM ny lohahevitra hoe « Tano mafy ny finoana« . Ny mpitandrina miza-draharaha Rambinintsoa Onja no nitory ny tenin’Andriamanitra avy ao amin’ny 1Mpanjaka 18;21-39 : «  21Ary dia nankeo amin’ny olona rehetra Elia ka nanao hoe: Mandra-pahoviana no hiroa saina hianareo? Raha Jehovah no Andriamanitra, manaraha Azy; fa raha

07/08/2022 A la une . Fanompoam-pivavahana . Toriteny

Raha misy ta-hanaraka Ahy, dia aoka izy handà ny tenany sy hitondra ny hazo fiajaliany

Alahady 07 Aogositra 2022 hibanjnana lohahevitra vaovao indray : « Tano mafy ny finoana ». Ny mpitandrina Randrianarisoa Alain no nitondra ny hafatr’Andriamanitra avy ao amin’ny Marka 8; 34b « Raha misy ta-hanaraka Ahy, dia aoka izy handà ny tenany sy hitondra ny hazo fiajaliany ka hanaraka Ahy« . Manasa anao hiombona @ fotoam-pivavahana :

31/07/2022 A la une . Fanompoam-pivavahana . Toriteny

Iorenana @ finoana ny fanompoana

« Iorenana amin’ny finoana ny fanompoana »; izany no lohahevitra nobanjinina tamin’ny Alahady 31 Jolay 2022 teto @ FJKM Ambavahadimitafo itondrana ambavaka ny toeram-panomanana mpitandrina sy mpampianatra. Alahady niombonana ihany koa tamin’ny fiangonana miara-mandroso, dia ny FJKM Mandraka izay nitondran’ny mpitandrina Razafindramanga Eliarivelo ny hafatr’Andriamanitra. Andeha hiombona amin’izany fanompoam-pivavahana izany :

24/07/2022 A la une . Fanompoam-pivavahana . Toriteny

Maty ny finoana raha tsy misy asa

Alahady 24 Jolay 2022, mbola hibanjinina ny lohahevitra hoe « Iorenana @ finoana ny fanompoana« . Ny mpitandrina miza-draharaha Rambinintsoa Onja no nitondra ny hafatr’Andriamanitra Jakoba 2 : 21-26 « 21Tsy nohamarinina tamin’ny asa va Abrahama razantsika tamin’ny nanaterany an’Isaka zanany teo ambonin’ny alitara? 22Hitanao fa niara-niasa tamin’ny finoana ny asany, ary ny finoana dia notanterahina tamin’ny asa; 23ary tanteraka