FJKM Ambavahadimitafo

Fiangonan'i Jesoa Kristy eto Madagasikara

Tafika Masina tany Ankadivory Imerintsiatosika

Tafika Masina tany Ankadivory Imerintsiatosika

Publié le 07 novembre 2008 à 12:11

Maneno ny « sifflet », mampatsiahy fa amin’ny 6 ora sy 45 mn no misakafo, amin’ny 7 ora sy 15 mn ny fanompoam-pivavahana ary amin’ny 7 ora sy 30 mn no miainga hanafika.

Ho any Antanetilava dia mitohy ho any Morarano ary mifarana any Ankadivory no dianay, izay lavidavitra ihany avy eo amin’ny « Mpamafy » (« Mpamafy » no anaran’ny toerana itobianay). Ary tsy vitan’ny hoe lavitra Antanetilava fa miaka-piakarana mideza ihany no mankany.

Ny « paysage » tazanao rehefa ho any Antanetilava dia tendrombohitra manodidina. Mangina tokoa ny làlana mankany ary ny feonay miresaka ihany no manakotaba izany fahanginana mahafinaritra izany. Ary misy rivotra mitsoka malefaka dia malefaka izay tena mahafinaritra mihitsy ho anay izay tsemboka no vizana. Izahay izay miakatra ilay tendrombohitra mideza.

Rehefa tonga eny an-tampony ianao, dia indro tazanao, mbola ery lavitra ery, ny tanànan’Antanetilava. Ary raha mitodika mijery ny làlana efa vita, sady miala sasatra kely ihany, dia tazanao manangasanga ery lavitra ery ny tanànan’Antananarivo. Mankadiry tokoa ny taza-maso. Tsara dia tsara ny tazana ka lasa adinonao hatramin’ny havizananao, ary ny hany tonga ao an-tsainao manoloana ny hitanao dia ny hoe : Lehibe ny Andriamanitsika, Tsitoha Izy.

Rehefa tonga tao Ankadivoiy izahay dia mihevitra ny hoe efa akaiky ny « Mpamafy » na dia mbola misy làlana adiny iray latsaka aza. Tamin’ny 15 ora sy 30 mn eo ho eo izahay no tafaverina tao amin’ny « Mpamafy », izay vao hisakafo antoandro. Ary mandritra izany làlana izany dia fihomehezana, hafaliana foana ny anay. Hafaliana tokoa ny fandehanana mitory an’i Jesoa Kristy.

Vizana tokoa izahay rehefa tafaverina ao amin’ny « Mpamafy », fa izao : havizanana mahafinaritra, havizanana feno hafaliana. Havizanana tsy hay no mitantara azy, fa havizanana iainanana vao takatry ny saina. Hafaliana koa ny anay na eny an-dàlana, na ao an-trano. Hafaliana tsy hay no mitantara azy, fa hafaliana iainana koa vao takatry ny saina.

Ireto misy fihetsik’olona tao aminay, ahafahana manarangaranga fotsiny ny haben’izany hafalianay izany. Raha mifampitantara ny zavatra mampihomehy teny am-pitoriana izahay dia ao ny latsa-dranomaso noho ny fihomehezana, ao ny mifona mba tsy hampihomehezina intsony, ao ny mitaraina fa vizaky ny fihomehezana. Tsy ny hoe ny fihomehezana fotsiny ihany no afahana mandrefy ny fifalianay tany, fa ao ny fifandraisanay, ny fîarahana manao raharaha, fiainam-pifaliana izay tsy hay tantaraina, no niainanay tany.

Niainanay tany koa ny hoe : « Momba ny olona irahiny hitory Azy ny Tompo« . Raha fintinina dia toy izao ny fandehan’ny Tafika Masina tany :
– Nahomby satria tafaray amin’ny Tompo tokoa izahay ary nahafinaritra satria fiainam-pifaliana no niainanay tany.
– Farany : Ny Tafika Masina, dia tsy hay tantaraina fa andrana fotsiny izao ataoko izao ; fa mila iainana, ary mampitombo ny mpitory ny fanaovana izany.

Ho an’Andriamankra irery ny voninahitra.


Lire aussi

04/12/2022 A la une . Fanompoam-pivavahana . Jobily 25 taona Past. Alain Randrianarisoa . Toriteny

Alahady 04/12/2022 : Haleloia, hidera an’i Jehovah @ foko rehetra aho

Ny Alahady 04 desambra 2022 kosa no fotoana nankalazana an’Andriamanitra, niaraka tamin’ny fiangonana manontolo sy ny zanak’am-pielezana noho ny Jobily faha-25 taona nitandreman’ny mpitandrina Randrianarisoa Alain mivady. Manàsa anao hiombona amin’izany fotoana izany :

02/12/2022 A la une . Fanompoam-pivavahana . Jobily 25 taona Past. Alain Randrianarisoa . Toriteny

Zoma 02/12/2022 : Jobily Volafotsy – Pst. Randrianarisoa Alain mivady

« Haleloia, hidera ny Tompo amin’ny foko rehetra aho », Salamo 111 Izany salamo izany no nentina nankalazana an’Andriamanitra tamin’ny zoma 02 desambra 2022 noho ny Jobily faha 25 taona nitandreman’ny mpitandrina Randrianarisoa Alain mivady. Izany fotoana izany moadia niarahana nideràna an’Andriamanitra niaraka tamin’ny Synodam-paritany Antananarivo Atsinanana sy ny Birao foibe FJKM. Andeha hiombona amin’izany fotoana izany

27/11/2022 A la une . Fanompoam-pivavahana . Toriteny

Advento 2022 : Fa izay rehetra nandray Azy dia nomeny hery ho tonga zanak’Andriamanitra, dia izay mino ny anarany

Alahady 27 novambra 2022, alahady voalohany @ Advento, mbola handalinana hatrany ny lohahevitra hoe « Miomàna handray ny Mpamonjy« , ka nitondran’ny mpitandrina mpiza-draharaha Tianarisoa Miora ny hafatr’Andriamanitra avy ao amin’ny Jaona 1 : 9:13 «  9Tao ny tena Mazava Izay mahazava ny olona rehetra tonga amin’izao tontolo izao. 10Teo amin’izao tontolo izao Izy, ary Izy no nanaovana izao

20/11/2022 A la une . Antso sy filazana . Jobily 25 taona Past. Alain Randrianarisoa

Fanentanana 25 taona Pst. Randrianarisoa Alain

« Haleloia, hidera an’i Jehovah amin’ny foko rehetra aho », Salamo 111, 1a Afaka alahady 2 dia ho tonga ny andro firavoravoantsika hankalazana  ny Jobily volafotsy maha-mpitandrina an’Andriamatoa Randrianarisoa Alain mivady. Hatraiza ny fanomanana ? Zoma 02 desambra 2022 : fanompoam-pivavahana hanasàna ny Foibe FJKM, Synodam-paritany Antananarivo Atsinanana, Fiangonana, fianakavian’ny mpitandrina ary ny vahoakan’Andriamanitra, izay arahina sakafom-pifaliana

20/11/2022 A la une . Fanompoam-pivavahana . Toriteny

Jesoa Kristy ho avy amin’ny fahefany

Alahady 20 novambra 2022, nitondrana am-bavaka ny Sampana Mpanazava sy Tily manerana ny sahan’ny FJKM, mbola handinihana ny lohahevitra hoe « Miomàna handray ny Mpamonjy« . Ny mpitandrina Razakamanantsoa Narinjaka no nitondra ny hafatr’Andriamanitra araka ny I Tesaloniana 5 : 1-5 « Fa ny amin’ny andro sy ny fotoana, ry rahalahy, dia tsy misy tokony hosoratako aminareo, 2satria ianareo

13/11/2022 A la une . Fanompoam-pivavahana . Toriteny

Anio no tonga eto amin’ity trano ity ny famonjena, fa izy dia zanak’i Abrahama koa

Alahady 13 novambra 2022, hitondrana am-bavaka ny fitantanana ny fanànana eo anivon’ny FJKM ary koa hitondrana am-bavaka ny Antoko Mpihira Ambavahadimitafo. Mbola antin’ny lohahevitra isika manao hoe « Miomàna handray ny mpamonjy » ka ny mpitandrina RANDRIANARISOA Alain no nitondra ny hafatr’Andriamanitra avy ao amin’ny Lioka 19 1 – 10 :  » 1Ary Jesosy niditra ka nandeha

06/11/2022 A la une . Fanompoam-pivavahana . Toriteny

Koa amin’izany miambena ianareo; fa tsy fantatrareo izay andro hihavian’ny Tomponareo.

Alahady 06 novambra 2022, hiarahana misantatra ny teny faneva amin’ity volana ity manao hoe « Miomàna handray ny Mpamonjy« . Ny mpitandrina Randrianarisoa Alain no nitondra ny hafatr’Andriamanitra avy ao amin’ny Matio 24 : 42-51 :  » 42Koa amin’izany miambena ianareo; fa tsy fantatrareo izay andro hihavian’ny Tomponareo. 43Nefa aoka ho fantatrareo izao: Raha fantatry ny tompon-trano ny

23/10/2022 A la une . Fanompoam-pivavahana . Toriteny

Jesoa manavao ny fanompoan’ny fiangonana

Alahady 23 oktobra 2022, mbola nibanjinana ny lohahevitra hoe « Havaozy ny fanompoan’ny fiangonana« , natokana hitondrana am-bavaka ny Sampana Fifohazana manerana ny sahan’ny FJKM. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Matio 5 : 21-26 «  21Efa renareo fa voalaza tamin’ny ntaolo hoe: „Aza mamono olona” (Eks. 20.13); ary izay mamono olona

16/10/2022 A la une . Fanompoam-pivavahana . Toriteny

Ka dia ho hitanareo indray ny tsi-fitovian’ny marina sy ny meloka, dia ny manompo an’Andriamanitra sy ny tsy manompo Azy

Alahady 16 Oktobra 2022, nitondrana am-bavaka ny Masera MAMRE, mbola handinihan’ny FJKM ny lohahevitra manao hoe « Havaozy ny fanompoan’ny fiangonana« . Ny mpitandrina Randrianarisoa Alain no nitondra ny hafatr’Andriamanitra avy ao amin’ny Malakia 3 : 18-24  » 13Ny teninareo dia mahery mamely Ahy hoy Jehovah. Nefa hoy ianareo: Inona no resakay nentinay namely Anao? 14Tamin’ny nanaovanareo hoe:

09/10/2022 A la une . Fanompoam-pivavahana . Toriteny

Fa raha manao fanasana ianao, dia asao ny malahelo

Alahady 09 oktobra 2022, mbola hibanjinana ny lohahevitra hoe « Havaozy ny fanompoan’ny fiangonana » ary nanatanterahan’ny MIASAFIA ny fanateram-bokatra. Ny mpitandrina Rambinintsoa Onja no nitondra ny hafatr’Andriamanitra avy ao amin’ny Lioka 14 : 13-14  » Fa raha manao fanasana ianao, dia asao ny malahelo, ny kilemaina, ny mandringa, ny jamba; 14dia ho sambatra ianao, satria tsy mba