FJKM Ambavahadimitafo

Fiangonan'i Jesoa Kristy eto Madagasikara

Ny fanao tsy ara-panahy tafiditra ao am-piangonana (fizarana farany)

Ny fanao tsy ara-panahy tafiditra ao am-piangonana (fizarana farany)

Publié le 17 novembre 2008 à 12:11

IV. NY MPANDRAY FANASANNY TOMPO NEFA MBOLA MITOKY AMINNY SAMPY SY NY ODY, ETC.

Ny fanompoan-tsampy teto amin’ity tany ity dia nesorina an-keriny, fa lalàm-panjakana no nandrara azy, fa tsy ny fahalalan’ny olona ny maharatsy azy no nandoroany azy. Ka ny ody nariany aman-tahotra, nefa ny fony mbola tia azy, ka nampandrosoiny maizimaizina sy miafina tany ihany ; ka izao izy dia efa latsa-paka saiky manerana ny tany, ka indreny mitranga tsy aman-tahotra aman-kenatra.

Ny Misionera, ny Mpitandrina, sy ny Evanjelistra ary ny Mpitoriteny dia nihevitra azy ireo ho levona, ka tsy mba noheverina ho fahotana henjehina ; fa ny fitondran-tena maloto sy ny fisotroan-toaka, etc., no toriny matetika ; fa ny amin’ny fanompoan-tsampy kosa dia saiky tsy misy mpikasika akory. Ka dia injao izy mandroso, mandroso mangingina hoatra ny masirasira atao amin’ny koba.

Ny fanompoan-tsampy teto amintsika sy ny Egyptiana no isan’ny ambany karazana indrindra. Ny Babyloniana sy ny Persiana nivavaka tamin’ny masoandro sy ny volana ; ny Efesiana nivavaka tamin’i Diana ; ny tany Antiokan’i Pisidia nivavaka tamin’i Jopitera sy Merkory ; fa ny Egyptiana kosa nivavaka tamin’ny omby sy ny papango ary ny saka sy ny bibikely hoatra ny voangory ; ka nony nanafika azy ny miaramilan’ny Romana, dia nofatorany saka tsirairay avy teo amin’ny sandrin’ny miaramila, ary nasiany felana voangory ny handriny, ka dia tsy nisy sahy nitifitra azy ny miaramilan’ny Egyptiana ; fa hoy izy : Misy andriamanitra eny aminy; ka dia resy moramora ny tanàna.

Fa ny teto amintsika kosa dia tapakazo maina no nivavahana, dia ny raisonjo, ambolaza, senasena, alakamisy (hazo), etc. Nalainy ireny ka notohizany vakana sy nohosorany tseroka, ary nataony tao anatin’ny tandroka (mohara), ka dia nataony hoe : Ody havandra, ody basy, etc. Hita anefa ny tsy mahamarina ireo.

Ao amin’ny faritany sasany any ambanivohitra dia maro ny olona mbola mitoky amin’ny ody havandra, nefa ovany anarana ireny, ka dia ataony hoe « dokoteram-bary ». Izao no mampalahelo : Mpandray ny Fanasan’ny Tompo sasany amin’ireny olona matoky ody havandra ireny.

Iarahantsika mahalala anefa fa tena fitaka sy fisolokiana fotsin’izao ny ody havandra. Tao amin’ny faritany anankiray any Imamo nisy mpanao ody havandra efa-dahy. Nasain’izy ireo nandoa fahenim-bary isan-trano ny fokonolona ho azy mba hiarovany amin’ny havandra. Kanjo nony efa voarainy ny varim-bahoaka, dia nojinjainy avokoa ny azy nefa mbola manta hatoka ; ka nony nanontanian’ny olona izy hoe :

– « Nahoana re no jinjana manta ny varinareo ; nefa hianareo milaza ho mahay manohana ny havandra? »

– Dia novaliany hoe : « Sao sendra izay havandra tsy azo tohanana ka ». Koa hitantsika amin’izany, fa tena solokin’ny olom-petsy ratsy mihitsy ny ody havandra, ka aoka re ny mpandray mba tsy hisy hatokitoky foana ireny intsony.

Nisy lehilahy iray voatendry hanafika, ka nividy fanjambana izy, nomeny ariary telo ; ary nony tonga tao an-tranony izy, dia nasainy nivoaka ny tao an-tranony rehetra, dia nihosotra sy nihafana tao izy, ka dia namitsaka. Dia nasainy niditra tamin’izay ny olona, ka hoy izy : « Aiza aho izao? » Ary hoy ny vavy : « Iroa mamitsaka am-body sinibe iroa ». Dia nikiakiaka hoe izy : « Very foana lahy ny volako! »

Nisy koa andriandahy anankiray niady tamin’olona, izay noheverin’ny olona ho masin’ody. Ka nony tonga tany an-tranony io andriandahy io, nilazan’olona fanafodin-kibo ka nisotro, dia nandoa sy nivalana ka narary mafy. Dia taitra ny vahoaka ka nanao hoe :

– « Vonjeo fa novorehin-dRainitahaka Ingahy Andriana! »

Dia nafatotry ny vahoaka io lehilahy io ka nataony hoe :

– « Velomy Ingahy Andriana, fa vao niady tamin’ialahy teo ».

Mafy ny lalàm-panjakana tamin’izay, fa izay manao ody ratsy hamonoana andriana dia ao anatin’ny heloka 12 loha, « ka matinay ialahy raha maninomaninona ny Andriana ». Ary hoy ilay olona :

– « Tsy manana famonoana na famelomana aho ».

Dia nalain’ny vahoaka ny olona roa izay malaza tamin’ny mpanao ody vorika, ka nokaramaina ankevitry ny ariary fitopolo. Dia nifampiady hevitra teo izy roa ireo. Ny iray manao hoe :

– « Vorika ity », ary ny iray manao hoe : « Taratra », fa raha vao niady taminy, hoy izy, dia notarafin’ilay ratsy iroa. Dia nanaonao izay ho fanalany teo izy, ka nony tokony ho tamin’ny efatra ny famantaranandro, dia velona sy nahatsiaro fanahy ingahy Andriana. Fa ny ro sy ny ranom-bary moa dia nampisotroina azy lalandava. Dia hoy izy :

– « Maninona ireto vahoaka eran’ny trano sy ny tokotany? » Dia hoy ny vahoaka : « Novorehin-dRainitahaka hianao, ka nangalana an-dRazafimbola ». Ka hoy izy :

– « Nisotro voan-tanantanana aho, ka izany no nankarary ahy ». Dia nirava ny vahoaka sady ripaky ny hehy. Hitan’ny masoko io fony aho mbola zazalahy kely, ary isan’izay nahalalako ny fitaky ny mpanompo sampy. Ary ilay Ingahy Andriana izay tonga mpitandrina tamin’ny fiangonana lehibe iray taty aoriana.

Koa dia tsy mety ary ny manompo tompo roa, ka sady ho Kristiana no mpanompo sampy. « Ny siny hoditra tonta tsy azo asiana divay vaovao ». Tsy mety ny mampiharo ny tranon’Andriamanitra amin’ny tempolin’ny sampy ; ary mahadiso ny mampiray ny fanompoana an’i Kristy amin’i Belialy. Koa aza manao « boloky lahy homam-boatseva : fy ny atsy, mamy ny aroa » ; ary aza manao toy ny « sotroben-dRenitsiavango, ka sady fikapohan’alika no fangaroana anana ».

Izao ary no famaranana izay rehetra voalaza : Ataovy amim-pahendrena ny raharaham-piangonana rehetra mba tsy hitrangan’ny adi-lahy.

Aza entina an-kenamaso ny raharaham-piangonana, ka ny olona tsy mendrika no havela handidididy na hanjakazaka ny fiangonana, saingy olona ambony na mahamenamaso, na manankarena na maro fianakaviana izy.

Aoka tsy hatao sombalahivilana ny raharaham-pivavahana, ka aharoharo ao amin’ny fanambadiana ny fanandroana sy ny mariazy, fa aoka samy hisongadina ho azy.

Aoka hatao tsara tantavana mihitsy ny olona raisina ho Mpandray ny Fanasan’ny Tompo, mba tsy hisy ho tafiditra izay mbola manaraka ny fanaon’izao tontolo izao, toy ny olona matoky sikidy, ody havandra, odiody isankarazany, mifady Alakaosy, etc.

Ary aoka izay Mpandray fantatra fa voan’ny fakam-panahy amin’ireny tsy hisoronana, fa hanarin’ny Mpitandrina sy ny Evanjelistra mangingina. Ary raha tsy mety miova, dia tokony hesorina amin’ny Fiangonana mihitsy, satria ny « masirasira kely dia mahazo ny vongana rehetra » (1 Kor.5,6).

Koa satria angamba tsy misy amintsika izay tsy fatra-paniry ny handrosoan’ny Fanjakan’Andriamanitra, dia aoka hikelezantsika aina fatratra ny hamongotra ireny fanao tsy mahamendrika irey ho afaka amin’ny fiangonana, satria ireny no toy ny vatolampy milafika sy tsilo mangeja misakantsakana ny fandrosoan’ny Fanjakan’Andriamanitra, ka raha tsy ireny no fongotra dia ho botribotry faniry izy. Nefa kosa raha fongotra ireny dia ho fatra-pitombo ny asan’ny Filazantsara, ka tsy ho ela dia ho henika azy Madagascar tontolo.

Koa raha misy manatona ny latabatry ny Tompo, ka mandray ny Sakramenta Masina, nefa nony mivoaka miray amin’ny mpanao dokoteram-bary ; mampiharo ny Masina sy ny fahavetavetana izany ary mampiray ny ara-panahy sy ny zavatra araka ny nofo, izay fomban’izao tontolo izao.

 

RAMBELO,
Mpitandrina ao Anosipatrana 18 Octobre, 1917


Lire aussi

12/03/2023 A la une . Fanompoam-pivavahana . Toriteny

Ny olona mendrika ankasitrahan’ny Tompo

Alahady 12 Martsa 2023, niarahana niombonam-bavaka tamin’ny fiangonana miara-mandroso FJKM Antenimbe, ka nitondran’izy ireo ny hafatr’Andriamanitra araka ny Lioka 10 : 25-37  » 25Ary, indro, nisy mpahay lalàna anankiray nitsangana ka naka fanahy an’i Jesosy hoe: Mpampianatra ô, inona no hataoko handovako fiainana mandrakizay? 26Ary hoy Izy taminy: Inona no voasoratra ao amin’ny lalàna? Manao ahoana

05/03/2023 A la une . Fanompoam-pivavahana . Toriteny . Volana sy Kintana

Ary izay hendry dia hamirapiratra toy ny famirapiratry ny lanitra; ary izay mamerina ny maro ho amin’ny fahamarinana dia ho tahaka ny kintana mandrakizay doria.

Alahady 05 martsa 2023, mbola andinihina ny lohahevitra manao hoe « Mamerina ho amin’ny fahamarinana ny Tompo »; alahady nankalazana an’Andriamanitra koa noho ny faha-80 taonan’ny sampana Volana sy Kintana. Ny mpitandrina Randrianarisoa Alain no nitondra ny hafatr’Andriamanitra araka ny Daniela 12 : 3  » Ary izay hendry dia hamirapiratra toy ny famirapiratry ny lanitra; ary izay

19/02/2023 A la une . Fanompoam-pivavahana . Toriteny

Koa mahereza sy matanjaha; aza matahotra na mivadi-po, fa momba anao Jehovah Andriamanitrao amin’izay rehetra alehanao

Alahady 19 Febroary 2023, nankalazana ny faha-10 taona naha-Sekretera Arsivista an-dRamatoa ANDRIANANTOANDRO Miary-Soa teto @ FJKM Ambavahadimitafo. Ny mpitandrina Randrianarisoa Alain no nitondra ny hafatr’Andriamanitra avy ao @ Josoa 1 : 9  »  Koa mahereza sy matanjaha; aza matahotra na mivadi-po, fa momba anao Jehovah Andriamanitrao amin’izay rehetra alehanao « . Manàsa anao hiara-hiombona @izany fotoana

12/02/2023 A la une . Fanompoam-pivavahana . Toriteny

Iza moa Ity, no mandidy ny rivotra sy ny rano Izy, ka manaiky Azy izany!

Alahady 12 febroary 2023, natokana hitondrana am-bavaka ny Baiboly, ary mbola andinihina ny lohahevitra hoe « Ny fahefan’ny Tenin’Andriamanitra« . Ny mpitandrina miza-draharaha no nitondra ny hafatr’Andriamanitra araka ny Lioka 8 : 22-25 «  22Ary tamin’ny andro anankiray dia niondrana an-tsambokely Jesosy sy ny mpianany; ary hoy Izy taminy: Andeha isika hankeny am-pitan’ny farihy; dia lasa izy. 23Ary

05/02/2023 A la une . Fanompoam-pivavahana . Toriteny

Miverena amiko hianareo, hoy Jehovah, Tompon’ny maro, dia mba hiverina ho aminareo kosa Aho

Alahady 05 febroary 2023, andinihina ny lohahevitra FJKM amin’ity volana ity manao hoe « Ny fahefan’ny Tenin’Andriamanitra« . Ny mpitandrina Randrianarisoa Alain no nitondra ny hafatr’Andriamanitra avy ao amin’ny Zakaria 1:3 «  3Koa lazao aminy hoe: Izao no lazain’i Jehovah, Tompon’ny maro: Miverena amiko hianareo, hoy Jehovah, Tompon’ny maro, dia mba hiverina ho aminareo kosa Aho, hoy

29/01/2023 A la une . Fanompoam-pivavahana . Toriteny

Ny fiheverana Kristiana momba ny aretina sy ny loharanon’ny fanasitrànana

Alahady 29 Janoary 2023, andinihana farany ny lohahevitra hoe « Mpahary izao rehetra izao ny Tompo ». Ny mpitandrina Randrianarisoa Alain no nitondra ny fampianarana araka ny lohahevitra hoe « Ny fiheverana Kristiana momba ny aretina sy ny loharanon’ny fanasitrànana ». Manàsa anao hiombona @ fanompoam-pivavahana :

22/01/2023 A la une . Fanompoam-pivavahana . Toriteny

Fa Jehovah no Andriamanitra tokoa, eny, Izy no Andriamanitra velona sy Mpanjaka mandrakizay

Alahady 22 janoary 2023, hitondrana am-bavaka ny FFKM, ary mbola handinihina ny lohahevitra hoe « Mpahary izao rehetra izao ny Tompo ». Ny mpitandrina Randrianarisoa Alain no nitondra ny hafatr’Andriamanitra avy ao amin’ny Jeremia 10:6-13 «  6Tsy misy tokoa izay tahaka Anao, RY TOMPO ô;lehibe Ianao, ary lehibe amin’ny hery ny anaranao.7Iza no tsy hatahotra Anao, ry

10/01/2023 Antso sy filazana . Vaovao

Katekomena 2023

 » Atongilano ny sofinareo , ka mankanesa aty amiko, mihainoa dia ho velombelona ny fanahinareo… », Isaia 55 : 3 Miarahaba antsika amin’ny anaran’i Tompo. Araka ny efa nolazaina tamin’ny raharahan’ny fiangonana dia efa misokatra ny fisoratana anarana ho an’ireo izay manam – paniriana hiditra ho mpianatra katekomena amin’ity taona 2023 ity. Noho izany dia azontsika

08/01/2023 A la une . Fanompoam-pivavahana . Toriteny

Alahady 08 Janoary 2023

Alahady 08 Janoary 2023, mbola hibanjinana ny lohahevitra hoe « Mpahary izao rehetra izao ny Tompo ». Ny mpitandrina miza-draharaha Tinarisoa Miora no nitondra ny hafatr’Andriamanitra. Manasa anao hanaraka ny fotoana :

01/01/2023 A la une . Fanompoam-pivavahana . Toriteny

Taombaovao 2023 : Ary Jehovah Andriamanitra nanao saha tao Edena tany atsinanana, ka napetrany tao ralehilahy izay noforoniny… hiasa sy hitandrina azy

Ankino amin’i Jehovah ny làlanao ary matokia Azy fa ataony tanteraka izany. Miarahaba anao nahatratra izao taona vaovao izao ka mirary soa anao ho fenoin’ny Tompo ny fitahiany Tompo ianao mandritra izao taona 2023 izao. Alahady 01 Janoary 2023, andro voalohany, alahady voalohany amin’ity taona 2023 ity, andinihina ny lohahevitra amin’ity volana ity manao hoe