FJKM Ambavahadimitafo

Fiangonan'i Jesoa Kristy eto Madagasikara

Ny asan'ny manodidina

Ny asan'ny manodidina

Publié le 11 novembre 2008 à 12:11

Mba mampieritreritra ny mamaky ilay fanoharana nataon’i Jesosy ao amin’ny Mat. 13:3-8, fa toa miharihary eo loatra ny herin’ny manodidina antsika, na ara-nofo na ara-panahy :

« Ny tany dia vala iray, ny voa dia mitovy, ny fotoana dia andro tokana, ary ny tanana namafy dia an’olon-drery ; nefa ny vokatra dia samy hafa loatra, fa nisy voa tsy naniry akory, ny sasany maty kely, ao ny naniry ihany fa nitsipozipozy ; ary indreo kosa ny vanona tsara ka nahavokatra be. »

Ny nahatonga izany tsy fitoviana izany dia asan’ireo toe-javatra samy hafa nanodidina ny voa. Raha izao toetra ananantsika ankehitriny izao no dinihina, dia azo lazaina fa niankina betsaka tamin’ny toe-javatra nanodidina antsika.

Ao ihany ny toetra tsy azo ialana izay nolovana tamin’ny razana. Misy lova tsara ireny, ary misy lova ratsy. Hita izany amin’ny toetra sy ny fahaizana ary ny kilema ananantsika ; kanefa na izany aza dia misy azo ovana mihitsy, satria tsy dia mbola tena toetra voahombo ireny, fa mbola azo tampenana sy amboarina ary ahitsy ihany, araka ny fitenin’ny razana hoe :

« Ny tarehy ratsy no tsy azo ovana, fa ny fanahy ratsy azo ovana »

Izany fanovana izany anefa dia miankina betsaka amin’ny toe-javatra manodidina antsika, dia ny tany nipetrahana, ny ray aman-dreny nitaiza, ny namana niarahana, ary ny zavatra hitan’ny maso sy ren’ny sofina.

Nahoana moa no samy hafa ny toetra amam-pomban’ny Sakalava sy ny Hova, nefa samy Malagasy, ary nahoana no tsy mitovy fiasa ny ankabiazan’ny zanak’Ambanivohitra sy ny terak’Antananarivo, na dia sekoly iray aza no nianarany, ary diplôma mitovy no namoahana azy?

Ny toe-javatra manodidina azy izay hitany sy reny ary nitaizana azy, no nahatonga izany. Miasa lalandava ary ny manodidina hamboamboatra ny toetsika ho tsara na ho ratsy. Raha misy hazo roa mitovy karazana miaraka ambolena, ka nony efa maniry dia hita fa ny iray botribotry ary ny iray kosa midokadoka, dia tsy inona no nahatonga azy ho samy hafa toetra fa ny asan’ny manodidina, dia ny tany aniriany sy ny zezika ary ny zavatra hafa koa.

Noho izany dia tokony hatao izay azo atao hifidy izay toerana na ny zavatra hafa manodidina antsika amin’izay azo fidina hahatonga antsika ho olom-banona. Moa tsy fanaon’ny mpamboly va ny mifidy ny tany lonaka na ny lohasaha, na ny takon-drivotra sy talaky andro hovolen-javatra, raha misy azo ifidianana ihany, mba hahavanona tsara ny zavatra amboleny?

Koa manan-tsafidy ihany isika amin’ny zavatra sasany mba hifidy izay toerana ahazoantsika handroso amin’izay haha-olom-banona antsika, fa tsy izay hahabotry ny tena amam-panahy, toy ny fifidianana ny toerana iasana, ny namana iraisana, ny boky vakina, ny zavatra tian-ko jerena sy hohenoina ary ny zavatra hafa koa.

Fa ahoana kosa ary amin’ny toe-javatra sasany izay tsy azo ifidianana, toy ny ray aman-dreny niteraka, tany nahabe, fomban-drazana efa raikitra fahakely ka efa nanjary toetra?

Misy fomba fanaon’ny mpamboly mahay izay mendrika hodinihina mba tsy hahakivy antsika amin’izany : Any an-dafy, hono, dia kely ihany no tany azo volena noho ny habetsahan’ny mponina ; noho izany dia tsy afaka hifidy loatra izay tany lonaka hovolena ny olona, fa izay an’ny tena no tsy maintsy atao izay hahatsara azy, na toy inona na toy inona.

Koa izao no ataony : fantariny ny toetry ny taniny, ka heveriny izay fanatsarana antonona hanasoavana azy ; koa ny tany mando loatra anaovany tatatra hahamaina azy ; ny maina loatra kosa itarihany rano velona ; ary ny tsy ampy tsiro aza dia isahiranany itaomana zavatra hafa, toy ny sokay, na fasika, na zezika, samihafa ; koa noho ny fahaizany sy ny fisahiranan’ilay tompony dia manjary tany mahavokatra tsara ilay tanimboly tsy tsaratsara teo iny.

Koa noho ny maha olona antsika, sady olombelona manan-tsafidy sady mahay mivoatra, dia tsy tokony havela hotapahin’ny toe-javatra manodidina fotsiny isika, na hogiazany ; fa mbola tokony hiezaka hivoatra sy hamboatra ny manodidina aza ho tsaratsara kokoa, ary izay tsy haintsika atao dia apetraho amin’Ilay Mpamboatra mahay dia Jesosy, fa Izy ihany no mahay mamboatra ny ratsy ho tsara.

Mitoera, ry Jesosy! Ao an-tanimbolinao, Ka amboary ‘zao ny voly mba hitombo sy hamoa.

Rasamoely, Fiadanana


Lire aussi

10/12/2023 A la une . Fanompoam-pivavahana . STA . Toriteny

Ho avy Jesoa ka mamerina ny olona ho @ fahalalàna marina ny Soratra Masina

Alahady 10 desambra, natokana hitondrana am-bavaka ny Sekolin’ny Tenin’Andriamanitra (STA), mbola andinihina ny lohahevitra @ity volana ity manao hoe « Ankalazao ny Mpamonjy », nitondran’ny Prezida Synodaly Synodam-paritany Antananarivo Atsinanana, ny mpitandrina ALIOLIHARIMANARIVO Mahabo Saotra ny hafatr’Andriamanitra araka ny Matio 21 : 15-17 « 15Fa nony hitan’ny lohan’ny mpisorona sy ny mpanora-dàlana ny zavatra mahagaga izay nataony sy

03/12/2023 A la une . Fanompoam-pivavahana . Toriteny

Advento 2023 : Ny olona voalahatra ho amin’ny fiainana mandrakizay

Alahady 03 desambra 2023, taom-baovaon’ny fiangonana, Advento, nitondrana am-bavaka ny Sampana Dorkasy, ka andinihina lohahevitra vaovao @ity volana desambra ity eto anivon’ny FJKM manao hoe « Ankalazao ny Mpamonjy« . Ny tenin’Andriamanitra notoriana tamin’ity alahadin’ny Advento ity dia araka ny Asan’ny Apostoly 13 : 43-48 « 43Ary rehefa nirava ny fiangonana, dia maro tamin’ny Jiosy sy ny proselyta

26/11/2023 A la une . Fanompoam-pivavahana . Toriteny

Tsenao @ fihaviany ny Tompo Izay mitondra fanafahana

Alahady 26 novambra 2023, andinihina farany ny lohahevitra hoe « Tsenao @ fihaviany ny Tompo », ary koa hitondrana am-bavaka eo anivon’ny FJKM ny Komitim-pirenena Miady @ SIDA sy ny Valan’aretina (KPMSV). Ny Katekista Délégué Randrianiana Roland avy amin’ny FJKM Antenimbe (fiangonana miara-mandroso) no nitondra ny hafatr’Andriamanitra, araka ny Isaia 40 : 9-11 : « Ny vaovao mahafaly

19/11/2023 A la une . Fanompoam-pivavahana . SAMPATI . Toriteny

Alahadin’ny SAMPATI : Mitandrena, miambena ka mivavaha

Alahady 19 novambra 2023, alahadin’ny SAMPATI mbola andinihina ny lohahevitra hoe « Tsenao @ fihaviany ny Tompo«  Ny hafatr’Andriamanitra araka ny Marka13 : 24- 37 no notoriana :  » 24Fa amin’izay andro izay, aorianan’izany fahoriana izany,dia ho tonga maizina ny masoandroary tsy hanome ny fahazavany ny volana,25hiraraka avy eny amin’ny lanitra ny kintanaary hohozongozonina ireo hery

12/11/2023 A la une . Fanompoam-pivavahana . Toriteny

Alahadin’ny AMA 2023

Alahady 12 novambra 2023, nitondrana am-bavaka ny Fitantanana ny fanànana eo anivon’ny Foibe FJKM, sady nitondrana am-bavaka ny Antoko Mpihira Ambavahadimitafo (AMA), sy nitondrana am-bavaka ny firenena. Ny lohahevitra amin’ity volana novambra ity dia ny hoe « Tsenao @ fihaviany ny Tompo » . Ny mpitandrina miza-draharaha Andrimaifidy Miora no nitondra ny hafatr’Andriamanitra araka ny Romana 2

05/11/2023 A la une . Fanompoam-pivavahana . Toriteny

Ary hahita ny Zanak’olona avy amin-kery sy voninahitra lehibe eo amin’ny rahon’ny lanitra izy

Alahady 05 novambra 2023, andinihina lohahevitra vaovao @ity volana novmabra ity manao hoe « Tsenao @ fihaviany ny Tompo », alahady fanateram-bokatry ny Vondrona Fototra Laika (VFLA), ka nitondran’ny mpitandrina miza-draharaha Andriamifidy Miora ny hafatr’Andriamanitra araka ny Matio 24 : 29-31 « 29Ary raha vao afaka ny fahoriana amin’ireo andro ireo, ny masoandro dia hohamaizinina, ary ny volana

29/10/2023 A la une . Fanompoam-pivavahana . Toriteny

Toriteny an-kira MIASAFIA : hira fifohazana redonina @ orgue

Alahady 29 oktobra 2023, nandinihina farany ny lohahevitra hoe « Aoreno ao @Tompo ny fianakaviana », nanatanterahin’ny antoko mpihira MIASAFIA toriteny an-kira t@ alàlan’ny hira fifohazana redonina @ orgue. Manàsa anao hiombona @izany fanompoam-pivavahana izany :

22/10/2023 A la une . Fanompoam-pivavahana . Fifohazana . Toriteny

Ny tokantrano anjakan’i Kristy

Alahady 22 Oktobra 2023, mbola andinihina ny lohahevitra hoe « Aoreno ao amin’ny Tompo ny fianakaviana », itondrana am-bavaka ny sampana Fifohaza manerana an’i Madagasikara. Ny mpitandrina Ralambomahay Hendrininosy no nitondra ny hafatr’Andriamanitra Kolosiana 3 : 18-21 « 18Ianareo vehivavy, maneke ny vadinareo, araka izay mety hatao ao amin’ny Tompo. 19Ianareo lehilahy, tiava ny vadinareo ary aza sosotra aminy. 20Ianareo

15/10/2023 A la une . Fanompoam-pivavahana . Toriteny

Manorina taranaka ao @ Tompo

Alahad 15 Oktobra 2023, mbola andinihinia ny lohahevitra hoe « Aoreno ao @ Tompo ny fianakaviana », ka nitondran’ny mpitandrina miza-draharaha Miora Andriamifidy Mendrikaja ny hafatr’Andriamanitra araka ny Lioka 2 : 39-52 : «  39ARY rehefa vitany ny zavatra rehetra araka ny lalàn’ny Tompo, dia niverina tany Galilia izy, dia tao Nazareta tanànany.40Ary ny Zaza dia nitombo

08/10/2023 A la une . Fanompoam-pivavahana . Toriteny

Ary ny Zaza dia nihalehibe ka nitombo hery sady feno fahendrena

Alahady 08 oktobra, nitondrana am-bavaka ny Masera MAMRE, mbol aibanjinana ny lohahevitra hoe « Aoreno ao @Tompo ny fianakaviana ». Ny mpitandrina Randrianarisoa Alain no nitondra ny hafatr’Andriamanitra araka ny Lioka 2 : 39-52 Ny niverenan’i Jesosy tany Nazareta sy ny fahatanorany « 39Rehefa vitany ny zavatra rehetra araka ny lalànan’ny Tompo dia niverina tany Galilia izy ireo,