FJKM Ambavahadimitafo

Fiangonan'i Jesoa Kristy eto Madagasikara

Nosokafana tamin’ny 20 mey 2012 ny Jobily faha-150 taonan’ny FJKM Ambavahadimitafo

Nosokafana tamin’ny 20 mey 2012 ny Jobily faha-150 taonan’ny FJKM Ambavahadimitafo

Publié le 12 juin 2012 à 08:06

Fotoana fanokafana

Nisy fotoam-pivavahana lehibe nentina ho Fiderana an’Andriamanitra ho fanokafana ny taom-pankalazana ny alahady 20 mey 2012. Nandritr’izany no nitondran’ny Ray aman-dreny mpitandrina Rakotoniera ny filazana ny fitsanganan’ny Mpikarara izany fankalazana izany miaraka @ ny Komitin’ny Fankalazana ny faha 150 taona.

Ny Birao sy Komity

Natolotra ny Birao izay tarihan’Atoa Ramanantsoa Harifera; birao  izay hahitana ireto mpikambana ireto: Rajaonera Pax, Ramasitera Ny Haingo, Disaine Lala, Rakotomalala Roland, Robijaona Yves, Rabearivony Roland ary Andriamampianina Naivo.

Ny Komity Fankalazana dia ahitana ny Birao mpikarakara  miampy ny Mpikambana 5 avy ao @ Biraon’ny Fikambanan’ny Loholona sy Diakona, ary  koa  ireo solontena roa isaky ny sampana 7 eto @ Fiangonana .

Tsangambato

Tao aorianan’ny Fitondrana am-bavaka ny Komity dia nanolotra ny tanjona sy ny Tsangam-bato ary ny Teny Faneva ny Filoha. Hisy hetsika maro hoentina hanamarihana ny taom-pankalazana, ary ny tsangam-bato dia ny fanarenana ny Akany Ralibera Daniel, ary ny fametrahana ny vato fehizoron’ny Tranom-bakoka sy Tahiry hahorina eo avaratry ny Fiangonana.

Ny Teny Fanevan’ny Fankalazana dia izay voalaza ao amin’ny Salamo 90, 17: « Ary aoka ho aminay ny fahasoavan’ny Tompo Andriamanitra; ary ampitoero aminay ny asan’ny tànanay »

Fanokafana

Nitohy tamin’ny fandraisampitenenan’ny Solontenan’ny Biraom-piangonana sy ny Solon-tena avy amin’ny Fiangonana EKAR Ambavahadimitafo.

Nisy koa ny fampatsiahivana  ny tantaran’ny Fiangonana nandritra ny 150 taona nataon’ny avy ao amin’ny Vaomieran’ny Tantara.

Ary dia nofaranana  izany  fotoam-panokafana izany tamin’ny  fanokafana manetriketrika ny taom-pankalazana izay nambaran’ ny mpitandrina Ralambomahay Hendrininosy, Mpitandriana ny FJKM Andrainarivo, izay nitondra ihany koa ny Tenin’Andriamanitra.

Nisy fiarahana niala hetaheta natolotra ireo vahiny nasaina avy amin’ny Fiangonana manodidina notronon’ireo solon-tena avy  amin’ny Fiangonana.

Efa nanomboka nikatroka asa ny Komity sy ieo vaomiera maro natsangana hanatanteraka ireo tetik’asa hanamariana izao fankalazana izao.

Samy hitondra am-bavaka izao  taom-pankalazana izao, sy ny fahatanterahan’ireo asa mba ho Voninahitr’Andriamananitra.

Raveloarison Léon Claude, Vaomieran’ny Tantara


Lire aussi

26/06/2022 A la une . Fanompoam-pivavahana . Toriteny

Fa ny aminay kosa, dia Jehovah no Andriamanitray, ka tsy mba nahafoy Azy izahay

Alahady 26 Jona 2022, fetim-pirenena malagasy faha-62 taonan’ny fahaleovantena, natokana hitondrana am-bavaka ireo zokiolona eto amin’ny fiangonana. Ny tenin’Andriamanitra nitondran’ny mpitandrina Randrianarisoa Alain ny hafatr’Andriamanitra dia ny tao amin’ny IITantara 13 : 10  » Fa ny aminay kosa, dia Jehovah no Andriamanitray, ka tsy mba nahafoy Azy izahay; ary ny mpisorona izay manao fanompoam-pivavahana ho

19/06/2022 A la une . Fanompoam-pivavahana . Toriteny

Alahady fetin’ny ray, alahadin’ny Vokovoko manga

Alahady 19 jona 2022, ankalazana ny fatin’ny ray, alahadin’ny sampana Vokovoko Manga manerana ny FJKM, mbola hibanjinana ny lohahevitra hoe « Mampanjaka ny fahefany ny Tompo ». Ny mpitandrina miza-draharaha Randriambinintsoa Onja no nitondra ny hafatr’Andriamanitra avy ao amin’ny Apokalipsy 12:7-12  » 7Ary nisy ady tany an-danitra: Mikaela sy ny anjeliny niady tamin’ilay dragona; ary ilay dragona

12/06/2022 A la une . Fanompoam-pivavahana . Toriteny

Efa nohenoiko ny fitarainanao, ary efa hitako ny ranomasonao; indro, hahasitrana anao Aho

Alahady 12 jona 2022, alahadin’ny Sekoly FJKM, alahadin’ny Trinite, hibanjinana ny lohahevitra hoe « Mampanjaka ny fahefany ny Tompo« . Ny mpitandrina Randrianarisoa Alain no nitondra ny hafatr’Andriamanitra avy ao amin’ny 2Tantara 20 : 5 – 9 : « Miverena, ka lazao amin’i Hezekia, mpanapaka ny oloko, hoe: Izao no lazain’i Jehovah, Andriamanitr’i Davida rainao: Efa nohenoiko ny

05/06/2022 A la une . Fanompoam-pivavahana . Toriteny

Pentekosta 2022 : feno ny Fanahy Masina izy rehetra ka nitory ny tenin’Andriamanitra tamin’ny fahasahiana

« Miorena tsara, aza miova » Alahady Pentekosta 05 Jona 2022, fankalazana an’Andriamanitra tamin’ny nandrotsahany ny Fanahy Masina voalohany tamin’ny fiangonana; tsingerintaonan’ny fiangonana ihany koa satria feno 1989 taona ny fiangonana. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Asan’ny apostoly 4 : 31 « Ary rehefa nivavaka izy dia nihovitrovitra ny trano izay niangonany,

02/06/2022 A la une . Jobily 25 taona Past. Alain Randrianarisoa . Vaovaom-piangonana

Fitsangatsanganana 2022

Efa ho 2 taona no tsy nanatanteraka fitsangatsanganana ny FJM Ambavahadimitafo noho ny toe-draharaha ara-pahasalamana izay fantantsika. Koa am-pifaliana tokoa no hifanentanantsika amin’izany ankehitriny. Amin’ny Alatsinainy Pentekosta 06 Jona 2022 no ho tanterahina eny Antsofonondry Avaradrano ny fitsangatsanganan’ny FJKM Ambavahadimitafo, izay hanasàna antsika kristiana tsy an-kanavaka sy ny zanaka am-pielezana. Ankoatran’ny fikarakaran’ny Biraon’ny fitandremana miaraka

29/05/2022 A la une . Fanompoam-pivavahana . Toriteny

Alahady fetin’ny reny 2022

Alahady 29 mey 2022, ankalazana ny fetin’ny reny ka nitondra am-bavaka manokana azy ireo androany teto @ FJKM Ambavahadimitafo. Ny Sekoly Taninketsa no nitondra ny toriteny an-kira nandritra izany fanompoam-pivavahana izany. Manasa anao hiombona amin’izany fotoana izany : Manantitra ny firariantsoa ho an’ny reny izahay eto amin’ny site web, ho feno fifaliana sy fahasoavana avy

22/05/2022 A la une . Fanompoam-pivavahana . Toriteny

Mandehana araka ny Fanahy, dia tsy hahatanteraka ny filan’ny nofo ianareo

Alahady 22 mey 2022, andinihina ny lohahevitra hoe « Manavao ny Fanahy masina« , ka nitondran’ny tarika Ny mpitory toriteny an-kira araka ny Galatiana 5 : 16 – 25 « 16Fa hoy izaho: Mandehana araka ny Fanahy, dia tsy hahatanteraka ny filan’ny nofo ianareo. 17Fa ny nofo manohitra ny Fanahy, ary ny Fanahy manohitra ny nofo; ary mifanohitra

15/05/2022 A la une . Fanompoam-pivavahana . Toriteny

Ka efa nofenoiny fanahin’Andriamanitra, dia fahendrena sy fahiratan-tsaina sy fahalalana ny amin’ny tao-zavatra samy hafa

Alahady 15 mey 2022, « Manavao ny fanahy masina », lohahevitra amin’ity volana ity eto anivon’ny FJKM , itondrana am-bavaka ny mpiasa hiombonana. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Eksodosy 35 : 31 « ka efa nofenoiny fanahin’Andriamanitra, dia fahendrena sy fahiratan-tsaina sy fahalalana ny amin’ny tao-zavatra samy hafa« .  Andeha hiombona amin’ny fanompoam-pivavahana

08/05/2022 A la une . Fanompoam-pivavahana . SLK . Toriteny

Toriteny an-kira nentin’ny tarika Laurent Rakotomamonjy, faha-15 taona SLK Ambavahadimitafo

Alahady 08 Mey 2022, alahady hitondrana am-bavaka ny SLK na Sampana Lehilahy Kristiana eo anivon’ny FJKM, ankalazana ny faha-15 taonan’ny SLK eto amin’ny FJKM Ambavahadimitafo. Ny tarika Laurent Rakotomamonjy no nitondra ny hafatr’Andriamanitra tamin’ny alàlan’ny toriteny an-kira. Manasa anao hiombona amin’izany fanompoam-pivavahana izany :

03/05/2022 A la une . Fanompoam-pivavahana . Jobily 25 taona Past. Alain Randrianarisoa . Randrianarisoa Alain . Toriteny

Alahady fanokafana ny faha-25 taona nitandremana

Alahady 02 mey 2022 hibanjinan’ny FJKM ny lohahevitra amin’ity volana ity manao hoe « Manavao ny Fanahy Masina« ; nanokafana ihany koa ny Jobily faha-25 taona nitandreman »ny mpitandrina Randrianarisoa Alain. Ny teny anorenana ny jobily dia ny Salamo 111 : 1b « Haleloia ! Hidera an’i Jehovah amin’ny foko rehatra aho ». Manasa antsika hiombona amin’izany fanompoam-pivavahana izany :