FJKM Ambavahadimitafo

Fiangonan'i Jesoa Kristy eto Madagasikara

Mampianara anay hivavaka

Mampianara anay hivavaka

Publié le 17 novembre 2008 à 12:11

Hoy ny Apostoly Paoly ao amin’ny I Tes 5 :17 : « Mivavaha mandrakariva ka aza mitsahatra« 

Fifandraisana manokana amin’Andriamanitra ny vavaka; izay midika ho fahasoavana ho an’izay manatanteraka izany. Efa nambara tany amin’ny fanazavana tany aloha fa tsy ny maha maro na ny maha tsara rindra azy akory, no mampisy lanja ny vavaka, fa ny finoana ao anaty amin’ny fanatanterahana azy.

Ny vavaka ary noho izany dia fanefena sy fitaizana ny finoana, mba hifankazatra amin’Andriamanitra, ka hahatakatra ny sitrapony (sitrapon’Andnamanitra izany) ary hiezaka hanao izany mandritra ny andro iainana.

Koa tsy noho ny fahaporetana akory. no tokony hanosika hivavaka, toy ny hanala fanadinana na tojo aretina mafy na mifanohitra amim-pahavalo, na dia mety tsy hanosi-bohotanana anao tokoa aza Andriamanitra, fa amin’ny fiainana tsotra andavanandro dia tokonv hivavaka sy hifankazatra amin’ Andriamanitra ianao.

Fa inona no zava-miafin’ny vavaka? Hatramin’izay nilentehan’izao tontolo izao tao amin’ny fahotana, dia ny lalànan’ny natiora, araka ny fahatakaran’ny olombelona azy, no manodina ny zavatra rehetra teraka, miaina, marary, antitra, maty. sns…

Nv vavaka kosa dia afaka mihoatra izay lalàn’nv natiora izay. Ahoana angaha izany?
– Misy ny efa maty, fa rehefa natao ny vavaka, dia mbola afaka nitsangana indray (Oh.Jao. 11 : 41-44 ).
– Nisy ny tsy fahampian-kanina, fa rehefa natao ny vavaka dia nahavoky dimy arivo lahy ny mofo dimy sy hazandrano roa ( Jao.6 : 9-11).

Izany fihoarana ny lalan’ny natiora izany dia ifaninanan’ny anjelin’Andriamanitra sy ny anjelin’ny devoly, toy izay hita amin’ny fanaovana majia. Izany hoe hatreto na ny vavaka ataon’ny mpino an’Andriamanitra na ny mpankato fanahy hafa, dia toa samy mahazo valiny avokoa.

Fa ankoatra izany, noho ny fahotana dia rakotry ny zavom-panahy ratsy manodidina ny olona sy ny voary rehetra, ka tafasaraka amin’IIay Tompon’ny fiainana izy.

Zava-panahy ihany no hahazoana mandresy ny zava-panahy : ny vavaka no fitaovana nomen’ Andriamanitra ny mpino mba tsy hahadifotra azy ao amin’ny fangejan’ ireo fanahy ratsy manodidina azy ireo.

Koa isaky ny manonona vavaka ny mpino, dia misava ny zavona. mandositra ny devoly. Ny vavaka no teny tsy azon’ny devoly samborina, na ahodina ka ampiasaina ho amin-javatra hafa

Ankoatra izany, ny teny rehetra aloaky ny vavan’ny olona dia azon’ny devoly ampiasaina avokoa. Ahoana angaha izany?

Raha misy resaka iray, na ampahibemaso na ankatakonana, ataonao amin’olona iray na maro, dia samborin’ny devoly iny. Mampiasa olona izy hahatonga ilay teny ho poizina, ka manova tanteraka izay voalaza, mampiapitapita azy mandra-pifototr’izany ho fahavoazana ho anao na ho an’ny hafa.

Arv faly ny devoly rehefa misy olona voa mafy toy izany ; tanteraka ny asany. Izany fiasan’ny devoly izany dia efa hita hatrany am-piandohana, ka nanovany izay nambaran’Andriamanitra tamin’i Adama.

Firifiry akory ny olona rafitr’ady noho izany fanolanan’ny devoly ny teny izany!!! Misy mihitsy aza karazam-panahy mpitsikilo (isan’izany ny kalanoro), izay mpitati-teny any amin’ny manam-pahefana na ny olona manana fifandraisana amin’izy ireny.
Koa raha misy zavatra tsy tiana ho fantatr’iza na iza, dia ny tsy miloa-bava no fanafodiny. Ny vavaka kosa, izay voaharon’ Andriamanitra sy ny finoana, dia tsy hain’ny fanahy na inona na inona samborina.

Koa tsy fandemen-tsaina akory ny vavaka, na fanamparana hakamoana tsy hiasa, fa fitaovana mahomby napetrak’ Andriamanitra hahalavorary ny fiainan’ny mpino.

Vokatr’izany fiainam-bavaka izany dia tsy olona mpanara-drian-drano ny mpivavaka, na olona manao zavatra noho ny fihatsarambelatsihy, na noho ny filan-dera sy voninahitra amin’ny hafa, na noho ny filan-javatra mahaporitra, fa olona matoky ny Tompony, mametraka ny fiainany manontolo hatramin’izay madinika indrindra eo amin’ Andriamanitra, mahay mihaino an’ Andriamanitra, mahay mangina sy miteny araka ny fotoany avy, ary mazàna manokatra ny vavany hidera Ilay Tompony amin’ireo hiram-panahy.

Koa tsarovy fa raha mivavaka ianao, dia eo anilanao Andriamanitra, mihaino ny bitsiky ny fonao mangina. Amena.


Lire aussi

04/12/2022 A la une . Fanompoam-pivavahana . Jobily 25 taona Past. Alain Randrianarisoa . Toriteny

Alahady 04/12/2022 : Haleloia, hidera an’i Jehovah @ foko rehetra aho

Ny Alahady 04 desambra 2022 kosa no fotoana nankalazana an’Andriamanitra, niaraka tamin’ny fiangonana manontolo sy ny zanak’am-pielezana noho ny Jobily faha-25 taona nitandreman’ny mpitandrina Randrianarisoa Alain mivady. Manàsa anao hiombona amin’izany fotoana izany :

02/12/2022 A la une . Fanompoam-pivavahana . Jobily 25 taona Past. Alain Randrianarisoa . Toriteny

Zoma 02/12/2022 : Jobily Volafotsy – Pst. Randrianarisoa Alain mivady

« Haleloia, hidera ny Tompo amin’ny foko rehetra aho », Salamo 111 Izany salamo izany no nentina nankalazana an’Andriamanitra tamin’ny zoma 02 desambra 2022 noho ny Jobily faha 25 taona nitandreman’ny mpitandrina Randrianarisoa Alain mivady. Izany fotoana izany moadia niarahana nideràna an’Andriamanitra niaraka tamin’ny Synodam-paritany Antananarivo Atsinanana sy ny Birao foibe FJKM. Andeha hiombona amin’izany fotoana izany

27/11/2022 A la une . Fanompoam-pivavahana . Toriteny

Advento 2022 : Fa izay rehetra nandray Azy dia nomeny hery ho tonga zanak’Andriamanitra, dia izay mino ny anarany

Alahady 27 novambra 2022, alahady voalohany @ Advento, mbola handalinana hatrany ny lohahevitra hoe « Miomàna handray ny Mpamonjy« , ka nitondran’ny mpitandrina mpiza-draharaha Tianarisoa Miora ny hafatr’Andriamanitra avy ao amin’ny Jaona 1 : 9:13 «  9Tao ny tena Mazava Izay mahazava ny olona rehetra tonga amin’izao tontolo izao. 10Teo amin’izao tontolo izao Izy, ary Izy no nanaovana izao

20/11/2022 A la une . Antso sy filazana . Jobily 25 taona Past. Alain Randrianarisoa

Fanentanana 25 taona Pst. Randrianarisoa Alain

« Haleloia, hidera an’i Jehovah amin’ny foko rehetra aho », Salamo 111, 1a Afaka alahady 2 dia ho tonga ny andro firavoravoantsika hankalazana  ny Jobily volafotsy maha-mpitandrina an’Andriamatoa Randrianarisoa Alain mivady. Hatraiza ny fanomanana ? Zoma 02 desambra 2022 : fanompoam-pivavahana hanasàna ny Foibe FJKM, Synodam-paritany Antananarivo Atsinanana, Fiangonana, fianakavian’ny mpitandrina ary ny vahoakan’Andriamanitra, izay arahina sakafom-pifaliana

20/11/2022 A la une . Fanompoam-pivavahana . Toriteny

Jesoa Kristy ho avy amin’ny fahefany

Alahady 20 novambra 2022, nitondrana am-bavaka ny Sampana Mpanazava sy Tily manerana ny sahan’ny FJKM, mbola handinihana ny lohahevitra hoe « Miomàna handray ny Mpamonjy« . Ny mpitandrina Razakamanantsoa Narinjaka no nitondra ny hafatr’Andriamanitra araka ny I Tesaloniana 5 : 1-5 « Fa ny amin’ny andro sy ny fotoana, ry rahalahy, dia tsy misy tokony hosoratako aminareo, 2satria ianareo

13/11/2022 A la une . Fanompoam-pivavahana . Toriteny

Anio no tonga eto amin’ity trano ity ny famonjena, fa izy dia zanak’i Abrahama koa

Alahady 13 novambra 2022, hitondrana am-bavaka ny fitantanana ny fanànana eo anivon’ny FJKM ary koa hitondrana am-bavaka ny Antoko Mpihira Ambavahadimitafo. Mbola antin’ny lohahevitra isika manao hoe « Miomàna handray ny mpamonjy » ka ny mpitandrina RANDRIANARISOA Alain no nitondra ny hafatr’Andriamanitra avy ao amin’ny Lioka 19 1 – 10 :  » 1Ary Jesosy niditra ka nandeha

06/11/2022 A la une . Fanompoam-pivavahana . Toriteny

Koa amin’izany miambena ianareo; fa tsy fantatrareo izay andro hihavian’ny Tomponareo.

Alahady 06 novambra 2022, hiarahana misantatra ny teny faneva amin’ity volana ity manao hoe « Miomàna handray ny Mpamonjy« . Ny mpitandrina Randrianarisoa Alain no nitondra ny hafatr’Andriamanitra avy ao amin’ny Matio 24 : 42-51 :  » 42Koa amin’izany miambena ianareo; fa tsy fantatrareo izay andro hihavian’ny Tomponareo. 43Nefa aoka ho fantatrareo izao: Raha fantatry ny tompon-trano ny

23/10/2022 A la une . Fanompoam-pivavahana . Toriteny

Jesoa manavao ny fanompoan’ny fiangonana

Alahady 23 oktobra 2022, mbola nibanjinana ny lohahevitra hoe « Havaozy ny fanompoan’ny fiangonana« , natokana hitondrana am-bavaka ny Sampana Fifohazana manerana ny sahan’ny FJKM. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Matio 5 : 21-26 «  21Efa renareo fa voalaza tamin’ny ntaolo hoe: „Aza mamono olona” (Eks. 20.13); ary izay mamono olona

16/10/2022 A la une . Fanompoam-pivavahana . Toriteny

Ka dia ho hitanareo indray ny tsi-fitovian’ny marina sy ny meloka, dia ny manompo an’Andriamanitra sy ny tsy manompo Azy

Alahady 16 Oktobra 2022, nitondrana am-bavaka ny Masera MAMRE, mbola handinihan’ny FJKM ny lohahevitra manao hoe « Havaozy ny fanompoan’ny fiangonana« . Ny mpitandrina Randrianarisoa Alain no nitondra ny hafatr’Andriamanitra avy ao amin’ny Malakia 3 : 18-24  » 13Ny teninareo dia mahery mamely Ahy hoy Jehovah. Nefa hoy ianareo: Inona no resakay nentinay namely Anao? 14Tamin’ny nanaovanareo hoe:

09/10/2022 A la une . Fanompoam-pivavahana . Toriteny

Fa raha manao fanasana ianao, dia asao ny malahelo

Alahady 09 oktobra 2022, mbola hibanjinana ny lohahevitra hoe « Havaozy ny fanompoan’ny fiangonana » ary nanatanterahan’ny MIASAFIA ny fanateram-bokatra. Ny mpitandrina Rambinintsoa Onja no nitondra ny hafatr’Andriamanitra avy ao amin’ny Lioka 14 : 13-14  » Fa raha manao fanasana ianao, dia asao ny malahelo, ny kilemaina, ny mandringa, ny jamba; 14dia ho sambatra ianao, satria tsy mba