FJKM Ambavahadimitafo

Fiangonan'i Jesoa Kristy eto Madagasikara

Ireo dingan'ny finoan'i Marta, Jaona 11.21-27, 39-40

Ireo dingan'ny finoan'i Marta, Jaona 11.21-27, 39-40

Publié le 14 novembre 2008 à 12:11

Amin’i Jesoa, ny toe-javatra rehetra miseho dia fotoana mety avokoa mba hampianarana sy hanabeazana izay olona manatona Azy. Eto dia ny hampiorina ny finoan’i Marta miatrika ny fahafatesan’i Lazarosy, anadahiny, no nimasoan’ny Tompo. Efatra no voalazan’i Jaona fa dingana nampandalovan’i Jesoa io finoan’i Marta io.

1. Finoana ny resaka ren’ny sofina (21-22)

Ny faharenesana ny amin’ireo fahagagana nataon’i Jesoa, dia nahazoan’i Marta an-tsaina ny maha olon’Andriamanitra miavaka ity Jesoa miresaka aminy ity. Miavaka noho ny heriny sy ny fahefany mihoatra ny mahazatra ka nahasitrana ny zanak’ilay tandapa narary efa ho faty tany Kana (Jaona 4. 46-50) sy nampahiratany tao Jerosalema ilay lehilahy teraka jamba (Jaona 9. 1-6). Mba hampisongadina ny finoan’i Marta ny maha mpanasitrana tsy roa aman-tany an’i Jesoa, dia taterin’i Jaona ny tenin’ireo Jiosy sasany naneso an’i Jesoa izay namelona ny mason’ilay jamba nefa tsy nanao izay tsy ho nahafaty an’i Lazarosy (Jaona 11. 37).

2. Finoana ny fampianarana takatry ny saina (23-24)

Ny teny navalin’i Marta ny fanambaran’i Jesoa hoe : “Hitsagana ny anadahinao”, dia naneho fa mazava tsara aminy ka voarainy sy inoany izay nampianarina azy tany an-tsekoly ny amin’ny fitsanganan’ny maty amin’ny andro farany. “Fantatro ihany” hoy izy. Izany hoe : haiko ny momba io fampianarana io ka sady tsy hatoro ahy intsony no tsy hitondra fanampim-pahalalana mety hampisava ny alaheloko. Nahatsiaro ho diso fanantenana manko i Marta rehefa nahita an’i Jesoa tsy nangataka ny hananganan’Andriamanitra an’i Lazarosy amin’ny maty fa nionona tamin’ny fanambarana fampianarana efa fantany. Ary io fahadisoam-panantenana nahazo azy io no niteraka fifandisoana teo amin’ny fandraisany ny hevitry ny teny nataon’i Jesoa, teny izay midika fa izao ankehitriny izao no hitsangana amin’ny maty i Lazarosy ary Izy Jesoa no hanangana azy.

3. Finoana ny fanambarana nataon’i Jesoa ny amin’ny tenany (25-27)

Tsy nahasakana an’i Jesoa tsy hanohy ny fampianarana ny finoan’i Marta ny hadisoan-keviny momba ny teny voalohany nataony. Trangan-javatra efa fahitany teo amin’ireo mpino sy mpanaraka Azy rahateo ny toy izao ka tsy nahagaga Azy intsony. Iray amin’ireny ny hatailam-pandraisana ny amin’ny fampianarany momba ny mofon’aina izay nahatafintohina ka nampihemotra ny maro tamin’ny mpianany ary nahatonga Azy hanontany ny roa ambin’ny folo lahy hoe : “Ianareo koa ve mba te hiala ? (Jaona 6. 60-67). Fantatr’i Jesoa koa anefa fa ny fahoriana midona no manarona ny sain’i Marta tsy hahatakatra ny vontoatin’ny teny nolazainy taminy. Izany no nahatonga Azy hanambara amin’ny fomba hentitra sy mivantana fa Izy “no fananganana ny maty sy fiainana”. Ny mahagaga dia izao : nanala ny sarona nandrakotra ny masom-panahin’i Marta io fanambaran’i Jesoa io ary nanokatra ny vavany hanonona ilay fanekem-pinoana tsara indrindra : “Ianao no Kristy, Zanak’Andriamanitra, Izay ho tonga amin’izao tontolo izao”.

4. Finoana manova ny fijerin’ny maso (39-40)

Ny fanesorana ny vatom-pasana, mariky ny sisin-tany mampisaraka ny toerana misy ny maty amin’ny misy ny velona, no baiko farany nasain’i Jesoa notanterahina mialoha ny hananganany an’i Lazarosy.

Fa tamin’i Marta, dia ny fiahanahana mbola tavela tao aminy no vato nisakana ny fahazoany antoka ny zavatra antenainy dia ny fitsanganan’ny anadahiny amin’ny maty. Ny fanesoran’i Marta io sisam-pisalasalana tao aminy io no dingana farany nampanaovin’i Jesoa ny finoany mba hahazoany mahita ny voninahitr’Andriamanitra velona ao ambadiky ny fasana ametrahana ny maty. “Dia nesoriny ny vato” hoy ny fitantaran’i Jaona. Nino i Marta ka nahita fa tsy tahaka an’i Tomasy izay nahita vao nino.

Fampianarana ho antsika. Sahia manatona ny Tompo amin’ny fotoana rehetra. Sahia koa mangataka aminy ny hampiorenany ny finoantsika. Meteza kosa anefa hankato ny teniny sy hanatanteraka ny baikony hanaisotra izay sisasisam-pisalasalana misakana ny fampitomboany ny finoantsika.

Andrianavalona Solomon


Lire aussi

04/12/2022 A la une . Fanompoam-pivavahana . Jobily 25 taona Past. Alain Randrianarisoa . Toriteny

Alahady 04/12/2022 : Haleloia, hidera an’i Jehovah @ foko rehetra aho

Ny Alahady 04 desambra 2022 kosa no fotoana nankalazana an’Andriamanitra, niaraka tamin’ny fiangonana manontolo sy ny zanak’am-pielezana noho ny Jobily faha-25 taona nitandreman’ny mpitandrina Randrianarisoa Alain mivady. Manàsa anao hiombona amin’izany fotoana izany :

02/12/2022 A la une . Fanompoam-pivavahana . Jobily 25 taona Past. Alain Randrianarisoa . Toriteny

Zoma 02/12/2022 : Jobily Volafotsy – Pst. Randrianarisoa Alain mivady

« Haleloia, hidera ny Tompo amin’ny foko rehetra aho », Salamo 111 Izany salamo izany no nentina nankalazana an’Andriamanitra tamin’ny zoma 02 desambra 2022 noho ny Jobily faha 25 taona nitandreman’ny mpitandrina Randrianarisoa Alain mivady. Izany fotoana izany moadia niarahana nideràna an’Andriamanitra niaraka tamin’ny Synodam-paritany Antananarivo Atsinanana sy ny Birao foibe FJKM. Andeha hiombona amin’izany fotoana izany

27/11/2022 A la une . Fanompoam-pivavahana . Toriteny

Advento 2022 : Fa izay rehetra nandray Azy dia nomeny hery ho tonga zanak’Andriamanitra, dia izay mino ny anarany

Alahady 27 novambra 2022, alahady voalohany @ Advento, mbola handalinana hatrany ny lohahevitra hoe « Miomàna handray ny Mpamonjy« , ka nitondran’ny mpitandrina mpiza-draharaha Tianarisoa Miora ny hafatr’Andriamanitra avy ao amin’ny Jaona 1 : 9:13 «  9Tao ny tena Mazava Izay mahazava ny olona rehetra tonga amin’izao tontolo izao. 10Teo amin’izao tontolo izao Izy, ary Izy no nanaovana izao

20/11/2022 A la une . Antso sy filazana . Jobily 25 taona Past. Alain Randrianarisoa

Fanentanana 25 taona Pst. Randrianarisoa Alain

« Haleloia, hidera an’i Jehovah amin’ny foko rehetra aho », Salamo 111, 1a Afaka alahady 2 dia ho tonga ny andro firavoravoantsika hankalazana  ny Jobily volafotsy maha-mpitandrina an’Andriamatoa Randrianarisoa Alain mivady. Hatraiza ny fanomanana ? Zoma 02 desambra 2022 : fanompoam-pivavahana hanasàna ny Foibe FJKM, Synodam-paritany Antananarivo Atsinanana, Fiangonana, fianakavian’ny mpitandrina ary ny vahoakan’Andriamanitra, izay arahina sakafom-pifaliana

20/11/2022 A la une . Fanompoam-pivavahana . Toriteny

Jesoa Kristy ho avy amin’ny fahefany

Alahady 20 novambra 2022, nitondrana am-bavaka ny Sampana Mpanazava sy Tily manerana ny sahan’ny FJKM, mbola handinihana ny lohahevitra hoe « Miomàna handray ny Mpamonjy« . Ny mpitandrina Razakamanantsoa Narinjaka no nitondra ny hafatr’Andriamanitra araka ny I Tesaloniana 5 : 1-5 « Fa ny amin’ny andro sy ny fotoana, ry rahalahy, dia tsy misy tokony hosoratako aminareo, 2satria ianareo

13/11/2022 A la une . Fanompoam-pivavahana . Toriteny

Anio no tonga eto amin’ity trano ity ny famonjena, fa izy dia zanak’i Abrahama koa

Alahady 13 novambra 2022, hitondrana am-bavaka ny fitantanana ny fanànana eo anivon’ny FJKM ary koa hitondrana am-bavaka ny Antoko Mpihira Ambavahadimitafo. Mbola antin’ny lohahevitra isika manao hoe « Miomàna handray ny mpamonjy » ka ny mpitandrina RANDRIANARISOA Alain no nitondra ny hafatr’Andriamanitra avy ao amin’ny Lioka 19 1 – 10 :  » 1Ary Jesosy niditra ka nandeha

06/11/2022 A la une . Fanompoam-pivavahana . Toriteny

Koa amin’izany miambena ianareo; fa tsy fantatrareo izay andro hihavian’ny Tomponareo.

Alahady 06 novambra 2022, hiarahana misantatra ny teny faneva amin’ity volana ity manao hoe « Miomàna handray ny Mpamonjy« . Ny mpitandrina Randrianarisoa Alain no nitondra ny hafatr’Andriamanitra avy ao amin’ny Matio 24 : 42-51 :  » 42Koa amin’izany miambena ianareo; fa tsy fantatrareo izay andro hihavian’ny Tomponareo. 43Nefa aoka ho fantatrareo izao: Raha fantatry ny tompon-trano ny

23/10/2022 A la une . Fanompoam-pivavahana . Toriteny

Jesoa manavao ny fanompoan’ny fiangonana

Alahady 23 oktobra 2022, mbola nibanjinana ny lohahevitra hoe « Havaozy ny fanompoan’ny fiangonana« , natokana hitondrana am-bavaka ny Sampana Fifohazana manerana ny sahan’ny FJKM. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Matio 5 : 21-26 «  21Efa renareo fa voalaza tamin’ny ntaolo hoe: „Aza mamono olona” (Eks. 20.13); ary izay mamono olona

16/10/2022 A la une . Fanompoam-pivavahana . Toriteny

Ka dia ho hitanareo indray ny tsi-fitovian’ny marina sy ny meloka, dia ny manompo an’Andriamanitra sy ny tsy manompo Azy

Alahady 16 Oktobra 2022, nitondrana am-bavaka ny Masera MAMRE, mbola handinihan’ny FJKM ny lohahevitra manao hoe « Havaozy ny fanompoan’ny fiangonana« . Ny mpitandrina Randrianarisoa Alain no nitondra ny hafatr’Andriamanitra avy ao amin’ny Malakia 3 : 18-24  » 13Ny teninareo dia mahery mamely Ahy hoy Jehovah. Nefa hoy ianareo: Inona no resakay nentinay namely Anao? 14Tamin’ny nanaovanareo hoe:

09/10/2022 A la une . Fanompoam-pivavahana . Toriteny

Fa raha manao fanasana ianao, dia asao ny malahelo

Alahady 09 oktobra 2022, mbola hibanjinana ny lohahevitra hoe « Havaozy ny fanompoan’ny fiangonana » ary nanatanterahan’ny MIASAFIA ny fanateram-bokatra. Ny mpitandrina Rambinintsoa Onja no nitondra ny hafatr’Andriamanitra avy ao amin’ny Lioka 14 : 13-14  » Fa raha manao fanasana ianao, dia asao ny malahelo, ny kilemaina, ny mandringa, ny jamba; 14dia ho sambatra ianao, satria tsy mba