FJKM Ambavahadimitafo

Fiangonan'i Jesoa Kristy eto Madagasikara

Inona no atao mba ho fiaraha-monina mahafinaritra ny ao an-tokantrano ao?…

Inona no atao mba ho fiaraha-monina mahafinaritra ny ao an-tokantrano ao?…

Publié le 11 novembre 2008 à 12:11

Miankina amin’ny tsirairay ny hisian’ny fahombizana amin’izany na tsia. Aza atsipy amin’ny ray aman-dreny fotsiny ny fahadisoana. Ary ny ray aman-dreny koa tsy tokony hanameloka bontolo fotsiny izao ny zanaka.

Karazana tokantrano inona re no misy anao ? Matetika dia ny fifampiresahana (dialogue) no miantoka ny fahombiazan’ny fiainan-tokantrano. Koa tandremo ireto fomba izay manimba ny fifampiresahana ireto :

Firesahana be loatra, Firesahana amin’ny feo avo, Fiolakolahana, tsy miteny mahitsy, Fialàna bala, Fitompoan-teny fantatra …

Tsi-firesahana firy, Fimongimongena, Fitenenana mandratra, Fanodinan-dresaka, Famaliana bontana …

Ireo zavatra ireo no mitranga dia satria adinontsika fa ny fifampiresahana dia fifamindrana hafatra; izany hoe tsy maintsy misy ny fiezahan’ny tsirairay hahazo izay lazain’ny anankiray.

Tsarovy koa fa manan-danja ny TENY lazainao na dia 7%-’ny zavatra tafiditra ao amin’ny fifanakalozana (communication) fotsiny aza ny teny. Mieritrereta, fidio ny teny ampiasainao. Ary milazà ny MARINA.

Ny 38%-’ny resaka dia miankina amin’ny fomba itenenanao ireo teny ampiasainao (ton de la voix). Afaka miteny aho hoe: “Tia anao aho, ry Neny”. Saingy mety miova tanteraka ny tiako lazaina arakaraka ny fomba itenenako azy sy ny feoko.

Ny 55%-’ny resaka dia miankina amin’ny fihetsika asehoko an’ilay olona miresaka amiko (message non-verbal). Ny vatantsika dia manam-pahefana be lavitra hampita izay ao am-pontsika noho ny teny sy ny fomba itenenantsika azy.

Ohatra : sady milaza aho fa faly mandray an’ilay olona nefa ny tarehiko montotra dia montotra no sady vinitra. Hino ahy ve izy fa faly aho?

Farany, ekena fa tsy maintsy misy ny olana ao an-tokantrano ao. Ny fomba amahantsika azy no hiantoka ny hahatokantrano sambatra azy na tsia. Tranga efatra no isehoan’ny famahana ny olana ao an-trano ao :

1. Tsy firaharahiana ny olana sy ny fifandraisana

Samy tezitra ny roa tonta. Tsy misy fifanajana sy fitiavana. Samy mirintona lasa na ny ray aman-dreny na ny zanaka. Simba ny fifandraisana ary tsy voavaha ny olana.

2. Fijerena akaiky ny olana saingy tsy firaharahiana ny fifandraisana

Ny ray aman-dreny no tsy manaiky ho resy eto. Izy no manao ny lalàna. Mahatsiaro ho voahenjika ny zanaka. Tsy maintsy mankato izy saingy rava ny fifampitokisana.

3. Tsy firaharahiana ny olana fa fitandroana ny fifandraisana

Manaiky ho resy eto ny ray aman-dreny mba hitazonana ny fihavanana amin’ny zanaka. Tsy afaka manoro hevitra, mitarika, miahy araka ny tokony ho izy intsony izy ireo. Ampihantaina fahatany ny zanaka ka toa tsy mahay manaja ireo nahitàna masoandro intsony.

4. Firaharahiana ny olana sy ny fifandraisana

Tsy andosirana ny olana misy saingy asandratra ambony koa ny fihavanana. Mitaky fotoana, fitiavana, ary fifanajana ny fanatratrarana io tanjona io. Ilaina koa ny fahavononana eo amin’ny roa tonta mba hifandefitra fa tsy hifanararaotra.

Andramo kely ange ity tranga fahaefatra ity e. Ho gaga ianao tanora fa hisokatra aminao i Dada sy Neny. Tsarovy fa mba efa tanora tahaka anao koa izy ireo, ary ho ray aman-dreny koa ianao rahatrizay. Samy mety ho diso daholo ny roa tonta. Ny ilaina dia ny fiarahana miatrika sy mamaha olana amin’ny fifankatiavana sy fifampitokisana.

Pasteur Hubert RAKOTOARIVONY
in Gazety “AINA” Avrily 93


Lire aussi

04/12/2022 A la une . Fanompoam-pivavahana . Jobily 25 taona Past. Alain Randrianarisoa . Toriteny

Alahady 04/12/2022 : Haleloia, hidera an’i Jehovah @ foko rehetra aho

Ny Alahady 04 desambra 2022 kosa no fotoana nankalazana an’Andriamanitra, niaraka tamin’ny fiangonana manontolo sy ny zanak’am-pielezana noho ny Jobily faha-25 taona nitandreman’ny mpitandrina Randrianarisoa Alain mivady. Manàsa anao hiombona amin’izany fotoana izany :

02/12/2022 A la une . Fanompoam-pivavahana . Jobily 25 taona Past. Alain Randrianarisoa . Toriteny

Zoma 02/12/2022 : Jobily Volafotsy – Pst. Randrianarisoa Alain mivady

« Haleloia, hidera ny Tompo amin’ny foko rehetra aho », Salamo 111 Izany salamo izany no nentina nankalazana an’Andriamanitra tamin’ny zoma 02 desambra 2022 noho ny Jobily faha 25 taona nitandreman’ny mpitandrina Randrianarisoa Alain mivady. Izany fotoana izany moadia niarahana nideràna an’Andriamanitra niaraka tamin’ny Synodam-paritany Antananarivo Atsinanana sy ny Birao foibe FJKM. Andeha hiombona amin’izany fotoana izany

27/11/2022 A la une . Fanompoam-pivavahana . Toriteny

Advento 2022 : Fa izay rehetra nandray Azy dia nomeny hery ho tonga zanak’Andriamanitra, dia izay mino ny anarany

Alahady 27 novambra 2022, alahady voalohany @ Advento, mbola handalinana hatrany ny lohahevitra hoe « Miomàna handray ny Mpamonjy« , ka nitondran’ny mpitandrina mpiza-draharaha Tianarisoa Miora ny hafatr’Andriamanitra avy ao amin’ny Jaona 1 : 9:13 «  9Tao ny tena Mazava Izay mahazava ny olona rehetra tonga amin’izao tontolo izao. 10Teo amin’izao tontolo izao Izy, ary Izy no nanaovana izao

20/11/2022 A la une . Antso sy filazana . Jobily 25 taona Past. Alain Randrianarisoa

Fanentanana 25 taona Pst. Randrianarisoa Alain

« Haleloia, hidera an’i Jehovah amin’ny foko rehetra aho », Salamo 111, 1a Afaka alahady 2 dia ho tonga ny andro firavoravoantsika hankalazana  ny Jobily volafotsy maha-mpitandrina an’Andriamatoa Randrianarisoa Alain mivady. Hatraiza ny fanomanana ? Zoma 02 desambra 2022 : fanompoam-pivavahana hanasàna ny Foibe FJKM, Synodam-paritany Antananarivo Atsinanana, Fiangonana, fianakavian’ny mpitandrina ary ny vahoakan’Andriamanitra, izay arahina sakafom-pifaliana

20/11/2022 A la une . Fanompoam-pivavahana . Toriteny

Jesoa Kristy ho avy amin’ny fahefany

Alahady 20 novambra 2022, nitondrana am-bavaka ny Sampana Mpanazava sy Tily manerana ny sahan’ny FJKM, mbola handinihana ny lohahevitra hoe « Miomàna handray ny Mpamonjy« . Ny mpitandrina Razakamanantsoa Narinjaka no nitondra ny hafatr’Andriamanitra araka ny I Tesaloniana 5 : 1-5 « Fa ny amin’ny andro sy ny fotoana, ry rahalahy, dia tsy misy tokony hosoratako aminareo, 2satria ianareo

13/11/2022 A la une . Fanompoam-pivavahana . Toriteny

Anio no tonga eto amin’ity trano ity ny famonjena, fa izy dia zanak’i Abrahama koa

Alahady 13 novambra 2022, hitondrana am-bavaka ny fitantanana ny fanànana eo anivon’ny FJKM ary koa hitondrana am-bavaka ny Antoko Mpihira Ambavahadimitafo. Mbola antin’ny lohahevitra isika manao hoe « Miomàna handray ny mpamonjy » ka ny mpitandrina RANDRIANARISOA Alain no nitondra ny hafatr’Andriamanitra avy ao amin’ny Lioka 19 1 – 10 :  » 1Ary Jesosy niditra ka nandeha

06/11/2022 A la une . Fanompoam-pivavahana . Toriteny

Koa amin’izany miambena ianareo; fa tsy fantatrareo izay andro hihavian’ny Tomponareo.

Alahady 06 novambra 2022, hiarahana misantatra ny teny faneva amin’ity volana ity manao hoe « Miomàna handray ny Mpamonjy« . Ny mpitandrina Randrianarisoa Alain no nitondra ny hafatr’Andriamanitra avy ao amin’ny Matio 24 : 42-51 :  » 42Koa amin’izany miambena ianareo; fa tsy fantatrareo izay andro hihavian’ny Tomponareo. 43Nefa aoka ho fantatrareo izao: Raha fantatry ny tompon-trano ny

23/10/2022 A la une . Fanompoam-pivavahana . Toriteny

Jesoa manavao ny fanompoan’ny fiangonana

Alahady 23 oktobra 2022, mbola nibanjinana ny lohahevitra hoe « Havaozy ny fanompoan’ny fiangonana« , natokana hitondrana am-bavaka ny Sampana Fifohazana manerana ny sahan’ny FJKM. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Matio 5 : 21-26 «  21Efa renareo fa voalaza tamin’ny ntaolo hoe: „Aza mamono olona” (Eks. 20.13); ary izay mamono olona

16/10/2022 A la une . Fanompoam-pivavahana . Toriteny

Ka dia ho hitanareo indray ny tsi-fitovian’ny marina sy ny meloka, dia ny manompo an’Andriamanitra sy ny tsy manompo Azy

Alahady 16 Oktobra 2022, nitondrana am-bavaka ny Masera MAMRE, mbola handinihan’ny FJKM ny lohahevitra manao hoe « Havaozy ny fanompoan’ny fiangonana« . Ny mpitandrina Randrianarisoa Alain no nitondra ny hafatr’Andriamanitra avy ao amin’ny Malakia 3 : 18-24  » 13Ny teninareo dia mahery mamely Ahy hoy Jehovah. Nefa hoy ianareo: Inona no resakay nentinay namely Anao? 14Tamin’ny nanaovanareo hoe:

09/10/2022 A la une . Fanompoam-pivavahana . Toriteny

Fa raha manao fanasana ianao, dia asao ny malahelo

Alahady 09 oktobra 2022, mbola hibanjinana ny lohahevitra hoe « Havaozy ny fanompoan’ny fiangonana » ary nanatanterahan’ny MIASAFIA ny fanateram-bokatra. Ny mpitandrina Rambinintsoa Onja no nitondra ny hafatr’Andriamanitra avy ao amin’ny Lioka 14 : 13-14  » Fa raha manao fanasana ianao, dia asao ny malahelo, ny kilemaina, ny mandringa, ny jamba; 14dia ho sambatra ianao, satria tsy mba