Fizotry ny fandraisan-tànana ny mpitandrina RAKOTONIERA Christian Eric mianakavy teto amin’ny FJKM Ambavahadimitafo
Andriamatoa RANDRIAMAHAZOMANANA Jacquis, filoha lefitry ny fiangonana, no nitarika ny fotoana fandraisan-tànana ny mpitandrina Rakotoniera Tantelinirina Chrisitian Eric mianakavy.
Fanolorana sy tsiahy
Raha tsiahivina fohy ny tantara dia nisy tokoa ny fitantanan’Andriamanitra ka nahatongavana amin’izao fandraisan-tànana ny mpitandrina izao; dia ny 13 mey 2013, rehefa nanontaniana isika loholona sy diakona ary mpandray fanasan’ny Tompo dia nisafidy fa hotohizana ny fiara-miasa amin’ny mpitandrina Rakotoniera Eric mianakavy ka hanatanteraka ny fandraisan-tànana azy ireo eto amin’ny FJKM Ambavahadimitafo
Rahoviana ary no horaisin-tànana ny mpitandrina mianakavy…
Ny biraom-piangonana kosa, tao anatin’ny vavaka sy ny fizahan-toetra no efa nangataka sahady tamin’ny Tompo hoe rahoviana no horaisin-tànana ny mpitandrina mianakavy. Ny valin-tenin’ny mpitandrina tamin’ny Biraom-piangonana moa tamin’izany dia ny hoe : aza maika ianareo fa aleo aloha isika hiara-hiasa, ka amin’ny fotoana manaraka izany no hataontsika, amin’ny herintaona, roa taona, na rehefa vita ny fanavaozana ny Akany Daniel Ralibera (Tsangambaton’ny faha-150 taona hezahina vitaina 2013 – 2015)…
Ny fiangonana kosa anefa dia tsy nanaiky an’izany ka nanapa-kevitra fa hangataka amin’Andriamanitra ny mba hanatanterahana izany fandraisan-tànana izany tamin’ity taona ity. Rehefa nanantona ny Synoda sy ny Birao Foibe FJKM ny biraom-piangonana dia nampiany sy nampianariny ary namporisihina tokoa mba hitondra am-bavaka izany fandraisan-tànana izany
Ivon’ny fandraisan-tànana
Tanteraka izany, anio 01 desambra 2013, ka nisolo tena ny fiangonana manontolo, nandray tànana ny mpitandrina mianakavy teny amin’ny alitara : ny Biraom-piangonana, ny biraon’ny loholona sy diakona, ny komitin’ny fandraisan-tànana, ny filohan’ny sampana rehetra, ny filohan’ny komity rehetra.
Notolorana tamin’izany ny Certificat na takela-pahatsiarovana ho fanamarihana izany fandraisan-tànana izany.
Fandraisam-pitenenana
Nifandimby nandray fitenena kosa tao aorian’izany :
- ny filohan’ny firaisan’ny Loholona sy Diakona, RALIBERA Henri, izay nampatsiahy indrindra ny faneken’ny Diakona faharoa : « Ho naman’ny mpitandrina ka hiara-miasa aminy amin’ny fahazotoana eo amin’ny fiandrasana ny ondrin’Andriamanitra ».
- ny mpitandrina Rakotoniera Eric, nanatanteraka ny fanekena sy vina ary faniriany ho an’ny fiangonana Ambavahadimitafo, nitondra ny teny fisaorana ho an’ny rehetra nanohana izao fotoan-dehibe izao, ary notsongaina indrindra ny namorona ny feon-kiran’ny hira fanamarihana ny fandraisan-tànana : Ralibera Henri Andriamalala mivady.
- ny solon-tenan’ny fiankaviana Rakotoniera Eric mianakavy, Andriamatoa Kalo Miaina, nitondra ny tenin’ny fianakaviana
- tononkalo nentin’ny Loholona RALAMBOTIANA Georges
- namarana ny fandraisam-pitenenana kosa ny filohan’ny komitin’ny Fandraisan-tànana, andriamatoa RAZAFINDRAIBE Paulin, diakona
Natolotra ireo fanomezana
Rehefa vita izany dia natolotra ny fanomezana samihafa ho marika hita maso, ho fankasitrahana ny mpitandrina RAKOTONIERA Christian Eric :
– fiara VOLKSWAGEN GOLF Type 3 GT, nivoaka ny 3 avril 1996, 6cv, 5 places, essence, toutes options, n°3426TAH
– ny biraom-piangonana, ny sampana samihafa dia nifandimby nanolotra fanomezana tao aorian’izany
… ho hitanao tsy ho ela eto ny sary
