FJKM Ambavahadimitafo

Fiangonan'i Jesoa Kristy eto Madagasikara

Fifindrana tao amin'ny fiangonana vaovao misy rihana

Fifindrana tao amin'ny fiangonana vaovao misy rihana

Publié le 09 novembre 2008 à 12:11

Notanterahana tamin’ ny alahady 6 mey 2007 maraina teo ny fiverenana tao amin’ny tempoly nohavaozina rehefa niasa nandritra ny volana maromaro ny Komity Faha-X taona sy ny mpanao mari-trano ary ireo mpiara-piasa taminy rehetra.

Manomboka izao izany dia indray mandeha isaky ny alahady ihany ny fanompom-pivavahana ka ny fidirana dia amin’ny 9 ora maraina isaky ny alahady tsotra; ary amin’ny 8 ora kosa rehefa alahady fandraisana sy fotoan-dehibe.

Nialohan’io fotoana io dia nisy fivavahana fangatahampitahiana ho amin’ny fifindrana natao ny 28 aprily 2007 teo.

Fotoam-pivavahana manotrokotroka no notanterahana noho izany fifindrana izany. Nisy ny fanapahana ribà izay notanterahin’ny mpitandrina sy ny Filohan’ny Komity faha-X taona nialoha ny fotoam-pivavahana. Tena maro be tokoa ny olona tonga nanatrika izany fotoan-dehibe izany.

Araka ny isa voaray avy amin’ny Sampana Tanora Kristiana (STK); izay nisahana ny fanisana; dia nahatra 1026 ny isan’ny olona tonga niangona : 520 taty ambany ary 506 kosa tany ambony.

Marihana fa mety mahazaka olona eo amin’ny 1300 eo ny tempoly nohavaozina. Mbola nisy olona ihany anefa tany ivelany, na dia izany aza; asa na noho ny hafanana na ahoana. Fa ny azo lazaina aloha dia tratra ny tanjona tamin’ny fanorenana ny rihana mba hampitombona ny toerana ao am-piangonana iny.

Rehefa nirava ny fiangonana dia nozaraina « mamy kely – chocolat » ny mpiangonana tsirairay avy.

Raha ny heno dia mahafaly ny olona tokoa ny fanamboarana natao.


Lire aussi

23/01/2022 A la une . Fanompoam-pivavahana . Toriteny

Fa Izaho Jehovah dia tsy miova, ary hianareo, ry taranak’i Jakoba, dia tsy fongana

Alahady 23 Janoary 2022, hitondrana ambavaka ny FFKM mandritra ity herinandro ity. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Malakia 3: 6 «  Fa Izaho Jehovah dia tsy miova, ary hianareo, ry taranak’i Jakoba, dia tsy fongana  » Andeha hiombona amin’izany fanompoam-pivavahana izany

09/01/2022 A la une . Fanompoam-pivavahana . MIASAFIA

Toriteny an-kira Miasafia – Alahady 09 Janoary 2022

Alahady 09 Janoary, famaranana ny fankalazana ny faha-5 taona ny antoko mpihira MIASAFIA, nanatanterahan’izy ireo toriteny an-kira. Andeha hiombona amin’izany fotoam-pivavahana izany :

02/01/2022 A la une . Fanompoam-pivavahana

Maharitra tsy miova ny Tompo – Alahady 02 Janoary 2022

Alahady 02 Janoary 2022, alahadin’ny taom-baovao. Mifalia ry sakaiza fa nahazo taom-baovao; Zanahary no mitaiza ka hisaory sy hajao. Manasa anao hanaraka ny fanompoam-pivavahana :

31/12/2021 A la une . Antso sy filazana

Fandaharana Alahady 02 Janoary 2022

Manasa antsika sahady hiomana ho amin’ny fanompoam-pivavahana alahady voalohany amin’ny taona 2022. Toy izao ny fandaharana hiombonantsika amin’izany :

25/12/2021 A la une . Fanompoam-pivavahana

Krismasy fifaliana 2021 : Fa Mpamonjy no teraka ho anareo anio

« Ary hoy ny anjely taminy : Aza matahotra fa indro milaza teny soa mahafaly aminareo aho, dia fifaliana lehibe ho an’ny olona rehetra, fa Mpamonjy no teraka ho anareo anio ao an-tanànan’i Davida, dia Kristy Tompo », Lioka 2 : 10-11 Ny mpitandrina Randrianarisoa Alain no nitondra ny hafatr’Andriamanitra amin’ity krismasy 2021 ity. Andeha hiombona amin’izany

23/12/2021 Antso sy filazana

Fandaharana Krismasy 2021

« Ary hoy ny anjely taminy : Aza matahotra ; fa, indro, milaza teny soa mahafaly aminareo aho, dia fifaliana lehibe izay ho an’ny olona rehetra ; fa Mpamonjy no teraka ho anareo anio ao an-tanànan’i Davida, dia Kristy Tompo.» Lioka 2 : 10 – 11 Indro ny fandaharana ny Sabotsy 25 Desambra 2021 amin’ny

19/12/2021 A la une . Fanompoam-pivavahana

Mifalia amin’ny fanantenana

Alahady 19 desambra 2021, fanompoam-pivavahana teto amin’ny FJKM Ambavahadimitafo nanokanana ireo katekomena andriany « Fanantenana ». Ny mpitandrina Randrianarisoa Alain no nitondra ny hafatr’Andriamanitra avy ao amin’ny Romana 12;12a : « Mifalia amin’ny fanantenana »

14/12/2021 Antso sy filazana

Fandaharana Alahady 19 desambra 2021

Toy izao no fandaharana ho amin’ny fandraisana ho Mpandray ny Fanasan’ny Tompo andiany « Fanantenana » ny alahady 19 desambra 2021 manomboka amin’ny 9 ora maraina :

12/12/2021 A la une . Fanompoam-pivavahana . Toriteny

Ny fiainam-pianakaviana mahafaly an’Andriamanitra

Alahady 12 desambra 2021, natokana ho an’ny Sekoly Alahady mbola andinihina ny lohahevitra hoe « Minoa ny fifaliana ao amin’ny Tompo« . Ny hafatra avy ao amin’ny Ohabolana 23 : 12-18 no notoriana « 12Ampiekeo famaizana ny fonao, Sy tenim-pahalalana ny sofinao.13Aza tsy manafay zanaka, Fa tsy dia ho faty izy tsy akory na dia asianao ny hazo

06/12/2021 A la une . Antso sy filazana

Daty tsara ho fantatra : Desambra 2021

Toy izao ny tetiandro eto amin’ny FJKM Ambavahadimitafo ho amin’ity volana desambra 2021 ity : « Miorena tsara aza miova » 18 desambra 2021 : Fanadiovana Faobe : SOKAJY MINO – STA – SAMPATI – TMT – DORKASY 12 desambra 2021 : fizaran-doka Sekoly Alahady 19 desambra 2021 : fandraisana Katekomena « Fanantenana » 20 hatramin’ny 24 desambra 2021