FJKM Ambavahadimitafo

Fiangonan'i Jesoa Kristy eto Madagasikara

Fantatrao ve ny Vaomieran’ny Aim-panahy?

Non classé

Fantatrao ve ny Vaomieran’ny Aim-panahy?

Publié le 31 mars 2009 à 01:03

Ny faritra ety Ambavahadimitafo dia tena azo lazaina hoe faritra mena (zone rouge). Ety no ivarotana ny rongony, betsaka ny mpivaro-tena,  be dia be ny fanambadiana tsy vita ara-dàlana sy ny ady any an-tokan-trano tsy mety voaravona…

Ny Vaomieran’ny Aim-panahy moa dia niorina indrindra noho ny fitoriana ny Filazantsara eto amin’ny faritr’Ambavahadimitafo sy ny manodidina.

Ka izay no tena antony nijoroan’ny Vaomieran’ny Aim-panahy ; ka  mba hitaomana ny olona mba hihaona amin’i Kristy satria ao Aminy no ahitana ny fiainana tena tonga lafatra.

Sarotra anefa ny mitaona olona ho an’i Kristy satria indraindray izy hita, indraindray tsy hita. Ka tsy maintsy mitady hetsika hafa, mety tsy mahazatra ny fiangonana, mba ho entina misarika azy ireo.

Hetsika :

–          Toy ny natao tamin’ny  volana Febroary 2009, dia notaomina ny olona tamin’ny alàlan’ny famafana làlana ny olona. Tao aorianny  famafana làlala dia nisy ny fiarahana misakafo ; ary mandritra izany no manararaotra mitory an’i Kristy.  Zavatra miovaova tahaka izany no atao ao, izay samihafa noho ny fotoana isak’alahady izay hidirana amin’ny ora voatondro ka hiravana amin’ny ora voatondro koa

–          Misy koa ny Tafika masina an-davan’andro izay hamamgiana ny olona tsotra eto amin’ny faritra manodidina ka hitaizana azy mba hihiditra tsikelikely amin’ny fiainana ara-panahy.

–          Isaky  ny Alarobia hariva ao amin’ny Akany Ralibera Daniel dia misy ny fotoam-pivavahana amin’ny endrika tena tsotra izay natao indrindra ho an’ireo olona tsy tafiditra ety am-piangonana mihitsy

Tanjona  sy Vokatra :

Ny olona hiantefan’ny asa moa dia olona samihafa be satria tsy mpiangona eto amin’ny FJKM Ambavahadimitafo ny ankabeazany ; mety ho katolika izy, na fjkm, na advantista na mety ho tsy manana finoana mihitsy aza.

Sarotra ihany ny mandrefy ny vokatry ny asa. Kanefa isaky ny hetsika lehibe ataon’ny Vaomieran’ny Aim-panahy,  in-telo ao anatin’ny taona, iantsoana mpanao hira ara-pilazantsara na mpitoriteny avy any ivelany dia tena feno hipoka ny trano.

Ny firafitry ny Vaomieran’ny Aim-panahy :

Ny mpitandrina Rakotoharintsifa Andrianjatovo no ray aman-dreny manapa-kevitra ao amin’ny Vaomieran’ny Aim-panahy.

Ramatoa  Ranaivoson Faramalala vadiny kosa dia manokana fotoana maro ao amin’io vaomiera io, ka izy no mandrindra sy mandamina, mitady mpiara-miasa , mamorona programa ary mitady olona manafana an’io Vaomieran’ ny Aim-panahy io.

Tamin’ny taona 2007 no niforona ny Vaomieran’ny Aim-panahy. Samihafa noho ny sampana ny vaomiera noho ny firafiny eo anivon’ny fiangonana.

Hiadidian’ny fiangonana feno ny fandaniana ao anatiny :

Tsy ny fotoana hiasana no maha vaomiera ny vaomiera fa noho ny fiadidian’ny fiangonana azy. Izany hoe tsy mahazo manao fitadiavam-bola izy fa ny budget iray manontolo dia avy amin’ny fiangonana. Raha tsy ampy anefa izany dia afaka mangataka fanampiana amin’ny malala tànana ihany izy, toy izay efa natao tamin’ny hetsika rehetra teo aloha.

Tsy mitovy amin’ny Komity koa izy, izay voafetran’ny hetsika iray ny fotoana iasany.

Firafitry ny Vaomieran’ny Aim-panahy :

Saika manana Vaomieran’ny Aim-panahy daholo ny fiangonana rehetra. Ny mampihavaka azy fotsiny dia ny tsy fanànany Filoha, na sekretera na mpitahiry vola ; kanefa manana kahie mitahiry ny fandaniana ara-bola madio anefa izy mikasika ny fandaniana rehetra.

Mpikambana :

Somary mihavaka ny mpikambana eto amin’ny Vaomieran’ny Aim-panahy eto amin’ny FJKM Ambavahadimtafo, satria ny 80% dia ireo mpianatra ho mpitandrina ; izany hoe tsy raikitra. Izany hoe rehefa vita ny fianarany dia efa mety tsy ho mpikambana intsony izy. Ny mpikambana hafa koa dia saika manao izany an-tsitrapo avokoa.

Fihofanana :

Misy kosa anefa ny fepetra takiana raha hiditra ho Vaomieran’ny Aim-panahy. Izany hoe tsy maintsy mandalo fihofanana in-droa isan-taona. Izany fihofanana izany dia mahakasika ny Vaomieran’ny Aim-panahy, ny fanoloran-tena, ny maha-kristiana, ny tafika masina.

Ny olona miditra ho Vaomieran’ny Aim-panahy izany dia tsy maintsy mahalala izay antso manokana ho azy izay amin’ny Fitoriana ny Filazantsara, tsy maintsy manao fanoloran-tena ihany koa izy.

Noho ny hamafin’ny adim-panahy  betsaka hatrehina ao no mahatonga izay fepetra rehetra izay ka mampiavaka azy kely amin’ny fidirana sampana hafa.


Lire aussi

27/11/2022 A la une . Fanompoam-pivavahana . Toriteny

Advento 2022 : Fa izay rehetra nandray Azy dia nomeny hery ho tonga zanak’Andriamanitra, dia izay mino ny anarany

Alahady 27 novambra 2022, alahady voalohany @ Advento, mbola handalinana hatrany ny lohahevitra hoe « Miomàna handray ny Mpamonjy« , ka nitondran’ny mpitandrina mpiza-draharaha Tianarisoa Miora ny hafatr’Andriamanitra avy ao amin’ny Jaona 1 : 9:13 «  9Tao ny tena Mazava Izay mahazava ny olona rehetra tonga amin’izao tontolo izao. 10Teo amin’izao tontolo izao Izy, ary Izy no nanaovana izao

20/11/2022 A la une . Antso sy filazana . Jobily 25 taona Past. Alain Randrianarisoa

Fanentanana 25 taona Pst. Randrianarisoa Alain

« Haleloia, hidera an’i Jehovah amin’ny foko rehetra aho », Salamo 111, 1a Afaka alahady 2 dia ho tonga ny andro firavoravoantsika hankalazana  ny Jobily volafotsy maha-mpitandrina an’Andriamatoa Randrianarisoa Alain mivady. Hatraiza ny fanomanana ? Zoma 02 desambra 2022 : fanompoam-pivavahana hanasàna ny Foibe FJKM, Synodam-paritany Antananarivo Atsinanana, Fiangonana, fianakavian’ny mpitandrina ary ny vahoakan’Andriamanitra, izay arahina sakafom-pifaliana

20/11/2022 A la une . Fanompoam-pivavahana . Toriteny

Jesoa Kristy ho avy amin’ny fahefany

Alahady 20 novambra 2022, nitondrana am-bavaka ny Sampana Mpanazava sy Tily manerana ny sahan’ny FJKM, mbola handinihana ny lohahevitra hoe « Miomàna handray ny Mpamonjy« . Ny mpitandrina Razakamanantsoa Narinjaka no nitondra ny hafatr’Andriamanitra araka ny I Tesaloniana 5 : 1-5 « Fa ny amin’ny andro sy ny fotoana, ry rahalahy, dia tsy misy tokony hosoratako aminareo, 2satria ianareo

13/11/2022 A la une . Fanompoam-pivavahana . Toriteny

Anio no tonga eto amin’ity trano ity ny famonjena, fa izy dia zanak’i Abrahama koa

Alahady 13 novambra 2022, hitondrana am-bavaka ny fitantanana ny fanànana eo anivon’ny FJKM ary koa hitondrana am-bavaka ny Antoko Mpihira Ambavahadimitafo. Mbola antin’ny lohahevitra isika manao hoe « Miomàna handray ny mpamonjy » ka ny mpitandrina RANDRIANARISOA Alain no nitondra ny hafatr’Andriamanitra avy ao amin’ny Lioka 19 1 – 10 :  » 1Ary Jesosy niditra ka nandeha

06/11/2022 A la une . Fanompoam-pivavahana . Toriteny

Koa amin’izany miambena ianareo; fa tsy fantatrareo izay andro hihavian’ny Tomponareo.

Alahady 06 novambra 2022, hiarahana misantatra ny teny faneva amin’ity volana ity manao hoe « Miomàna handray ny Mpamonjy« . Ny mpitandrina Randrianarisoa Alain no nitondra ny hafatr’Andriamanitra avy ao amin’ny Matio 24 : 42-51 :  » 42Koa amin’izany miambena ianareo; fa tsy fantatrareo izay andro hihavian’ny Tomponareo. 43Nefa aoka ho fantatrareo izao: Raha fantatry ny tompon-trano ny

23/10/2022 A la une . Fanompoam-pivavahana . Toriteny

Jesoa manavao ny fanompoan’ny fiangonana

Alahady 23 oktobra 2022, mbola nibanjinana ny lohahevitra hoe « Havaozy ny fanompoan’ny fiangonana« , natokana hitondrana am-bavaka ny Sampana Fifohazana manerana ny sahan’ny FJKM. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Matio 5 : 21-26 «  21Efa renareo fa voalaza tamin’ny ntaolo hoe: „Aza mamono olona” (Eks. 20.13); ary izay mamono olona

16/10/2022 A la une . Fanompoam-pivavahana . Toriteny

Ka dia ho hitanareo indray ny tsi-fitovian’ny marina sy ny meloka, dia ny manompo an’Andriamanitra sy ny tsy manompo Azy

Alahady 16 Oktobra 2022, nitondrana am-bavaka ny Masera MAMRE, mbola handinihan’ny FJKM ny lohahevitra manao hoe « Havaozy ny fanompoan’ny fiangonana« . Ny mpitandrina Randrianarisoa Alain no nitondra ny hafatr’Andriamanitra avy ao amin’ny Malakia 3 : 18-24  » 13Ny teninareo dia mahery mamely Ahy hoy Jehovah. Nefa hoy ianareo: Inona no resakay nentinay namely Anao? 14Tamin’ny nanaovanareo hoe:

09/10/2022 A la une . Fanompoam-pivavahana . Toriteny

Fa raha manao fanasana ianao, dia asao ny malahelo

Alahady 09 oktobra 2022, mbola hibanjinana ny lohahevitra hoe « Havaozy ny fanompoan’ny fiangonana » ary nanatanterahan’ny MIASAFIA ny fanateram-bokatra. Ny mpitandrina Rambinintsoa Onja no nitondra ny hafatr’Andriamanitra avy ao amin’ny Lioka 14 : 13-14  » Fa raha manao fanasana ianao, dia asao ny malahelo, ny kilemaina, ny mandringa, ny jamba; 14dia ho sambatra ianao, satria tsy mba

02/10/2022 A la une . Fampianarana . Fanompoam-pivavahana

Fampianarana : Hazakazaka masina

Alahady 02 Oktobra 2022, andinihina lohahevitra vaovao eto anivon’ny FJKM hoe « Havaozy ny fanompoan’ny fiangonana« . Ny mpitandrina RANDRIANARISOA Alain no nitondra ny fampianarana mahakasika ny atao hoe « Hazakazaka masina » araka ny FJKM. Manasa anao hiombona @ fanompoam-pivavahana :

25/09/2022 A la une . Fanompoam-pivavahana . Toriteny

Jesoa Kristy manome fahefaha izay olona irahiny

Alahady 25 septambra 2022, handinihina farany ny lohahevitra hoe « Mikeleza aina amin’ny asa fitoriana« , hitondrana am-bavaka ny FFP na Fikarohana sy Fandalinam-pinoana. Ny mpitandrina Ranaivoson Bodo Hanitriniaina no nitondra ny hafatr’Andriamanitra avy ao amin’ny Matio 10 : 1-10  » 1Ary Jesosy niantso ny mpianany roa ambin’ny folo lahy hankeo aminy ka nanome azy fahefana hamoaka