FJKM Ambavahadimitafo

Fiangonan'i Jesoa Kristy eto Madagasikara

Fanentanana avy @ mpitandrina Randrianarisoa Alain, 15 mey 2020

Fanentanana avy @ mpitandrina Randrianarisoa Alain, 15 mey 2020

Publié le 17 mai 2020 à 01:05

« Koa aza menatra ny ho vavolombelon’ny Tompontsika » (II Tim 1 : 8)

Ambavahadimitafo, 15 Mai 2020

Ho an’ny mpianakavy amin’ny finoana manerana izao tontolo izao,
indrindra ny eto AMBAVAHADIMITAFO.

Antony : Fanentanana

Ry havako, ho aminareo anie ny fahasoavan’i Jesoa.
1) Mampahery sy mivavaka ho antsika rehetra na aiza no misy antsika na aiza, noho ny vokatry ny tsimokaretina COVID-19. « Andriamanitra no aro sy hery ho antsika, mpamonjy mora azo indrindra Izy » (Salamo 46 : 1)

2) Fantantsika rehetra fa tena tsy salama Ramatoa Fara RANAIVOSON ; tena mila ny fitondrantsika am-bavaka ny fitsaboana azy. Ary tena zava-dehibe amin’ny Tompo Jesoa ny fanohanantsika koa ara-bola ny fitsaboana izany mpanompon’Andriamanitra izany.
«Fa Andriamanitra tsy mba tsy marina hanadino ny asanareo sy ny fitiavana izay nasehonareo ho voninahitry ny Anarany » (Hebreo 6 :10).

3) Isaorana ny Tompo fa madiva ho vita ny « Toeram-pidiovana » eto amintsika Ambavahadimitafo. Mankasitraka ireo nandray anjara ary mbola manentana antsika tsy nahatanteraka izany.

Ny Alahady 17 mai sy ny Pentekosta 31 Mai 2020 izao dia hisy fitondrana am-bavaka manokana izany asan’Andriamanitra izany sy fiarahantsika mientana amin’ny alalan’ny RAKITRA MANOKANA.

Ho anao tsy ho afaka amin’ireo fotoana ireo dia afaka manontany ny Tomponandraikitry ny « site web »n’ny Fiangonana amin’izay ahazoanao manefa ny anjaranao.

« Fa Jehovah Andriamanitrao mandeha eo afovoan’ny tobinao hamonjy anao… Ka dia ho masina ny tobinao, mba tsy hahita zavatra maloto eo aminao Izy ka tsy hiala aminao ». (Deotornomia 23 :15).

Mirary ny fiadanan’ny Tompo ho amintsika rehetra.
Amin’ny anaran’ny Fiangonana manontolo.

Ny Mpitandrina
RANDRIANARISOA Alain


Lire aussi

29/01/2023 A la une . Fanompoam-pivavahana . Toriteny

Ny fiheverana Kristiana momba ny aretina sy ny loharanon’ny fanasitrànana

Alahady 29 Janoary 2023, andinihana farany ny lohahevitra hoe « Mpahary izao rehetra izao ny Tompo ». Ny mpitandrina Randrianarisoa Alain no nitondra ny fampianarana araka ny lohahevitra hoe « Ny fiheverana Kristiana momba ny aretina sy ny loharanon’ny fanasitrànana ». Manàsa anao hiombona @ fanompoam-pivavahana :

22/01/2023 A la une . Fanompoam-pivavahana . Toriteny

Fa Jehovah no Andriamanitra tokoa, eny, Izy no Andriamanitra velona sy Mpanjaka mandrakizay

Alahady 22 janoary 2023, hitondrana am-bavaka ny FFKM, ary mbola handinihina ny lohahevitra hoe « Mpahary izao rehetra izao ny Tompo ». Ny mpitandrina Randrianarisoa Alain no nitondra ny hafatr’Andriamanitra avy ao amin’ny Jeremia 10:6-13 «  6Tsy misy tokoa izay tahaka Anao, RY TOMPO ô;lehibe Ianao, ary lehibe amin’ny hery ny anaranao.7Iza no tsy hatahotra Anao, ry

10/01/2023 Antso sy filazana . Vaovao

Katekomena 2023

 » Atongilano ny sofinareo , ka mankanesa aty amiko, mihainoa dia ho velombelona ny fanahinareo… », Isaia 55 : 3 Miarahaba antsika amin’ny anaran’i Tompo. Araka ny efa nolazaina tamin’ny raharahan’ny fiangonana dia efa misokatra ny fisoratana anarana ho an’ireo izay manam – paniriana hiditra ho mpianatra katekomena amin’ity taona 2023 ity. Noho izany dia azontsika

08/01/2023 A la une . Fanompoam-pivavahana . Toriteny

Alahady 08 Janoary 2023

Alahady 08 Janoary 2023, mbola hibanjinana ny lohahevitra hoe « Mpahary izao rehetra izao ny Tompo ». Ny mpitandrina miza-draharaha Tinarisoa Miora no nitondra ny hafatr’Andriamanitra. Manasa anao hanaraka ny fotoana :

01/01/2023 A la une . Fanompoam-pivavahana . Toriteny

Taombaovao 2023 : Ary Jehovah Andriamanitra nanao saha tao Edena tany atsinanana, ka napetrany tao ralehilahy izay noforoniny… hiasa sy hitandrina azy

Ankino amin’i Jehovah ny làlanao ary matokia Azy fa ataony tanteraka izany. Miarahaba anao nahatratra izao taona vaovao izao ka mirary soa anao ho fenoin’ny Tompo ny fitahiany Tompo ianao mandritra izao taona 2023 izao. Alahady 01 Janoary 2023, andro voalohany, alahady voalohany amin’ity taona 2023 ity, andinihina ny lohahevitra amin’ity volana ity manao hoe

25/12/2022 A la une . Fanompoam-pivavahana . Toriteny

Noely 2022 : Arahaba, ry ilay nohasoavina, ny Tompo momba anao

« Arahaba, ry ilay nohasoavina, ny Tompo momba anao », Lioka 1:28 Arahabaina ianao nahatratra izao Krismasy 2022 izao, mbola hibanjinantsika ny lohahevitra hatrany hoe « An’ny Tompo ny Fanjakana ». Andeha hiombona amin’izany fanompoam-pivavahana krismasy izany :

22/12/2022 A la une . AMA . Antso sy filazana

Noely 2022 : Ny hatsarany

Atolotry ny Antoko Mpihira Ambavahadimitafo ny Sabotsy 24 desambra 2022 @ 06.30 ora hariva, antsan-kira Noely 2022 mitondra ny lohateny hoe « Ny hatsarany ». Manasa anao hiombona amin’izany fotoana izany eny @ FJKM Ambavahadimitafo. Mirary krismasy sambatra !

18/12/2022 A la une . Fanompoam-pivavahana . Katekomena . Toriteny

Alahady fanokanana Katekomena « Sandratra 2022 »

Alahady 18 desambra 2022, fotoana nanokanana ny katekomena andiany « Sandratra » teto amin’ny FJKM Ambavahadimitafo. Mbola anatin’ny lohahevitra hoe « An’ny Tompo ny Fanjakana ». Ny hafatr’Andriamanitra avy ao amin’ny Lioka 12 : 32-40 no nanotoriana tamin’izany : « 32Aza matahotra, ry ondry vitsy, fa efa sitraky ny Rainareo ny hanome anareo ny fanjakana. 33Amidio ny fanananareo, ka manaova fiantrana;

11/12/2022 A la une . Fanompoam-pivavahana . STA . Toriteny

Izay rehetra manana dia homena; fa ny amin’izay tsy manana kosa, na dia izay ananany aza, dia halaina aminy

Alahady 11 desambra 2022, natokana ho an’ny Sekolin’ny Tenin’Andriamanitra na Sekoly alahady manerana ny FJKM ary mbola andinihina ny lohahevitra hoe « An’ny Tompo ny Fanjakana« . Ny mpitandrina Rakotoarisoa Heritiana, filohan’ny Sekoly Alahady Foibe no nitondra ny hafatr’Andriamanitra avy ao amin’ny Lioka 19:11-28 : « 11Raha mbola nihaino izany ny olona dia nandroso niteny ihany Jesosy ka

04/12/2022 A la une . Fanompoam-pivavahana . Jobily 25 taona Past. Alain Randrianarisoa . Toriteny

Alahady 04/12/2022 : Haleloia, hidera an’i Jehovah @ foko rehetra aho

Ny Alahady 04 desambra 2022 kosa no fotoana nankalazana an’Andriamanitra, niaraka tamin’ny fiangonana manontolo sy ny zanak’am-pielezana noho ny Jobily faha-25 taona nitandreman’ny mpitandrina Randrianarisoa Alain mivady. Manàsa anao hiombona amin’izany fotoana izany :