FJKM Ambavahadimitafo

Fiangonan'i Jesoa Kristy eto Madagasikara

Fanazàvana momba ny atao hoe Fanokanana mpitandrina

Fanazàvana momba ny atao hoe Fanokanana mpitandrina

Publié le 17 août 2011 à 09:08

Amin’ny Asabotsy 10 Septambra 2011 dia hotokanana ho mpitandrina ny mpitandrina Dr Rakotoniera Tantelinirina Christian Eric. Izany fanokanana izany dia hotanterahina eto amin’ny FJKM Ambavahadimitafo, araka ny hetahetan’izy mivady, izay nankatoavin’ny Mpandray ny Fanasan’ny Tompo rahateo.

Fanazavàna :

Indro misy fanazavana fohy nentin’ny mpitandrina Rakotoniera mikasika izany atao hoe « Fanokanana mpitandrina » izany :

Rehefa mahavita ny fianarany ny mpitandrina dia « irahina » izy; tahaka ny fanao eny Antsahamanitra, izay hanendrena azy hiasa any amin’ny Synodam-paritany. Rehefa mahavita 5 taona eo izy, na mihoatra eo, dia « tokanana ».

Izany fanokanana izany dia zava-takian’ny fiantsoana satria fanehoana am-pahibemaso ny maha olom-boaantso ilay mpitandrina.

Somary nihemotra izany fanokanana izany ho an’ny mpitandrina Rakotoniera manokana, noho ny fianarana naharitraritra. Rehefa tonga teto amin’ny FJKM Ambavahadimitafo kosa izy dia nahatsiaro fa tokony hiroso amin’izany dingana izany, izay fitsipika sy foto-dalàna rahateo.

Rehefa nanao ny fangatahana ny mba hanaovanana ny fanokanana azy eto amin’ny FJKM Ambavahadimitafo ny mpitandrina Rakotoniera dia nankatoavin’ny Mpandray ny Fanasan’ny Tompo izany ka amin’ny 10 septambra 2011 no hanaovana izany.

Amin’io Asabotsy 10 septambra io dia ho avy eto amin’ny fiangonana ny solon-tenan’ny Mpiandraikitra Foibe, solon-tenan’ny Synodam-paritany mba hanao izany fanokanana izany.

Ny fanokanana

Ny atao hoe fanokanana dia fanokanana olona iray mba hanao asa fanompoana izay efa niomanany tahaka ny fanokanana diakona, fanokanana mpiandry…; tahaka izany koa ny fanokanana mpitandrina.

Ny fanokanana mpitandrina dia fanamasinana, fanokanana amin’ny alàlan’ny fametrahan-tànan’ny zokiolona mpitandrina ho amin’izany fanompoana izany.

Olona telo no manatanteraka izany : ny filohan’ny firahalahiana, ny mpiandraikitra foibe ary ny solon-tenan’ny Synodam-paritany.

Ny mpitandrina

Ny atao hoe mpitandrina moa dia mpanompon’ny Tenin’Andriamanitra, mitory ny Tenin’Andriamanitra, mampianatra ny fiangonana, mizara ny Sakramenta ary mitahiry ny tsiambaratelo izay omen’ny olona azy mba hijanona eo aminy mba hahatonga ny feon’ny fieritreretan’ny hafa tsy ho simba noho izany, na resaka na fitarainana na olana nentina teo amin’ny mpitandrina izany.

Ny vadin’ny mpitandrina

Ny vadin’ny mpitandrina koa dia manana andraikitra lehibe, ka misy teny omena azy eto amin’ny fanokanana ary fitondrana am-bavaka sy fanohanantsika fiangonana am-bavaka no tena zava-dehibe amin’izany.

Nangataka moa ny mpitandrina Rakotoniera mba ho tsotra araka izay azo atao izany fanokanana izany, mba ho fotoam-pivavahana tsotra ihany fa tsy hakotrokotroka tahaka ny fahita ary rehefa vita ny fotoam-pivavahana dia mirava am-pilaminana isika fa tsy misy fiaraha-misakafo na tahaka izany…

Ny fandraisan-tànana

Rehefa vita ny fanokanana ho mpitandrina, izay vao miroso amin’ny fandraisan-tànana : eken’ny fiangonana ve ny hiasan’io mpitandrina io eo amin’io fitandremana io? Inona ary no antony?

Ny tena tompon’ny teny farany amin’ny hahafahan’ny mpitandrina manohy ny asany na tsy manohy ny asany dia ny fanapahan-kevitry ny Mpandray ny Fanasan’ny Tompo. Marihina fa tsy manatrika izany fiheveran-draharaha izany ny mpitandrina fa ny biraon’ny Synodam-paritany no mandrindra izany.

Raha toa ka eken’ny Mpandray ny Fanasan’ny Tompo izany dia miroso amin’ny Fandraisan-tànana, ka ny Synodam-paritany no tonga eto amin’ny fiangonana manatanteraka ny fandraisan-tànana.

Fanokanana mpitandrina teto amin’ny FJKM Ambavahadimitafo:

Tsy dia niainan’ny FJKM Ambavahadimitafo loatra izany Fanokanana mpitandrina izany satria ny mpitandrina Ralambomahay Jean Baptiste (efa ela)  sy Pasteur Justin (izay nindrana ny fiangonana fotsiny fa tsy nitandrina teto) no notokanana teto.

Ankatoky ny Fandraisana, alahady 24 jolay 2011


Lire aussi

22/05/2022 A la une . Fanompoam-pivavahana . Toriteny

Mandehana araka ny Fanahy, dia tsy hahatanteraka ny filan’ny nofo ianareo

Alahady 22 mey 2022, andinihina ny lohahevitra hoe « Manavao ny Fanahy masina« , ka nitondran’ny tarika Ny mpitory toriteny an-kira araka ny Galatiana 5 : 16 – 25 « 16Fa hoy izaho: Mandehana araka ny Fanahy, dia tsy hahatanteraka ny filan’ny nofo ianareo. 17Fa ny nofo manohitra ny Fanahy, ary ny Fanahy manohitra ny nofo; ary mifanohitra

15/05/2022 A la une . Fanompoam-pivavahana . Toriteny

Ka efa nofenoiny fanahin’Andriamanitra, dia fahendrena sy fahiratan-tsaina sy fahalalana ny amin’ny tao-zavatra samy hafa

Alahady 15 mey 2022, « Manavao ny fanahy masina », lohahevitra amin’ity volana ity eto anivon’ny FJKM , itondrana am-bavaka ny mpiasa hiombonana. Ny mpitandrina Randrianarisoa Alain no nitondra ny hafatr’Andriamanitra avy ao amin’ny Eksodosy 35 : 31 « ka efa nofenoiny fanahin’Andriamanitra, dia fahendrena sy fahiratan-tsaina sy fahalalana ny amin’ny tao-zavatra samy hafa« .  Andeha hiombona amin’ny fanompoam-pivavahana

08/05/2022 A la une . Fanompoam-pivavahana . SLK . Toriteny

Toriteny an-kira nentin’ny tarika Laurent Rakotomamonjy, faha-15 taona SLK Ambavahadimitafo

Alahady 08 Mey 2022, alahady hitondrana am-bavaka ny SLK na Sampana Lehilahy Kristiana eo anivon’ny FJKM, ankalazana ny faha-15 taonan’ny SLK eto amin’ny FJKM Ambavahadimitafo. Ny tarika Laurent Rakotomamonjy no nitondra ny hafatr’Andriamanitra tamin’ny alàlan’ny toriteny an-kira. Manasa anao hiombona amin’izany fanompoam-pivavahana izany :

03/05/2022 A la une . Fanompoam-pivavahana . Jobily 25 taona Past. Alain Randrianarisoa . Randrianarisoa Alain . Toriteny

Alahady fanokafana ny faha-25 taona nitandremana

Alahady 02 mey 2022 hibanjinan’ny FJKM ny lohahevitra amin’ity volana ity manao hoe « Manavao ny Fanahy Masina« ; nanokafana ihany koa ny Jobily faha-25 taona nitandreman »ny mpitandrina Randrianarisoa Alain. Ny teny anorenana ny jobily dia ny Salamo 111 : 1b « Haleloia ! Hidera an’i Jehovah amin’ny foko rehatra aho ». Manasa antsika hiombona amin’izany fanompoam-pivavahana izany :

24/04/2022 A la une . AFFA . Fanompoam-pivavahana . Toriteny

Alahady « Fetin’ny Fahazavana » 2022

Alahady 24 aprily 2022, alahady faha-2 manaraka ny paska, hitondrana am-bavaka ny Toeram-Pamonjena Zaza na TOPAZA, mbola anatin’ny lohahevitra hoe « Mandresy ny fahafatesana ny Tompo« . Nankalazaina anio ny « Fetin’ny Fahazavana » eto @ FJKM Ambavahadimitafo niompana tamin’ny lohahevitra hoe TVM na hoe « Tena Velona eo amin’ny fiainanao ve ny Mpamonjy« , nitondrana koa ny tenin’Andriamanitra avy ao

18/04/2022 A la une . Fanompoam-pivavahana . Toriteny

Fa isaorana anie Andriamanitra, Izay manome antsika ny fandresena amin’ny alalan’i Jesosy Kristy Tompontsika

« Mandresy ny fahafatesana ny Tompo »; izany no lohahevitra banjinintsika amin’izao Paska 2022 izao. Ny tompo sy ny fiadanany anie ho amintsika rehetra ka hahatonga antsika hiombom-pandresena amin’ny Tompo Andriamanintsika. Ny mpitandrina Randrianarisoa Alain no nitondra ny hafatr’Andriamanitra avy ao amin’ny IKor 15 : 54 – 58 teto amin’ny FJKM Ambavahadimitafo tamin’ity Alahady paska 17 Aprily

10/04/2022 A la une . Fanompoam-pivavahana . Toriteny

Ilay fanomezana tsara indrindra

Alahady 10 aprily 2022, alahadin’ny sampan-drofia, natokana koa hitondrana am-bavaka koa ny Sampana Dorkasy. Avy ao amin’ny Romana 8 : 31 – 39 no nitondrana ny hafatra ho antsika anio : 31Inona ary no holazaintsika ny amin’izany zavatra izany? Raha Andriamanitra no momba antsika, iza no hahatohitra antsika? 32Izay tsy niaro ny Zanani-lahy, fa natolony

03/04/2022 A la une . Fanompoam-pivavahana . Toriteny

Hohelohiny ho faty Izy, ary amin’ny andro fahatelo dia hatsangana indray Izy

Alahady 03 aprily 2022, andinihina lohahevitra vaovao eto amin’ny sahan’ny FJKM mandritra ity volana Aprily ity : « Mandresy ny fahafatesana ny Tompo« . Ny mpitandrina Randrianarisoa Alain no nitondra ny tenin’Andriamanitra avy ao amin’ny Matio 20 : 18 – 19 « ary ny Zanak’olona hatolotra ho amin’ireo lohan’ny mpisorona sy ny mpanora-dalàna, dia hohelohiny ho faty Izy 19[…]

27/03/2022 A la une . Fanompoam-pivavahana . Toriteny

Hamaly ny olona araka ny nataony Andriamanitra

Alahady 27 martsa 2022, andinihina farany ny lohahevitra hoe « Mamaly ny faharatsiana ny Tompo« . Ny mpitandrina miza-draharaha Randriambinintsoa Onja no nitondra ny hafatr’Andriamanitra avy ao amin’ny Jeremia 21 : 1-10 « 1IZAO no teny tonga tamin’i Jeremia avy tamin’i Jehovah, fony Zedekia mpanjaka naniraka an’i Pasora, zanak’i Malgia, sy Zefania, zanak’i Mahaseia mpisorona, hankany aminy hanao

13/03/2022 A la une . Fanompoam-pivavahana . Fifohazana . Toriteny

Tanteraho ny fanompoanao – faha-30 taona SAFIF

Alahady 13 martsa 2022, nankalazana ny faha-30 taonan’ny Sampana Fifohazana eto amin’ny FJKM Ambavahadimitafo, izay nitoriana ny tenin’Andriamanitra sady fanevan’izao fankalazana izao : « Fa asany isika, voaforona tao amin’ny Kristy Jesoa mba hanao asa tsara…. Tanteraho ny fanompoanao ». Ramatoa Razafiarisoa Voahirana, Biraon’ny Fifohazana Synodam-paritany Antananarivo Atsinana no nitarika ny fotoam-pivavahana, ary ny mpitandrina Ranomenjanahary Solofo