TENDRO : Rodorodo nationaly - Fandiorano 2009

Tatitra momba ny Rodorodo nationaly izay natrehan'ny Sampana Mena XIIIème ny 31 Aogositra 2009

TENDRO no niantsoana ny hetsika nasionaly ao anatin'ny fanabeazana Tily tamin'ity taona 2009 ity,sehatra nasionaly no nanaovana izany ary ireo vondrona voasivana isam-paritany no mahazo miatrika izany.


Isan-tsampana (mavo,maitso,mena,menafify) dia manatanteraka ny Tendro ka tamin'ny alalan'ny Rodorodo Nationaly no nanatanterahin'ny Sampana Mena izany.

FANDIORANO 2009 no anaran'ny rodorodo ka ireo hevi-dehibe amin'ny projet "WASH" no nolalaovina, ireto avy izany:

-Fisotroana rano azo antoka

-Fanasana tanana amin'ny savony

-Fampiasana lava-piringa manara-penitra

Nanomboka ny Alahady 30 Aogositra 2009 tao Antanifotsy ny rodorodo ary nifarana ny Asabotsy 05 Septembra 2009 tao Ambositra.

Manodidina ny 200 Km no alaviran-dalana natao dia-tongotra ary tanàna 20 eo ho eo no voatety ka nanaovana ny fanentanana momba ny WASH.Fokonolona 24 no nandray anjara izay avy amin'ireo Faritany Tily misy eto Madagasikara

Anisan'ny solotenan'ny Faritany Antananarivo Afovoany ny Fokonolona Ralambomahay avy eto ami'ny Fileovana Ambavahadimitafo XIII. Ireto avy ny anaran'ireo Mpiandalana ao amin'ny Fokonolona Ralambomahay:

· RANDREMBASON Joany Herizo (Loholona)

· RAKOTONANDRASANA Hajatiana

· ANDRIAFANOMEZANTSOA Nada Ny Toky

· ANDRIAMAMPIONONA Soloniaina Patrice


· RAMANANKATSOINA Onivola Manjaka

Ny hafangainam-pandeha sy ny fomba fanentanana ary ny fiainam-pokonolona no tena nitsarana
ny fokonolona tsirairay ary nahazo ny isa ambony indrindra tamin'izany ny Fokonolona Ralambomahay XIII
Nahazo ny laharana voalohany tamin'ny Rodorodo nationaly noho izany ny Fokonolona Ralambomahay XIII
ary toy izao ny laharan'ireo telo voalohany:

Voalohany : FOKONOLONA RALAMBOMAHAY Ambavahadimitafo

Faritany Antananarivo Afovoany

·
Faharoa : FOKONOLONA RATSIMAMANGA Ambohimamory

Faritany Antananarivo Andrefana

·
Fahatelo : FOKONOLONA GERARD Ambohijatovo

Faritany Antananarivo Avaratra

Vaovao hafa momba ny Tily , tsidiho : http://www.scout-tily.org/

Publié le 23/09/2009 

Recommander cet article à un ami   |   Voir toutes les news sur SAMPATI